[COLOR="Red"
Ismail Xhaferi
Në Gjykatën e Tepelenës u zhvillua dje seanca e planifikuar ndaj dy të rinjve, që akuzohen për organizim dhe pjesëmarrje në një manifestim të paligjshëm nacionalist. Luan Halili dhe Eugen Hasanbega janë dy të rinjtë nga fshati Toç i këtij rrethi, të cilët janë kallëzuar për ndjekje penale nga komisariati i Tepelenës, për shkak se në muajin qershor të këtij viti, së bashku me dhjetëra banorë të tjerë kanë organizuar një manifestim popullor ndaj qëndrimeve antikombëtare të kryetarit të Bashkisë së Himarës dhe njëherësh kryetar i OMONIA-s, Vasil Bollano dhe prefektit të Gjirokastrës, Spiro Ksera. Me parulla në duar, ata dolën rrugës nacionale Tepelenë-Ballsh dhe kërkuan shkarkimin e Kserës e Bollanos dhe uljen e tyre në bankën e të akuzuarve. Gjyqi ka nisur edhe me një protestë me flamuj kombëtarë para gjykatës. Brenda në sallë, dy të akuzuarit që rrezikojnë disa vite burg për organizim mitingjesh të paligjshme, deklaruan se ata kishin kryer një detyrë patriotike. Seanca që drejtohej nga gjykatësi Shkëlqim Mustafa, ka vijuar me marrjen në pyetje të policit të zonës, i cili tha se kishte kontraktuar me të akuzuarit që kishin kërkuar leje në polici, leje e cila nuk iu është dhënë nga shefi i komisariatit, me përgjigjen se nuk kishte forca policie në dispozicion për të ruajtur rendin. Halili dhe Hasanbega deklaruan para trupit gjykues se “kishin marrë pjesë në këtë manifestim, pasi janë shqiptarë dhe e quajnë detyrë patriotike mbrojtjen e dinjitetit dhe sovranitetit të Shqipërisë. Ne nuk kemi bërë asnjë thirrje antikushtetuese, por në protestë kërkuam që në bankën e të akuzuarve të ulen ekstremistët Bollano e Ksera, që kanë bërë thirrje antikushtetuese për copëtimin e shtetit shqiptar, duke nxitur urrejtjen etnike. Ne jemi për respektimin e Kushtetutës e Kodit Penal dhe për mbrojtjen e çështjes kombëtare”, - u shprehën ata. Avokati i çështjes kërkoi paraqitjen e shefit të komisariatit në seancë, i cili është emëruar tashmë në Peqin. Për rrjedhojë, me kërkesë të prokurorit Përparim Nelaj, çështja u shty për në datën 14 janar. Eugen Hasanbega dhe Luan Halili, janë dy të rinj nga fshati Toç i Tepelenës, të cilët protestuan së bashku me dhjetëra të tjerë ndaj prefektit të Gjirokastrës, Spiro Ksera, i cili në datën 18 maj ’08 mori pjesë në një tubim antishqiptar të zhvilluar në Konicë. Ksera, i mbështjellë me flamurin e Vorio-Epirit, ka artikuluar publikisht, sipas mediave greke, domosdoshmërinë e “kthimit në identitetin grek” të Jugut të Shqipërisë, duke pretenduar njëkohësisht se “Kosova dhe Epiri i Veriut janë raste të ngjashme dhe si të tilla, komuniteti ndërkombëtar e në veçanti Bashkimi Europian nuk mund të ketë dy qëndrime të ndryshme për dy çështje të njëjta”.
Ismail Xhaferi
Në Gjykatën e Tepelenës u zhvillua dje seanca e planifikuar ndaj dy të rinjve, që akuzohen për organizim dhe pjesëmarrje në një manifestim të paligjshëm nacionalist. Luan Halili dhe Eugen Hasanbega janë dy të rinjtë nga fshati Toç i këtij rrethi, të cilët janë kallëzuar për ndjekje penale nga komisariati i Tepelenës, për shkak se në muajin qershor të këtij viti, së bashku me dhjetëra banorë të tjerë kanë organizuar një manifestim popullor ndaj qëndrimeve antikombëtare të kryetarit të Bashkisë së Himarës dhe njëherësh kryetar i OMONIA-s, Vasil Bollano dhe prefektit të Gjirokastrës, Spiro Ksera. Me parulla në duar, ata dolën rrugës nacionale Tepelenë-Ballsh dhe kërkuan shkarkimin e Kserës e Bollanos dhe uljen e tyre në bankën e të akuzuarve. Gjyqi ka nisur edhe me një protestë me flamuj kombëtarë para gjykatës. Brenda në sallë, dy të akuzuarit që rrezikojnë disa vite burg për organizim mitingjesh të paligjshme, deklaruan se ata kishin kryer një detyrë patriotike. Seanca që drejtohej nga gjykatësi Shkëlqim Mustafa, ka vijuar me marrjen në pyetje të policit të zonës, i cili tha se kishte kontraktuar me të akuzuarit që kishin kërkuar leje në polici, leje e cila nuk iu është dhënë nga shefi i komisariatit, me përgjigjen se nuk kishte forca policie në dispozicion për të ruajtur rendin. Halili dhe Hasanbega deklaruan para trupit gjykues se “kishin marrë pjesë në këtë manifestim, pasi janë shqiptarë dhe e quajnë detyrë patriotike mbrojtjen e dinjitetit dhe sovranitetit të Shqipërisë. Ne nuk kemi bërë asnjë thirrje antikushtetuese, por në protestë kërkuam që në bankën e të akuzuarve të ulen ekstremistët Bollano e Ksera, që kanë bërë thirrje antikushtetuese për copëtimin e shtetit shqiptar, duke nxitur urrejtjen etnike. Ne jemi për respektimin e Kushtetutës e Kodit Penal dhe për mbrojtjen e çështjes kombëtare”, - u shprehën ata. Avokati i çështjes kërkoi paraqitjen e shefit të komisariatit në seancë, i cili është emëruar tashmë në Peqin. Për rrjedhojë, me kërkesë të prokurorit Përparim Nelaj, çështja u shty për në datën 14 janar. Eugen Hasanbega dhe Luan Halili, janë dy të rinj nga fshati Toç i Tepelenës, të cilët protestuan së bashku me dhjetëra të tjerë ndaj prefektit të Gjirokastrës, Spiro Ksera, i cili në datën 18 maj ’08 mori pjesë në një tubim antishqiptar të zhvilluar në Konicë. Ksera, i mbështjellë me flamurin e Vorio-Epirit, ka artikuluar publikisht, sipas mediave greke, domosdoshmërinë e “kthimit në identitetin grek” të Jugut të Shqipërisë, duke pretenduar njëkohësisht se “Kosova dhe Epiri i Veriut janë raste të ngjashme dhe si të tilla, komuniteti ndërkombëtar e në veçanti Bashkimi Europian nuk mund të ketë dy qëndrime të ndryshme për dy çështje të njëjta”.
.