SHKODثR- Edicioni i dytë i Festivalit Ndërkombëtar të Filmit të Animuar “Anifest Rozafa 2011” është përmbyllur të shtunën në mbrëmje në teatrin "Migjeni” me ndarjen e çmimeve për më të mirët.
Mbrëmja u çel me filmin e animuar kroat “Kori i bretkocave”, i realizuar nga 17 fëmijë, i cili u vlerësua nga juria e fëmijëve shqiptarë si produksioni më i mirë. Me çmimin special juria e fëmijëve vlerësoi filmin turk “ Pulëbardha e Stambollit”. Nata finale vijoi me ndarjen e çmimeve nga juria ndërkombëtare, ku në kategorinë “Independent session” me çmimin “Best price” u vlerësuan filmat “Amar” i Izabel Herguria, "O’Moro”-Ch Calissoni dhe E.Offreoo dhe filmi
“Ritual”- Zbyzek Czapla.
Në kategorinë e "Student’s session" me çmimin “Best price” u vlerësuan filmat "The renter” nga Jason Carpenter, “A lost and found box of human sensation” nga Martin Wallner, ndërsa "Where dog’s lie” u nderua me çmimin “Best film”. Me çmimin “Special price” u vlerësuan filmat "The lost town of Switer”, "The little dragon” dhe "The trial”.
Për kategorinë "Children’s session”, me çmimin “ Best price” u vlerësua filmi “Gerald’s last day” me autorët Justin dhe Shel Rosch.
(m.a/ata/BalkanWeb)