14 shpërthime tronditën Bagdadin sot në mëngjes. Pas tërheqjes së trupave amerikane, ekziston frika se vendi do rrëshqasë në anarki
Një seri prej 14 shpërthimesh ka tronditur mëngjesin e sotëm kryeqytetin irakian, Bagdad. Bilanci: të paktën 63 të vdekur dhe 185 të plagosur.
Sulmi i koordinuar në 11 lagje të Bagdadit është më i keqi në vend që kur aty ka shpërthyer një krizë politike mes fraksioneve shiite dhe suni.
Po ashtu, sulmi vjen javën kur forcat amerikane u tërhoqën nga vendi- duke shtuar frikën se pa prezencën amerikane, vendi do rrëshqasë në anarki.
Përplasja politike, që ka vënë kryeministrin shiit kundër liderit më të lartë politik suni, mund të rihapë plagët e vjetra të dhunës sektariane.
Në qendër të sulmeve të sotme duket se kanë qenë shumica e lagjeve shiite, por ka pasur edhe zona me suni të sulmuara.
Sulmi më i rëndë ndodhi në lagjen Al Amal, ku shtatë njerëz u vranë në një sulm të dytë, që kishte në shënjestër zyrtarët dhe forcat e sigurisë, që kishin mbërritur në vendngjarje pas një shpërthimi të mëparshëm.
Qeveria e kryeministrit Nuri Al Maliki ka akuzuar zëvendëspresidentin suni Tarik Al Hashemi se ka një skuadër vdekje, që ka shenjestruar zyrtarët e qeverisë. Një gjykatë ka lëshuar një mandat arresti për të, por zëvendëspresidenti është arratisur. Al Maliki po ashtu ka kërkuar një votë mosbesimi për zëvendëskryeministrin suni Saleh Al Mutlak.
Shiitët përbëjnë rreth dy të tretat e popullsisë në Irak kurse një e treta janë suni.
Ish- diktatori Sadam Hysein, një suni, ka diskriminuar shiitët dhe kurdët.
G.tema
Një seri prej 14 shpërthimesh ka tronditur mëngjesin e sotëm kryeqytetin irakian, Bagdad. Bilanci: të paktën 63 të vdekur dhe 185 të plagosur.
Sulmi i koordinuar në 11 lagje të Bagdadit është më i keqi në vend që kur aty ka shpërthyer një krizë politike mes fraksioneve shiite dhe suni.
Po ashtu, sulmi vjen javën kur forcat amerikane u tërhoqën nga vendi- duke shtuar frikën se pa prezencën amerikane, vendi do rrëshqasë në anarki.
Përplasja politike, që ka vënë kryeministrin shiit kundër liderit më të lartë politik suni, mund të rihapë plagët e vjetra të dhunës sektariane.
Në qendër të sulmeve të sotme duket se kanë qenë shumica e lagjeve shiite, por ka pasur edhe zona me suni të sulmuara.
Sulmi më i rëndë ndodhi në lagjen Al Amal, ku shtatë njerëz u vranë në një sulm të dytë, që kishte në shënjestër zyrtarët dhe forcat e sigurisë, që kishin mbërritur në vendngjarje pas një shpërthimi të mëparshëm.
Qeveria e kryeministrit Nuri Al Maliki ka akuzuar zëvendëspresidentin suni Tarik Al Hashemi se ka një skuadër vdekje, që ka shenjestruar zyrtarët e qeverisë. Një gjykatë ka lëshuar një mandat arresti për të, por zëvendëspresidenti është arratisur. Al Maliki po ashtu ka kërkuar një votë mosbesimi për zëvendëskryeministrin suni Saleh Al Mutlak.
Shiitët përbëjnë rreth dy të tretat e popullsisë në Irak kurse një e treta janë suni.
Ish- diktatori Sadam Hysein, një suni, ka diskriminuar shiitët dhe kurdët.
G.tema