fcbesia
Anëtar i Respektuar
Gjuha maqedonase të futet si një nga gjuhët e huaja kryesore në shkollat e të gjitha rajoneve ndërkufitare mes këtyre dy vendeve!". Ky ka qenë dje sugjerimi i ambasadres së Maqedonisë, Blagorodna Mingova-Krepieva gjatë një takimi me drejtuesit vendorë të rrethit të Librazhdit, si dhe deputetët e zonës. Rreth këtij propozimi të bërë në zyrën e kryebashkiakut Kastriot Bega, ku ishte i pranishë dhe deputeti Taulant Balla, nuk ka pasur reagim nga të pranishmit. I kontaktuar pas takimit nga “Gazeta Shqiptare” kryebashkiaku Bega e ka konsideruar këtë propozim si dashamirës dhe që i shërben projekteve të përbashkëta në zonat ndërkufitare.
VIZITA
Vizita e djeshme e diplomates fqinje në rrethin kufitar të Librazhdit u realizua në kuadër të një sërë projektesh ndërkufitare të infrastrukturës, komunikimit të ndërsjellë dhe mjedisit. Kështu, pak javë më parë zona Përrenjas-Klënje (Bulqizë) u shpall park kombëtar me hapësira në të dy anët e kufirit; është në proces aksi rrugor Librazhd-Bulqizë (loti i parë ka përfunduar) që mban peng hapjen e pikës kufitare me Maqedoninë në Fushën e 30-ë në Steblevë, etj. "Me shumë interes për Shqipërinë dhe Maqedoninë, veçanërisht për zonat kufitare, mbetet bashkëpunimi në të gjitha fushat", - theksoi Kripieva në takimin e zhvilluar në Bashkinë e Librazhdit. Ndërsa kryebashkiaku Begaj e ka njohur diplomaten mike me problemet, ritmet e zhvillimit ekonomiko-social, resurset e shumta si dhe fushat për projekte të përbashkëta.
PROPOZIMI
Propozimin për mësimin e maqedonishtes si një nga gjuhët e huaja në shkollat e zonave kufitare, diplomatja fqinje e bëri në momentin që kryebashkiaku Begaj i paraqiti disa probleme në gjendjen e dy shkollave 9-vjeçare dhe gjimnazin e qytetit të Librazhdit. "Studimi me prioritet i maqedonishtes si gjuhë e huaj në shkollat në zonat në kufi me Maqedoninë, është në interes të forcimit të bashkëpunimit mes këtyre vendeve fqinje, duke pasur parasysh se në një të ardhme të afërt Europa do të jetë pa kufij", - ka mbështetur propozimin e saj ambasadorja Krepieva. Ndërsa për këtë propozim të diplomates , kryebashkiaku Bega pohoi pas takimit se "sugjerimi që bëri ambasadorja për futjen e maqedonishtes si një nga gjuhët e huaja në shkollat e zonave kufitare, nuk mendoj se është ndonjë provokim. Ky propozim i saj m'u duk miqësor e që nuk duhet ngatërruar me ndonjë qëllim dashakeq. Mendoj se është dhe në kuadër të realizimit të projekteve të përbashkëta ndërkufitare. Kështu që nuk kishte vend për reagim, përderisa këtë propozim e shikoj si dashamirës, pasi vendi i saj është i gatshëm për forcimin e bashkëpunimit me Shqipërinë, në kuadër të integrimit të përbashkët euroatlantik".
PROJEKTET
Ndër të tjera, lokalët i kërkuan ambasadores dhe përshpejtimin e hapjes së pikës kufitare të Steblevës, mbyllur që më 1948-ën, që do të ndihmonte jo vetëm banorët e zonës, por do të shkurtonte dy herë distancën kilometrike e kohore me Tiranën. Sipas ambasadores Krepieva, hapja e pikës kufitare është peng i infrastrukturës nga pala shqiptare. "Na ndajnë vetëm 200 metra nga pika kufitare, - shtoi më tej diplomatja, - por duhet shpejtuar përfundimi i rrugës Librazhd-Dibër". Sipas saj, "hapja e doganës së Steblevës është një kërkese e hershme dhe e përsëritur; është një domosdoshmëri për shkak të zhvillimeve që po ndodhin në të dyja vendet tona, e cila do të konkretizohet sapo rruga Librazhd-Steblevë të jetë përfunduar".
VIZITA
Vizita e djeshme e diplomates fqinje në rrethin kufitar të Librazhdit u realizua në kuadër të një sërë projektesh ndërkufitare të infrastrukturës, komunikimit të ndërsjellë dhe mjedisit. Kështu, pak javë më parë zona Përrenjas-Klënje (Bulqizë) u shpall park kombëtar me hapësira në të dy anët e kufirit; është në proces aksi rrugor Librazhd-Bulqizë (loti i parë ka përfunduar) që mban peng hapjen e pikës kufitare me Maqedoninë në Fushën e 30-ë në Steblevë, etj. "Me shumë interes për Shqipërinë dhe Maqedoninë, veçanërisht për zonat kufitare, mbetet bashkëpunimi në të gjitha fushat", - theksoi Kripieva në takimin e zhvilluar në Bashkinë e Librazhdit. Ndërsa kryebashkiaku Begaj e ka njohur diplomaten mike me problemet, ritmet e zhvillimit ekonomiko-social, resurset e shumta si dhe fushat për projekte të përbashkëta.
PROPOZIMI
Propozimin për mësimin e maqedonishtes si një nga gjuhët e huaja në shkollat e zonave kufitare, diplomatja fqinje e bëri në momentin që kryebashkiaku Begaj i paraqiti disa probleme në gjendjen e dy shkollave 9-vjeçare dhe gjimnazin e qytetit të Librazhdit. "Studimi me prioritet i maqedonishtes si gjuhë e huaj në shkollat në zonat në kufi me Maqedoninë, është në interes të forcimit të bashkëpunimit mes këtyre vendeve fqinje, duke pasur parasysh se në një të ardhme të afërt Europa do të jetë pa kufij", - ka mbështetur propozimin e saj ambasadorja Krepieva. Ndërsa për këtë propozim të diplomates , kryebashkiaku Bega pohoi pas takimit se "sugjerimi që bëri ambasadorja për futjen e maqedonishtes si një nga gjuhët e huaja në shkollat e zonave kufitare, nuk mendoj se është ndonjë provokim. Ky propozim i saj m'u duk miqësor e që nuk duhet ngatërruar me ndonjë qëllim dashakeq. Mendoj se është dhe në kuadër të realizimit të projekteve të përbashkëta ndërkufitare. Kështu që nuk kishte vend për reagim, përderisa këtë propozim e shikoj si dashamirës, pasi vendi i saj është i gatshëm për forcimin e bashkëpunimit me Shqipërinë, në kuadër të integrimit të përbashkët euroatlantik".
PROJEKTET
Ndër të tjera, lokalët i kërkuan ambasadores dhe përshpejtimin e hapjes së pikës kufitare të Steblevës, mbyllur që më 1948-ën, që do të ndihmonte jo vetëm banorët e zonës, por do të shkurtonte dy herë distancën kilometrike e kohore me Tiranën. Sipas ambasadores Krepieva, hapja e pikës kufitare është peng i infrastrukturës nga pala shqiptare. "Na ndajnë vetëm 200 metra nga pika kufitare, - shtoi më tej diplomatja, - por duhet shpejtuar përfundimi i rrugës Librazhd-Dibër". Sipas saj, "hapja e doganës së Steblevës është një kërkese e hershme dhe e përsëritur; është një domosdoshmëri për shkak të zhvillimeve që po ndodhin në të dyja vendet tona, e cila do të konkretizohet sapo rruga Librazhd-Steblevë të jetë përfunduar".
GazetaShqiptare