View: https://youtu.be/DxnXM6Jd7_M?si=n_FEQNQmhYM7gl3u
Dy ditë pasi prezantoi zyrtarisht lëvizjen qytetare “Shqipëria Bëhet”, Adriatik Lapaj i është përgjigjur në emisionin “Debat” nga Alba Alishani në A2CNN, pyetjeve më të rëndësishme që janë ngritur mbi këtë nismë që ai ndërmorri pasi finalizoi një vizitë në SHBA.
Kush e financon “Shqipëria Bëhet”? Adriatik Lapaj tregon a qëndron Soros pas tij
Publikuar më: 20/9/2023, ora 21:56
Dy ditë pasi prezantoi zyrtarisht lëvizjen qytetare “Shqipëria Bëhet”, Adriatik Lapaj i është përgjigjur në emisionin “Debat” nga Alba Alishani në A2CNN, pyetjeve më të rëndësishme që janë ngritur mbi këtë nismë që ai ndërmorri pasi finalizoi një vizitë në SHBA.
I pyetur se kush e financon këtë lëvizje, të cilën Lapaj aspiron ta shndërrojë në forcë politike në zgjedhjet e 2025, aktivisti u shpreh se janë shqiptarët “karburanti i saj”.
“Financiarisht, lëvizja në fillimin e vetë këtë muaj sa janë marrë zyrat dhe janë bërë përgatitjet e para është mbajtur dhe do mbahen të dokumentuara me vetëfinancim të themeluesve dhe nuk janë vlera të jashtëzakonshme. Janë vlera modeste për realitetin shqiptar dhe rrugëtimi do të jetë i financuar përmes platformës online. Do ketë një web zyrtar, i cili në bazë të regjistrimit në gjykatë do ketë edhe numra llogarie në bankë. Dhe çdo shqiptar që mendon se Adriatiku, Edlira, Agustela dhe Flori po veprojnë mirë, kudo nga Tirana, Kanadaja, Nju Jorku dhuron 5, 10, 100 dollarë sipas mundësisë. Dhe nëse ata mendojnë se ne po e bëjmë mirë këtë gjënë dhe duhet ta çojmë përpara, ata do të vazhdojnë ta financojnë. Sa më shumë të financojnë ata aq më shumë do vrapojmë ne. Nëse ata mendojnë se kjo gjëja nuk është në terezi nuk do e financojnë. Kjo do të thotë që unë nuk mund të shkojë të mbledhë lek lart e poshtë. As te bota e krimit, as te ata që i kanë bërë lekë me tenderat e padrejtë. Marr mesazhin që ti Adriatik përpjekjen tënde e bërë djalë i mbarë, shko në shpi. Ata janë karburanti i gjësë. Lekët do jenë nga njerëzit online.”
Adriatik Lapaj në studion e “Debat” nga Alba Alishani, në A2 CNN
Lidhur me një financim të mundshëm nga ndërkombëtarët, Lapaj tha: “Jo nuk ka pasur asnjë financim ndërkombëtar kjo histori. Nuk ka pasur dhe nuk ka. Mund të ketë aplikim në ndonjë organizatë”.
Lapaj u desh të shuante edhe kuriozitetin e opinionit publik për lidhjet e aluduara të tij me fondacionin “Shqipëria e Hapur” të filantropit George Soros.
Ai u shpreh se asnjëherë në jetë nuk është takuar me të dhe se lëvizja “Shqipëria Bëhet” nuk financohet prej Sorosit.
“Jo. Nëse më pyesin në vetë të parë jo. Nuk e njoh zotërinë. Nëse më pyet e njeh George Sorosin, Alex Sorosin dhe me radhë. Të financojnë ata? Po të them jo. Zero lekë, as i kam takuar ndonjëherë. Nuk e njoh zotërinë (Soros). Zero lekë më ka financuar, as i kam takuar ndonjëherë në jetë. As nuk jam sponsorizim i tij. Nëse më pyet për fondacionin “Shoqëri i hapur” në Shqipëri, që është themeluar nga zotëria në fjalë, unë e kam shpjeguar disa herë: jam angazhuar në çështje gjyqësore dhe në ekspertizë ligjore në çështje që lidheshin me të sëmurë në Shqipëri. Të gjitha i kam të deklaruara në gjykata.”
Adriatik Lapaj në studion e “Debat” nga Alba Alishani, në A2 CNN
Last edited by a moderator:
