Iron_Leon
شيطان בעל זבוב
Plumb kokës, duke luajtur ruletën ruse
Plagoset rëndë 37-vjeçari, i cili luante me gruan dhe një shoqen e saj
Vali Qyrfyçi
Një 37-vjeçar është vetëplagosur rëndë ndërsa luante lojën e ruletës ruse me gruan dhe një mikeshën e saj. Gentjan Koçi nga Durrësi, baba i një fëmije, është dërguar paraditen e së premtes me urgjencë në spitalin e Durrësit, ku vazhdon të ndodhet në gjendje të rëndë për jetën.
Burime nga policia lokale, bazuar në të dhënat e para, por edhe burime të afërta me familjen e të vetëplagosurit, bëjnë të ditur se ngjarja e rëndë ka ndodhur në lojë e sipër. Nuk është fjala për një vetëvrasje, por për një lojë me pistoletë. Koçi, mendohet se në gjendje të dehur ka vendosur të luajë lojën e njohur si ruleta ruse, ku një pistolete me mulli i futet vetëm një plumb dhe pjesëmarrësit në lojë e shkrepin armën në kokë, pasi kanë rrotulluar mullirin, duke rrezikuar seriozisht jetën.
Burimet nga grupi i hetimit bënë të ditur se 37-vjeçari Koçi, bashkëshortja e tij dhe një mikeshë e saj, e kanë luajtur lojën e rrezikshme pasi kanë konsumuar sasi të konsiderueshme alkooli në shtëpinë ku çifti Koçi jetonte me qira, në Lagjen 17 të qytetit.
37-vjeçari ka hequr të gjithë plumbat nga pistoleta me mulli dhe ka lënë vetëm një prej tyre në të. Më pas ka nisur lojën e shkrepjeve. Të parat e kanë provuar fatin dy femrat, shkrepjet e të cilave kanë rezultuar boshe. Por kur gryka e armës ishte drejtuar në kokën e organizatorit të lojës, plumbi që ndodhej në mulli ka ndaluar në fole dhe është shkrepur, duke përshkruar tejpërtej kokën e Koçit. Loja është kthyer në një tragjedi.
I plagosuri është dërguar menjëherë në Spitalin e Durrësit, ku po i nënshtrohet ndërhyrjes kirurgjikale, ndërsa në vendin e ngjarjes ka shkuar grupi hetimor, që ka nisur punën për zbardhjen e plotë të ngjarjes së rëndë, përmes fiksimit të provave materiale dhe marrjes së dëshmive të para.
Ndërkaq, burimet zyrtare të policisë bënë të ditur se ngjarja ndodhi rreth orës 10:55, në Lagjen 17 të Durrësit, afër shtypshkronjës. Gentian Koçi, 37 vjeç, është vetëplagosur me armë zjarri (pistoletë me mulli) në banesën e tij të marrë me qira. Burimet spitalore konfirmojnë se gjendja e tij shëndetësore është e rëndë dhe ai nuk ka dalë ende nga rreziku për jetën me gjithë ndërhyrjen e bërë.
I plagosuri ishte pronar i një lavazhi makinash në qytetin e Durrësit. Ai figuron me gjendje civile banor i Lagjes numër 8 të qytetit, por banonte në një shtëpi me qira në Lagjen numër 17. Policia tha se personi në fjalë nuk njihej si problematik dhe nuk ka pasur precedentë penalë. Gazeta shqip.
Plagoset rëndë 37-vjeçari, i cili luante me gruan dhe një shoqen e saj
Vali Qyrfyçi
Një 37-vjeçar është vetëplagosur rëndë ndërsa luante lojën e ruletës ruse me gruan dhe një mikeshën e saj. Gentjan Koçi nga Durrësi, baba i një fëmije, është dërguar paraditen e së premtes me urgjencë në spitalin e Durrësit, ku vazhdon të ndodhet në gjendje të rëndë për jetën.
Burime nga policia lokale, bazuar në të dhënat e para, por edhe burime të afërta me familjen e të vetëplagosurit, bëjnë të ditur se ngjarja e rëndë ka ndodhur në lojë e sipër. Nuk është fjala për një vetëvrasje, por për një lojë me pistoletë. Koçi, mendohet se në gjendje të dehur ka vendosur të luajë lojën e njohur si ruleta ruse, ku një pistolete me mulli i futet vetëm një plumb dhe pjesëmarrësit në lojë e shkrepin armën në kokë, pasi kanë rrotulluar mullirin, duke rrezikuar seriozisht jetën.
Burimet nga grupi i hetimit bënë të ditur se 37-vjeçari Koçi, bashkëshortja e tij dhe një mikeshë e saj, e kanë luajtur lojën e rrezikshme pasi kanë konsumuar sasi të konsiderueshme alkooli në shtëpinë ku çifti Koçi jetonte me qira, në Lagjen 17 të qytetit.
37-vjeçari ka hequr të gjithë plumbat nga pistoleta me mulli dhe ka lënë vetëm një prej tyre në të. Më pas ka nisur lojën e shkrepjeve. Të parat e kanë provuar fatin dy femrat, shkrepjet e të cilave kanë rezultuar boshe. Por kur gryka e armës ishte drejtuar në kokën e organizatorit të lojës, plumbi që ndodhej në mulli ka ndaluar në fole dhe është shkrepur, duke përshkruar tejpërtej kokën e Koçit. Loja është kthyer në një tragjedi.
I plagosuri është dërguar menjëherë në Spitalin e Durrësit, ku po i nënshtrohet ndërhyrjes kirurgjikale, ndërsa në vendin e ngjarjes ka shkuar grupi hetimor, që ka nisur punën për zbardhjen e plotë të ngjarjes së rëndë, përmes fiksimit të provave materiale dhe marrjes së dëshmive të para.
Ndërkaq, burimet zyrtare të policisë bënë të ditur se ngjarja ndodhi rreth orës 10:55, në Lagjen 17 të Durrësit, afër shtypshkronjës. Gentian Koçi, 37 vjeç, është vetëplagosur me armë zjarri (pistoletë me mulli) në banesën e tij të marrë me qira. Burimet spitalore konfirmojnë se gjendja e tij shëndetësore është e rëndë dhe ai nuk ka dalë ende nga rreziku për jetën me gjithë ndërhyrjen e bërë.
I plagosuri ishte pronar i një lavazhi makinash në qytetin e Durrësit. Ai figuron me gjendje civile banor i Lagjes numër 8 të qytetit, por banonte në një shtëpi me qira në Lagjen numër 17. Policia tha se personi në fjalë nuk njihej si problematik dhe nuk ka pasur precedentë penalë. Gazeta shqip.
