Zgjedhja e Thaçit president, mes protestës së opozitës dhe festës së përkrahësve të tij
Dita e nesërme 26 shkurti, pritet të jetë tejet e nxehtë në Kosovë për shkak të zhvillimeve politike.
Arsyeja kryesore është se do të zgjedhet presidenti i ri i vendit.
Politikani që do të ulet në karrigen e të parit të shtetit është zv/kryeministri aktual dhe kreu i Partisë Demokratike të Kosovës, Hashim Thaçi. Ai pritet të votohet nesër në Kuvendin e Kosovës, vendim ky i marrë gjatë ditës së djeshme në mbledhjen e Kryesisë së Kuvendit.
E zgjedhjen e Thaçit president po vazhdon ta kundërshtojë me ngulm opozita kosovare, por edhe ca deputetë të Lidhjes Demokratike të Kosovës (LDK) dhe përkrahës të kësaj partie të cilët nuk arrijnë ta pranojnë që Thaçi të ulet në karrigen e liderit të tyre historik, tashmë të ndjerë Ibrahim Rugova.
Partitë opozitare VV, AAK, NISMA kanë ngritur tendat në sheshet kryesore të Prishtinës që gjenden afër objektit të Qeverisë dhe Kuvendit, dhe kanë paralajmëruar se do të hedhin sërish gaz lotsjellës dhe do bëjnë gjithçka që është e mundur për të pamundësuar zgjedhjen e Thaçit në krye të shtetit.
Ndërkaq, PDK-ja ka disa ditë që po përgatit festë dhe ka ftuar aktivistët e vet që të festojnë në sheshin ‘Nënë Tereza’, jo larg përkrahësve të opozitës.
Duke parë thirrjet e dy palëve, dita e nesërme shihet një ditë e rrezikshme me mundësi të eskalimit të situatës dhe përleshjeve mes përkrahësve të mazhorancës dhe pushtetit, thonë opozitarët dhe analistët.
Policia e Kosovës thotë se ka bërë të gjitha përgatitjet për të menaxhuar në mënyrë të suksesshme si protestën e opozitës ashtu edhe festën e përkrahësve të pushtetit.
Thirrjet e PDK-së për festë, të rrezikshme
Deputeti i PDK-së, Naim Fetahu, u ka bërë thirrje qytetarëve që të premten në ora 11:00 të jenë në sheshin “Nënë Tereza” që të marrin pjesë në festë.
“Të gjithë së bashku në Festë! E duam Hashim Thaçin President! Më 26.02.2016, e premte, ora 11.00, Sheshi “Nënë Tereza” Prishtinë. Gëzuar!!!”, shkruan Fetahu në Facebook.
Deputeti i Nismës për Kosovën, Enver Hoti, ka deklaruar se do vazhdojnë të protestojnë në mënyrë paqësore edhe nesër, kur pritet të mbahet seanca e Kuvendit për zgjedhjen e Presidentit.
Ai i cilësoi të papranueshme ftesën e pozitës për festuar dhe sipas tij kjo e nxitë konfliktin.
“Janë shumë të frikuar nga protesta e 17 shkurtit. Ju i keni pa edhe deklaratat e tyre, e sidomos atë të Thaçit. Ata kanë qenë të përgatitur për dhunë dhe atë e kanë pritur, por s’u ka dale ashtu”, tha Hoti.
Policia e Kosovës e gatshme të përballet me protestën dhe festën
Lidhur me mbarëvajtjen e zgjedhjes së presidentit dhe protestës, Policia e Kosovës ka bëra të gjitha përgaditjet. Kështu, të paktën ka bërë të ditur për portalin tesheshi.com zëdhënësi i policisë Daut Hoxha.
“Policia e Kosovës bazuar në detyrat dhe autorizimet e saj ligjore, ka bërë të gjitha pregaditjet e nevojshme për të garantuar sigurinë e përgjithëshme, mbajtjen e rendit dhe qetësisë publike, si gjatë zhvillimeve me rastin e seances për zgjedhjen e Presidentit të shtetit, gjithashtu edhe për menaxhimin e protestës që parashihet të zhvillohet nga partitë tjera”, ka thënë Hoxha, për tesheshi.com.
Analistët: Për çdo eskalim të situatës, përgjegjës Qeveria dhe PDK
Analisti, Faik Krasniqi, thotë se nesër tensionet janë të pashmangshme, pikërisht për faktin e situatës së tensionuar që mbretëron në vend.
“Hashim Thaçi me anëtarët dhe simpatizuesit e tij, s’kanë pse të organizojnë festë meqë ai do të zgjidhet President. Me këtë veprim Hashim Thaçi po nxit luftë vëllavrasje dhe përgjegjësin e mbaj ai, duke e ditur se opozita është në shesh me tenda, për të protesuar kundër zgjedhjes së tij President dhe shkarkimit të Qeverisë. Prandaj, PDK-ja s’ka pse të organizojë festë dhe të provokojë konflikt me simpatizuesit e opozitës. Për çdo eskalim të situatës, fatura do t’i shkojë Qeverisë dhe PDK-së, por më së shumti do të pësojnë qytetarët e Kosovës”, thotë Krasniqi, për tesheshi.com.
tesheshi.com
Dita e nesërme 26 shkurti, pritet të jetë tejet e nxehtë në Kosovë për shkak të zhvillimeve politike.
Arsyeja kryesore është se do të zgjedhet presidenti i ri i vendit.
Politikani që do të ulet në karrigen e të parit të shtetit është zv/kryeministri aktual dhe kreu i Partisë Demokratike të Kosovës, Hashim Thaçi. Ai pritet të votohet nesër në Kuvendin e Kosovës, vendim ky i marrë gjatë ditës së djeshme në mbledhjen e Kryesisë së Kuvendit.
E zgjedhjen e Thaçit president po vazhdon ta kundërshtojë me ngulm opozita kosovare, por edhe ca deputetë të Lidhjes Demokratike të Kosovës (LDK) dhe përkrahës të kësaj partie të cilët nuk arrijnë ta pranojnë që Thaçi të ulet në karrigen e liderit të tyre historik, tashmë të ndjerë Ibrahim Rugova.
Partitë opozitare VV, AAK, NISMA kanë ngritur tendat në sheshet kryesore të Prishtinës që gjenden afër objektit të Qeverisë dhe Kuvendit, dhe kanë paralajmëruar se do të hedhin sërish gaz lotsjellës dhe do bëjnë gjithçka që është e mundur për të pamundësuar zgjedhjen e Thaçit në krye të shtetit.
Ndërkaq, PDK-ja ka disa ditë që po përgatit festë dhe ka ftuar aktivistët e vet që të festojnë në sheshin ‘Nënë Tereza’, jo larg përkrahësve të opozitës.
Duke parë thirrjet e dy palëve, dita e nesërme shihet një ditë e rrezikshme me mundësi të eskalimit të situatës dhe përleshjeve mes përkrahësve të mazhorancës dhe pushtetit, thonë opozitarët dhe analistët.
Policia e Kosovës thotë se ka bërë të gjitha përgatitjet për të menaxhuar në mënyrë të suksesshme si protestën e opozitës ashtu edhe festën e përkrahësve të pushtetit.
Thirrjet e PDK-së për festë, të rrezikshme
Deputeti i PDK-së, Naim Fetahu, u ka bërë thirrje qytetarëve që të premten në ora 11:00 të jenë në sheshin “Nënë Tereza” që të marrin pjesë në festë.
“Të gjithë së bashku në Festë! E duam Hashim Thaçin President! Më 26.02.2016, e premte, ora 11.00, Sheshi “Nënë Tereza” Prishtinë. Gëzuar!!!”, shkruan Fetahu në Facebook.
Deputeti i Nismës për Kosovën, Enver Hoti, ka deklaruar se do vazhdojnë të protestojnë në mënyrë paqësore edhe nesër, kur pritet të mbahet seanca e Kuvendit për zgjedhjen e Presidentit.
Ai i cilësoi të papranueshme ftesën e pozitës për festuar dhe sipas tij kjo e nxitë konfliktin.
“Janë shumë të frikuar nga protesta e 17 shkurtit. Ju i keni pa edhe deklaratat e tyre, e sidomos atë të Thaçit. Ata kanë qenë të përgatitur për dhunë dhe atë e kanë pritur, por s’u ka dale ashtu”, tha Hoti.
Policia e Kosovës e gatshme të përballet me protestën dhe festën
Lidhur me mbarëvajtjen e zgjedhjes së presidentit dhe protestës, Policia e Kosovës ka bëra të gjitha përgaditjet. Kështu, të paktën ka bërë të ditur për portalin tesheshi.com zëdhënësi i policisë Daut Hoxha.
“Policia e Kosovës bazuar në detyrat dhe autorizimet e saj ligjore, ka bërë të gjitha pregaditjet e nevojshme për të garantuar sigurinë e përgjithëshme, mbajtjen e rendit dhe qetësisë publike, si gjatë zhvillimeve me rastin e seances për zgjedhjen e Presidentit të shtetit, gjithashtu edhe për menaxhimin e protestës që parashihet të zhvillohet nga partitë tjera”, ka thënë Hoxha, për tesheshi.com.
Analistët: Për çdo eskalim të situatës, përgjegjës Qeveria dhe PDK
Analisti, Faik Krasniqi, thotë se nesër tensionet janë të pashmangshme, pikërisht për faktin e situatës së tensionuar që mbretëron në vend.
“Hashim Thaçi me anëtarët dhe simpatizuesit e tij, s’kanë pse të organizojnë festë meqë ai do të zgjidhet President. Me këtë veprim Hashim Thaçi po nxit luftë vëllavrasje dhe përgjegjësin e mbaj ai, duke e ditur se opozita është në shesh me tenda, për të protesuar kundër zgjedhjes së tij President dhe shkarkimit të Qeverisë. Prandaj, PDK-ja s’ka pse të organizojë festë dhe të provokojë konflikt me simpatizuesit e opozitës. Për çdo eskalim të situatës, fatura do t’i shkojë Qeverisë dhe PDK-së, por më së shumti do të pësojnë qytetarët e Kosovës”, thotë Krasniqi, për tesheshi.com.
tesheshi.com
