WikiLeaks për Shqipërinë !

Në këtë temë jeni të ftuar të gjithë të sillni nga site të ndryshme të gjitha kabllogramat e ambasadës U.S.A për Shqipërinë . Po e nis unë me disa artikuj të publikuar në Shekulli .



Kabllogrami: Ka rrjedhje toksike nga depot ushtarake të Qafëmollës


Qeveria shqiptare nuk ka lënë rast pa u vetëlëvduar për shkatërrimin e një pjese të arsenalit të LHL-ve (Lëndëve Helmuese Luftarake) në zotërim të forcave të armatosura shqiptare. Këtij kori iu bashkuan në jo pak raste edhe ligjvënësit e njohur amerikanë Nun dhe Luggar. Ky operacion reklamohej si një sukses absolut pa asnjë problem apo të metë. Por nga tre kabllograme të Ambasadës Amerikane në Tiranë të zbardhura nga Wikileaks, informohemi për probleme të rënda, që shoqëruan apo erdhën si rrjedhojë e këtij operacioni medemek “të suksesshëm”.

Në kabllogramin e 30 gushtit 2008 të karakterit konfidencial formuluar nga Ambasadori Amerikan ngrihen një sërë problemesh për sa i përket mbetjeve toksike të magazinuara në grup-depot e Qafmollës. Këto mbetje jashtëzakonisht helmuese janë nënprodukte të dala nga procesi i shpërbërjes me metoda industriale të municioneve kimike shqiptare. Sot dhe sidomos në fund të vitit 2012 ato do të rrezikojnë seriozisht shëndetin dhe jetën e fshatarëve dhe ushtarakëve të zonës së Qafmollës, por jo vetëm… Në kabllograme theksohet me forcë se në rast fatkeqësie natyrore në këtë zonë të Shqipërisë: tërmet, vullkan, zjarri në pyll, shkarje toke apo në rast dëmtimi të depove nga veprime terroriste apo luftarake rreziku i kontaminimit do të kërcënojë banorët e zonës rurale midis Qafmollës dhe kryeqytetit shqiptar, madje edhe të periferisë lindore të Tiranës.



*****

Sipas kabllogramit, në Qafmollë janë depozituar kontejnerë me mbetje të rrezikshme kimike. Këto kontejnerë kanë filluar të rrjedhin dhe mbetjet kimike kanë filluar të kontaminojnë ambientin rreth e qark tyre. Këtë rrezik e ka identifikuar së pari ai që ka dhënë alarmin nën/koloneli shqiptar kimisti Fadil Vucaj. Sipas planeve të agjencisë amerikane DTRA (Agjencia për Zvogëlimin e Rrezikimit të Mbrojtjes) mbetjet e dala nga procesi i shpërbërjes së municioneve kimike do të vendoseshin në kontejnerë me parete të dyfishta të cilët për 20 vjet nuk do të kishin rrezik rrjedhje të mbeturinave kimike. Meqenëse fondet u mbaruan (çudi se si një firmë e specializuar nuk di të përllogarisë drejt fondet që duhen për të përfunduar një projekt) disa kontejnerë me mbetje kimike, (që sipas marrëveshjes duhet të dërgoheshin jashtë Shqipërisë nga firma) iu lanë “peshqesh” Shqipërisë. Ministri i Mbrojtjes, Fatmir Mediu, ra dakord me shkrim, të pranonte t’i mbante këto kontejnerë me mbeturina kimike.



*****

Ndotja e ambientit, nuk shkaktohet vetëm nga rrjedhja e këtyre kontejnerëve me mbetje kimike, por edhe nga kontaminimi me mbetje të metaleve të rënda (plumb, zhivë apo bismuthi tri valent) i sipërfaqes prej betoni të repartit të asgjësimit të municioneve kimike. Nga kabllogramet mësojmë se firma shumë e njohur angleze e kësaj fushe Savant Environmental e konfirmoi ndotjen mjaft të lartë të ambientit. Nga kontejnerët kishin rrjedhur substanca ndotëse shumë të rrezikshme si kripëra të arsenikut, zhivës dhe plumbit. Kontejnerët për depozitimin e pajisjeve të impiantit nuk ishin të padepërtueshëm nga uji, kështu pajisjet e kontaminuara të magazinuara në këto kontejnerë – (pra jo kontejnerët me mbetje kimike) – filluan të kontaminojnë truallin, ku ishin vendosur. Këto pajisje për faj të firmës sipërmarrëse gjermane Eisenmann ishin vendosur pa u pastruar si duhet. Dhe nuk ishte ky “gabimi i parë” i firmës gjermane në projektin shqiptar. Në prill 2006 në Shtutgard firma bëri provat teknike të pajisjes ETTS (Sistemi Eisenmann për Trajtimin Termal), që do shërbente për shkatërrimin e municioneve kimike në Qafëmollë. Për shkak të gabimeve të personelit pajisja u dëmtua dhe u vonua fillimi i projektit në Shqipëri nga fundi i qershorit 2006 për në fund të tetorit të të njëjtit vit.

“Specialistë britanikë shpresuan ta zgjidhnin më vonë problemin e ndotjes në maj të vitit 2008, por mbetjet kimike të kripërave të metaleve të rënda të vendosura në fuçi metalike i kishin ndryshkur fuçitë thuajse menjëherë duke krijuar premisa për ndotje të re mjedisore. Tashmë këto kripëra po vendosen në fuçi plastike, që do të mbyllen në kontejnerë plastikë së bashku me pajisjet e impiantit pasi të bëhet dekontaminimi i këtyre pajisjeve, – shkruan kabllogrami i Ambasadës amerikane në Tiranë. Sipas firmës angleze pretendimi i firmës gjermane për një afat 20 vjeçar të sigurisë së kontejnerëve është i gënjeshtërt. Afati i sigurisë së këtyre kontejnerëve është nga 5 deri 10 vjet.





Disa konkluzione nga ky kabllogram

Duke e studiuar me kujdes kabllogramin mund të nxjerrim disa konkluzione.

Së pari: Pentagoni, – njëlloj si me kontratën 300 milionë dollarëshe me adoleshentin Diveroli, – shpeshherë është i pakujdesshëm me shpenzimin e parave. Si në rastin e Diverolit edhe në rastin e Agjencisë amerikane DTRA dhe firmës gjermane Eisenmann faturën e keqpërdorimit të parave publike amerikane, dje e paguan fshatarët shqiptarë (plus baxhanaku i Berishës) në Gërdec dhe nesër me siguri fshatarët dhe ushtarakët shqiptarë në Qafëmollë.

Së dyti; Ministrat e shtetit shqiptar janë gjithnjë të gatshëm të hedhin firmën në projekte, që dëmtojnë interesat kombëtare, jetën dhe shëndetin e shqiptarëve.

Së treti: Mungesa flagrante e transparencës së Ekzekutivit shqiptar në këtë rast, bën që mileti i merr vesh bëmat e gjëmat e qeveritarëve ose nga burime të huaja, (media, kabllograme etj) ose nga shpërthime vrastare si ai i Gërdecit.

Së katërti: Qeveritarët shqiptarë nuk kanë vënë mend nga “kopili” i pesticideve të skaduara gjermanolindore që ua lanë në derë ish agjentët e STASI-t gjermanolindor së bashku me Yllin Kryeministër, Rulin Ministër dhe Romeon Kryedoganier, por përsëri me një firmë të hedhur (më së paku me mendjelehtësi) pranojnë magazinimin e mbeturinave helmuese në truallin shqiptar.

Media edhe kësaj radhe e kreu detyrën e saj duke shfrytëzuar kabllogramet amerikane për të dhënë alarmin për katastrofën e pritshme ambientale. Tashmë është detyrë e OJQ-ve ambientaliste, që u rruajnë e u qethin miliona euro dhe dollarë donatorëve të japin alarmin për ndotjen e mjedisit. ثshtë detyrë e ushtarakëve shqiptarë, që mos bëhen më legenë se Gjeneral-Major Luan Hoxha, por të protestojnë fuqimisht për të mos rrezikuar jetën dhe shëndetin e kolegëve të tyre në grup depot e Qafmollës, si edhe të shqiptarëve të kësaj zone. Së fundmi si qershia mbi tortë: Ministri i Mjedisit Mehdiu duhet të marrë masa urgjente për të pastruar mbetjet kimike, që për shkak të firmës së tij si Ministër i Mbrojtjes, gjermanët i lanë në Qafëmollë si lopa bajgën. Pas dhjetorit të vitit 2012 për këto mbetje kimike nuk ka asnjë siguri që nuk do të helmojnë ushtarakët dhe fshatarët, që jetojnë dhe punojnë në zonën e Qafmollës.

Në këtë shkrim në “Shekulli” të mbështetur në kabllogramin amerikan të 30 gushtit 2008, u trajtua vetëm problemi i mbetjeve të rrezikshme kimike të dala nga shpërbërja e municioneve kimike. Por problemet e sasive reale dhe vendndodhjes së tyre sot, për sa i përket municioneve kimike, që ushtria shqiptare i trashëgoi nga koha e diktaturës komuniste, normalisht përbëjnë një temë shumë më të gjerë, sidomos në kontekstin e luftës globale antiterror.

---------- Post added at 19:51 ---------- Previous post was at 19:49 ----------





Ben Blushi në ambasadë: Qëllimi i vetëm i Ramës, postet në bashki dhe PS


Ben Blushi një nga zërat më kritikë ndaj Ramës, duket se ka qenë vërtet i ashpër me kryetarin e Partisë së tij në bisedat që ka bërë në Ambasadën Amerikane. Ai e ka cilësuar Ramën si person që po përdor bojkotin dhe lëvizjet e tjera vetëm për të siguruar postet e tij në Bashki dhe PS. Më poshtë, pjesë nga ky kabllogram.
Titulli: I brendshmi i PS-së:
Bojkotit nuk i duket fundi..
Datë 11 shtator 2009
Dërguar nga Ambasada Amerikane në Tiranë
Merr Departamenti Amerikan i Shtetit
Firmosur: Zv.ambasadorja Debora Xhons
Klasifikuar si Material konfidencial, deklasifikohet me 09/10/2018 (fillim kabllogrami)

“Ben Blushi, deputeti i PS-së, i cili është një nga zërat më kritikë ndaj Ramës që pas zgjedhjeve të qershorit, tha se Rama do të vazhdojë bojkotin deri sa Berisha të hyjë në negociata me PS-në për një listë me tetë kërkesa. Blushi i cilësoi disa nga kërkesat e PS-së si totalisht
të palogjikshme, veçanërisht kërkesën për ngritjen e një komisioni hetimor, të dominuar nga PS-ja, për të hetuar dyshimet për manipulime elektorale. Blushi tha se Rama po kërkon një garanci politike të pa përcaktuar, e cila do ti sigurojë Ramës rolin e ndërmjetësit me pushtet më të madh. Në fund të ditës Blushi tha se bojkoti i parlamentit nga PS s’ka të bëjë shumë me Parlamentin,
por me rolin e Ramës si kryebashkiak i Tiranës. Blushi tha se për shkak se Rama nuk është në parlament, ai ka shumë pak për të humbur duke vazhduar bojkotin. Blushi tha se Ramës i intereson vetëm roli si kryebashkiak i Tiranës dhe kryetar i PS-së. Ai tha se koalicioni mes PD-së dhe LSI-së ka bërë që PS të mos kontrollojë më Këshillin Bashkiak të Tiranës dhe efektivisht i heq Ramës mundësinë që të kontrollojë lejet e ndërtimit.

Blushi tha se Rama ka mashtruar veten duke menduar se e vetmja rrugë që ka PS për të marrë pushtetin është përmes një “revolucioni me ngjyra”, si Ukraina ose Gjeorgjia. Blushi tha se Rama ka urdhëruar që protestuesit të mbajnë shalle me ngjyra të ndezura. Blushi tha se pak deputetë socialistë ndjekin Ramën me dëshirë në protestat masive (një vëzhgim ky i thënë nga shumë njerëz) dhe e cilësoi planin e Ramës për revolucion si një fantazi qesharake. Blushi tha se komentet e ambasadorëve të OSBE-së, BEsë dhe Britanisë se “opozita e ka vendin në parlament” ishin ndihmë, por jo aq të forta sa të influenconin Edi Ramën. Blushi tha se vetëm një deklaratë e fortë nga SHBA do ta bindte Ramën që të mbyll bojkotin.

Blushi tha se ai dhe një grup i vogël deputetësh socialistë mund të thyejnë urdhrat e Ramës dhe të hyjnë në parlament, por pranoi se ai dhe të tjerët hezitojnë ta bëjnë një gjë të tillë. Blushi tha se cilido që kundërshton Ramën duke hyrë në parlament do të përjashtohet
nga PS-ja. Blushi tha se “pothuajse të gjithë” në grupin e 25 anëtarë që drejtojnë PS-në (e njohur si kryesia), privatisht është kundër bojkotit, por vetëm një grusht njerëzish e kanë kundërshtuar publikisht. Blushi tha se ai vetë dhe të tjerët kundër bojkotit do të mbanin një miting të vogël (para PS – sh.r.) më 11 shtator që ti kërkonin publikisht Ramës të mbyllë bojkotin.

Blushi tha se disa nga deputetët që Berisha zgjodhi për postet ministrore nuk e kishin idenë se po merreshin në konsiderate deri sa Berisha i tha ato publikisht më 9 shtator. Blushi tha se ishte me ministrin e Mbrojtjes Arben Imami vetëm dy orë përpara emërimit
publik dhe se Imami nuk kishte asnjë ide se emri i tij po diskutohej për post ministror. Blushi tha se ish- ministri i Jashtëm Lulzim Basha u zgjodh në atë post që të promovohet përmes liberalizimit të vizave pasi do të kandidojë për kryebashkiak të Tiranës më 2011. Ai shpjegoi se kryeministri Berisha dhe PD-ja do ia njohin meritat e liberalizimit të vizave Ministrisë së Brendshme dhe jo Ministrisë
së Jashtme që drejtohet nga Meta. Për këtë arsye Basha është vendosur në Ministrinë e Brendshme. Blushi tha se Berisha duket se po mbështet Bashën, të paktën për tani, që të bëhet kreu i PD-së pas tij. (fund i kabllogramit të zbardhur nga Wikileaks)





Nga i njihte Blushi planet e “Familjes”?

Në kabllogramin e mësipërm dhe në disa kabllograme të tjera të Ambasadës ku flitet për bisedat e Blushit në këtë Ambasadë, bie në sy se Blushi ka qenë në dijeni të lëvizjeve të PD-së prej kohësh. Që në 2009, Blushi i ka thënë Ambasadës se Basha do ishte kandidat i PD për Tiranën, madje kryebashkiak i Tiranës dhe kryetar i ardhshëm i PD-së. Gjysma e “profecisë” është përmbushur, megjithatë Blushi nuk është profet. Informacionet e tij kanë ardhur nga afër Berishës, që do të thotë që lidhjet e anëtarit të lartë të PS, me “familjen” kanë qenë të hershme. Edhe rregjistrat e aeroportit të Rinasit, ndonjëherë të tradhtojnë.

Sipas këtyre rregjistrave, ku hidhen të gjitha hyrje-daljet nga Shqipëria, Ben Blushi dhe Blendi Fevziu janë larguar me gjithë familjet e tyre, bashkëshortët dhe fëmijët, nga Rinasi në 28 dhjetor jo shumë javë pas kësaj bisede në Ambasadë. Edhe Aleksandër Frangaj është larguar me bashkëshorten nga Rinasi më 29 dhjetor me të njëjtën linjë. Destinacioni ka qenë i njëjtë dhe kalimi i Vitit të Ri larg streseve të Tiranës nuk është ide e keqe. Vetëm se duhet ta kesh pak xhepin plot. Të tre çiftet janë kthyer me të njëjtin avion të linjës Turkish Airlines në Rinas në datën 3 janar në orën 14 e 38. Nga rregjistrat, edhe kjo..





Blushi e Islami: Nano pret vetëshkatërimin e Partisë Socialiste

Titulli: PS në prag të trazirave të brendshme

Datë 28 korrik 2009
Dërguar nga Ambasada
Amerikane në Tiranë
Klasifikuar si Material konfidencial, deklasifikohet me 07/27/2019 (fillim kabllogrami) “…
Blushi ngurroi kur u pyet për rivalët e mundshëm të Ramës, por mediat kanë raportuar se vetë Blushi, ish-ministri i Financave Arben Malaj dhe të tjerë brenda PSsë mund të sfidojnë Ramën. Blushi, Malaj dhe të tjerët kanë bërë deklarata publike kundër Ramës dhe strategjisë elektorale të PS-së. Por pavarësisht këtyre emrave, Islami shtoi se nuk ka asnjë kandidat real që të sfidojë Ramën brenda PS-së. Ai ofroi emrin e ish-kryetarit Fatos Nano, i cili ndodhet me pushime në Greqi dhe po pret që partia të vetëshkatërrohet. Nga ana e tij, Rama i tha ambasadorit se nuk ka asnjë rrezik që ai të largohet nga karrigia e kryetarit të PS-së…” (fund kabllogrami)





Blushi ankohet në Ambasadë për Doshin

Titulli: PS në prag të trazirave të brendshme
Datë 28 korrik 2009

Dërguar nga Ambasada Amerikane në Tiranë
Merr Departamenti Amerikan i Shtetit
Firmosur: Ambasadori Xhon Uidhers
Klasifikuar si Material konfidencial, deklasifikohet me 07/27/2019
“… Blushi citoi dy shkaqe për humbjen e zgjedhjeve: Kandidatët dhe Koalicionin. Pjesa më e madhe e kandidatëve, të cilët janë zgjedhur personalisht nga Rama pa asnjë konsultim, nuk ishin të përshtatshëm për postin dhe kualifikimi i tyre i vetëm ishte besnikëria ndaj
Ramës, sipas Blushit. Ai u ankua për disa kandidatë që i quajti “tipa të fortë” e “bodigardë” si Tom Doshi nga Shkodra edhe disa të tjerë nga Lezha e qarqe të tjera. Ai tha se PS nuk mund të tolerojë individë të tillë në parti dhe kjo gjë po e shpie partinë 20 vjet pas. Ai tha se Doshi i ka thënë Ramës se nuk mund të dorëhiqet nga kryetar i partisë pasi Doshi ka investuar 500 mijë euro në fushatën në Shkodër dhe kërkon paratë e tij pas. Blushi tha se paratë e shpenzuara nuk sollën asnjë dobi. Teksa kandidatët ishin të rëndësishëm, sipas Blushit, dështim ishte edhe koalicioni. Ai tha se mungesa e dëshirës nga Rama për të negociuar me Ilir Metën virtualisht siguroi humbjen e PS-së dhe të majtës. (Koment i Ambasadës: As Meta nuk dha shenja se kishte dëshirë të negocionte me PS-në. Fundi i shënimit të Ambasadës). Në fund, Blushi tha se PS do të mblidhet sërish në gusht ose shtator që të zgjidhë çështjen e kryetarit. Sipas rregullave të PS-së, nëse kryetari humb zgjedhjet, ai duhet të dorëhiqet. Gjithsesi Blushi dhe të tjerët mendojnë se Rama po planifikon të deklarojë se
zgjedhjet u vodhën dhe kështu ai nuk do të jetë i detyruar të japë dorëheqjen pasi ai nuk humbi, por u grabit… Teksa zërat brenda PS-së po gjëmojnë edhe më shumë, është interesante të shohim se si kreu i PS-së do ta zgjidhë këtë situatë. Gushti do të vazhdojë të nxehet teksa PS po ecën përpara…”.

Pe: WikiLeaks për Shqipërinë !

Edhe ca do presim ne nga kta kriminel bravo ukiliks i nxorri te gjitha te palarat e ktyre korrupsionistve qe na drejtojen ne ,, mjer populli shkret thuaj qeveria jon qeveri trafikantesh dhe korupsioni ................

Pe: WikiLeaks për Shqipërinë !

Helikopterët, Tirana shmangu amerikanët


Kabllogramët e zbuluara së fundmi nga Wikileaks kanë nxjerrë në pah të gjithë zhvillimet e tri viteve më parë kur lobohej për kontratën e majme të helikopterëve që kishte shpallur ekzekutivi. Nga kabllogramet që ambasada amerikane i ka dërguar Departamentit të Shtetit, duket qartë dëshira e qeverisë shqiptare për të dhënë një kontratë të vetme furnizimi për helikopterë tek
kompania franko-gjermane “Eurokopter” duke shmangur nga gara amerikanët e “Sikorskit”. Kjo, nisur edhe nga lobimi direkt i Presidentit Francez Nikolas Sarkozi tek Kryeministri Berisha gjatë takimit të zhvilluar në Paris në periudhën kur po diskutohej kontrata. Më shumë se me dhënien e kontratës tek evropianët e “Eurokopter”, amerikanët ndjehen të zhgënjyer nga qeveria
shqiptare për sjelljen e saj gjatë zhvillimit të negociatave duke mos qenë transparente me “Sikorskin”.

Situata është e tillë: Fillimisht qeveria shqiptare lajmëroi për zhvillimin e një tenderi për blerjen e 5 helikopterëve të mesëm. Ishin tre kompani që shfaqen interes, “Eurokopter”, kompania frankogjermane, Augusta-Uestlend”, kompani italiane dhe “Sikorski”, kompani amerikane. Pas presionit të evropianëve, duket se qeveria shqiptare është tërhequr nga zhvillimi i tenderit duke miratuar një kontratë të furnizimit me helikopterë vetëm nga “Eurokopter”.

Nga ajo që zbardh kabllograma, kur ka hequr dorë nga tenderi, qeveria shqiptare nuk ka lajmëruar kompanitë që shfaqën interes, siç është në rastin që raporton ambasada e SHBA-ve, kompania “Sikorski”. Ajo u lajmërua për këtë veprim vetëm pasi përfaqësuesit e saj erdhen për të negociuar në Tiranë. Në fillim ishin italianët ata që nisën lobimin me qeverinë shqiptare. Në fillim të prillit 2009 tre senatorë të rëndësishëm italianë, pjesëtarë të grupit parlamentar italian në Asamblenë e NATO-s, vizituan Tiranën. Edhe ata vlerësuan “reformat në prag të anëtarësimit”, por në takimet brenda zyrave e bënë të qartë se çfarë presin në këmbim të komplimentave nga qeveria shqiptare.

Sipas burimeve diplomatike italiane, mesazhi që iu dha qeverisë shqiptare ishte se “Italia e shihte shume seriozisht këtë tender dhe se Shqipëria duhet ta kishte të qartë se vendi përtej Adriatikut dhe jo Franca, ishte pika e parë e kontaktit me NATO-n”. “Ne presim për shembull tenderë transparente, presim rritje të teknologjisë ushtarake për të cilat ju keni nevoje për operacionet e ndryshme të forcave tuaja ushtarake si në Afganistan”, – do të shprehej senatori italian De Gregorio. Më pas ishte radha e SHBA-së që të bënte lobing për çështjen e helikopterëve, por kur mësuan se kontrata ishte paracaktuar për francezët, amerikanët u tërhoqën duke shfaqur pakënaqësi për mungesën e transparencës që shoqëroi këtë proces.





Berisha ndryshoi kushtet për të favorizuar francezët



Titulli: Tenderi i ministrisë së mbrojtjes merr një kthesë problematike

Dërguar: Ambasada e Tiranës

Data: 06 tetor 2009

Kategoria: Konfidencial

Firmos: Ambasadori Uidhërs



Kabllograma e dërguar nga ambasda amerikane në Tiranë zbardh skandalin me tenderin e paralajmëruar nga Ministria e Mbrojtjes në vitin 2009 për blerjen e pesë helikopterëve të mesëm. Fillimisht u lajmërua për tender, kompania amerikane e helikopterëve “Sikorski” u përgatit për të marrë pjesë në të, miniatria anulon papritur tenderin duke miratuar dhënien e kontratës për furnizim vetëm nga kompania franko-gjermane “Eurokopter” duke mos lajmëruar për anulimin amerikanët. Ambasada shprehet e shqetësuar por edhe e zhgënjyer nga sjellja e qeverisë dhe më shumë se për tenderin ajo shpreh pakënaqësi “për mungesën e transparencës që shoqëeron këtë proces”. “Shqipëria ka të drejtë të zgjedhë helikopterët më të përshtatshëm që asaj i nevojiten , por se nuk mund ta trajtojë SHBA-në, aleatin e saj më të fortë në këtë mënyrë”, – i ka raportuar shefave të tij Uidhërs. Më poshte gjendet kabllograma e plotë



(Fillimi i kabllogramës)

“Mungesa e transparancës në zhvillimet e fundit për tenderin e blerjes së helikopterëve të mesëm na ka shqetësuar. Pas një takimi, në dukje të suksesshëm me Kryeministrin Berisha dhe me ministrin e ri të Mbrojtjes Arben Imami më 16 shtator, Sikorski (i cili ka të drejtën si konkurrenti i vetëm amerikan), u habit kur mori një letër më datë 24 shtator, e cila datonte që më 14 shtator, ku shkruhej për anulimin e tenderit për helikopterët e mesëm. Ambasada nuk ishte e informuar më parë për këtë anulim. Burime thanë se Ministria e Mbrojtjes kishte vendosur për të dhënë një kontratë të vetme funizimi “Eurokopterit”. Atasheu, shefi i Zyrës së Mbrojtjes dhe oficerët e tjerë të ambasadës u takuan me ministrin e Mbrojtjes Imami më 1 tetor duke ndarë me të shqetësimet për mungesën e transparencës dhe trajtimin e vakët që iu bë “Sikorskit”.

Gjatë takimit, Imami u tërhoq nga pozicioni i tij për ofrimin e një kontrate të vetme furnizimi ndaj “Eurokopter” dhe pranoi të kontaktonte me “Sikorskin” dhe të zhvillonin negociata paralele me të dyja kompanitë. Imami sqaroi se Kryeministri Berisha ishte i vendosur që të mbyllte kontratën deri më 31 dhjetor. Ambasadori i ndau shqetësimet tona me Kryeministrin dhe Mnistrin e Jashtëm më 5 tetor.

Më 16 shtator, përfaqësuesi i “Sikorskit” udhëtoi në Tiranë për të takuar qeverinë e re shqiptare dhe për të nxitur pranimin nga ana e saj të ofertës për “Blakhok” (Blackhawk) në tenderin për helikopterët e mesëm. (Notë: Sikorski është e vetmja kompani që ka dhënë ofertë dhe që ka të drejtën e përfaqësimit të SHBA-së). Gjatë takimit me Kryeministrin Berisha, ministri i Shtetit Genc Pollo dhe ministri i Mbrojtjes Imami dhe të gjithë përfaqësuesit shqiptarë, ishin pozitivë ndaj ofertave të Sikorskit. Asnjëri nuk bëri të ditur se në fakt tenderi ishte anuluar dy ditë më parë. Asnjë nga qeveria shqiptare gjithashtu nuk njoftoi Ambasadën për anulimin. Ambasada nuk mësoi anulimin e tenderit deri më datë 24 shtator, kur Sikorski i dërgoi me faks një letër të cilën sapo e kishin marrë (mgjs datonte më datë 14 shtator) ku thuhej se ishte anuluar tenderi.

Më pas, burime të ndryshme në Ministria e Mbrojtjes informuan ambasadën se qeveria shqiptare po negocionte me “Eurokopter” një kontratë furnizimi me helikopterë vetëm nga kjo kompani. Zyrtarë nga Ambasada gjermane ishin parë në takime të ndryshme me ministrin e Mbrojtjes. Në një pritje të mëvonshme, një zyrtar gjerman i shprehu besimin atasheut të mbrojtjes së ambasadës së SHBA-ve se së shpejti kontratën do ta fitonte “Eurokopter”.

Më datë 1 tetor, atasheu i Mbrojtjes dhe shefi i zyrës së bashkëpunimit për mbrojtjen takuan ministrin Imami. Oficeri i ambasadës, përçmoi trajtimin e vakët të “Sikorskit” në fshehjen e anulimit të kontratës dhe mungesën e transparencës gjatë diskutimit të kontratës për furnizimin me helikopterë. Shefi i Zyrës së Bashkëpunimit për Mbrojtjen, paralajmëroi për dëmet që mund të sillnin këto në asistencën e SHBA-ve. Imami konfirmoi që Minstria e Mbrojtjes ishte duke marrë parasysh një kontratë të vetme furnizimi me helikopterë nga “Eurokopter”. Ai gjithashtu theksoi se anulimi ishte bërë para se ai të merrte detyrën si dhe sqaroi se e dinte që “Sikorski” nuk ishte vënë në dijeni për anulimin e kontratës.

Me nxitjen e fortë të Ambasadës, Imami pranoi të kontaktonte “Sikorskin” për të sqaruar mungesën e komunikimit dhe t’a vinte në dijeni për negociatat paralele me “Eurokopter”.

Në takimin e datës 5 tetor me Kryeministrin dhe ministrin e Jashtëm, ambasadori parashtroi me forcë problemin e transparençës. Shqipëria ka të drejtë të zgjedhë helikopterët më të përshtatshëm që asaj i nevojiten , por se nuk mund ta trajtojë SHBA-në, aleatin e saj më të fortë në këtë mënyrë. Ky është sinjali më i varfër që ka ardhur nga qeveria e re shqiptare që pas zgjedhjeve. Në fakt, Imami nuk ka një të shkuar ushtarake apo eksperienca të ngjashme dhe pozita e tij si ministër i Mbrojtjes i detyrohet afrimitetit me Kryeministrin duke e lenë Shqipërinë përballë sulmeve për manipulime politike.

Berisha shpjegoi se kjo situatë ishte krijuar për shkak të keqfunksionimit të administratës së tij në tranzicion. Ai tha se Imami do të ishte i aftë për të dhënë përgjigje të mira gjatë takimit të parashikuar për në 8 tetor.

Pavarësisht pohimeve të Berishës, vendimi për prokurimin e helikopterëve do të merret nga Kryeministri dhe do të jetë kryesisht vendim politik. Imami i shpjegoi oficerit të ambasadës që Berisha i kishte dhënë udhëzime strikte që kontrata të përfundohej brenda vitit fiskal (31 dhjetor). Duke qenë se objektivi kryesor i qeverisë shqiptare është pranimi në Bashkimin Evropian, qeveria shqiptare do të ndjejë më shumë detyrime politike ndaj vendeve anëtare të BE-së. Megjithatë, Imami sqaroi se SHBA-të do të vijojnë të konsiderohen aleatët më të mëdhenj të Shqipërisë. Shqetësimet tona më të mëdha kanë të bëjnë me faktin që kontrata apo prokurimi të zhvillohet me transparencë dhe në mënyrë të ndershme.

Ambasadori do t’i përsërisë shqetësimet ministrit të Mbrojtjes më vonë gjatë kësaj jave.

Në takim me Kryeminstrin Berisha dhe ministrin e Mbrotjes Oketa, zv/ambasadorja Xhons dhe ambasadori Uidhërs pyetën për kërkësën e Ministrisë së Mbrotjes për helikopterët e mesëm. “Sikorski” ka të drejtën e përfaqësimit duke ofruar Blakhok-ët (Blackhawk). Gjithashtu, garues janë edhe “Eurokopter” e BE-së dhe italianët e “Augusta-Uestlend”. Berisha siguroi atë se prokurimi do të jetë “transparent dhe i ndërshëm”, por “Augusta” dhe “Eurokopter” ishin më kompetitiv krahasuar me “Sikorskin”, të cilin ai e vlerësoi të shtrenjtë.

Nga ana e tij, Oketa raportoi se Komisioni i Vlerësimit të Ofertave ka shtuar disa kërkesa për ofruesit. Oketa gjithashtu i kërkoi Agjencisë së Furnizimit dhe Mirëmbajtjes së NATO-s t’i dërgonin një ekspert për të bërë një vlerësim të paanshëm, të cilën ata e pranuan. Ministria e Mbrotjes do të presë të marrë një vendim pas tyre hapave shtesë të hedhur”.






Kabllograma 2

Ambasada, Xhonsit: Kërkoji Berishës transparencë

اështja e helikopterëve zë vend në disa kabllograma të dërguara nga ambasada e SHBA-ve në Tiranë tek Departamenti i Shtetit. Para se ndihmës sekretari për euro-azinë Stjuart Xhons të vizitonte Tiranën në fillim-verën e vitit 2009, Departamenti i Shtetit i kërkon ambasadës të bëjë një pasqyrë të situatës në vend dhe të këshillojë për ato ç’ka mund të ketë parasysh gjatë takimeve me funksionarët shtetërorë shqiptarë. Pjesë e këtyre këshillave është edhe lobimi për helikopterët në emër të kompanisë “Sikorski.

Kabllogrami mban datën 5 maj 2009 është konfidencial është i firmosur nga ambasadori Uidhërs.


Fillimi i kabllogramës

“Në takimin tuaj me Oketën, Berishën dhe Bashën ju duhet të përgatiteni për të bërë një fushatë të shkurtër për ofertën e “Sikorskit” për furnizimin e ushtrisë shqiptare me helikopterë të mesëm. “Sikorski” ka të drejtën ekskluzive të dhënies së ofertës nga SHBA. Duke ofruar “Blakhokët”, “Sikorski” konkurron me dy kompani të tjera. Ato janë italianët e “Augusta Bell” dhe “Eurokopter”. Shtypi është mbushur me shkrime pas vizitës së Kryeministrit Berisha në Francë dhe takimit me Presidentin Sarkozi për arritjen e një marrëveshje të fshehtë për dhënien e kontratës tek “Eurokopter” në këmbim të mbështetjes franceze për aplikimin e Shqipërisë për në BE.

Berisha dhe Oketa janë vënë në dijeni direct nga “Sikorski” për ofertën e helikopterëve dhe i dijnë detajet por një paralajmërim për ta do të ishte mëse i përshtatshëm tani. Vlerësimi duhet të bëhet i drejtë, i hapur dhe transparent. Kaq, as më pak edhe aq më shumë”.


اmimi

Helikopter shumë funksionesh AS532 AL + Garanci 500 orë fluturimi ose 12 muaj për helikopterin ose pajisjet opsionale, cilado që skadon përpara. Pesë copë MRH 69 742 814 euro

Niveli I & II i pjesëve të këmbimit dhe mjeteve të mirëmbajtjes 1 paketë për të pesë helikopterët 1 921 576 euro

اmimi total i kompleteve të pajimeve 1x komplet VIP, 1x komplet SAR, 1 x komplet MEDEVAC, 2 x komplet për transport trupash 6 446 800 euro.

اmimi i trajnimit të 10 pilotëve 375 300 euro. اmimi i trajnimit të dy instruktorëve të pilotit 47 798 €.

اmimi i trajnimit të teknikut 75 000 euro. اmimi i trajnimit të teknikut për “Avionic” (për sistemet elektronike aeronautike) 2 4 000 euro



Kontrata Totale

78 633 288 euro





Këstet

8 milionë euro prej 15 qershorit 2011

20 milionë euro jo më vonë se 28 shkurt 2012

20.6 milionë euro jo më vonë se në 28 shkurt 2013

8.570.788 euro jo më vonë se në 28 shkurt 2014


Pagesat e ndërmjetme

7.6 milionë euro në prill 2011

8 milionë euro deri në 30 tetor 2011



Helikopteri VIP

535 mijë euro Paradhënie për “Eurokopter”

1.337.500 euro jo më vonë se 1 tetor 2011

3.477.500 euro Jo më vonë se 1 dhjetor 2011



Lëvrimi në data

Helikopteri VIP 26.3.2012

Helikopteri CSAR 26.10.2012

Helikopteri MEDEVAC 31.3.2013

Helikopteri TTH 3 0.7.2013

Helikopteri TTH 30.4.2014

Shekulli !

Pe: WikiLeaks për Shqipërinë !

“Wikileaks” dhe 28 Nëntori


Valbona Sulce - Përtej të gjitha historive me emra e mbiemra, komente e stërkomente të bazuara në kabllogramet e ambasadës amerikane, publikuar nga “Wikileaks” dhe ripublikuar nga mediat shqiptare, qëndrojnë dy mësime të mëdha.

Mësimi i parë është që nuk kemi institucione. Dhe kjo për një vend që feston vitin tjetër 100 vjet pavarësi, është e rëndë. Nuk mund të fshihet as me programe ullinjsh, as me reformat e shkëlqyera, as me histori me spiunë. Nuk shtyhet as me vaj e as me verë. Dhe ngritja e institucioneve nuk është punë e një qeverie të vetme, janë një arradhë syresh që kanë dështuar në ngritjen dhe fuqizimin e institucioneve, ndaj përgjegjësia është e gjithë klasës politike shqiptare.

Mësimi i dytë është që “Wikileaks” nuk është dhe nuk do të jetë kurrë një Watergate (skandali që përfshiu administratën Nikson me përgjimet e kundërshtarëve dhe që u finalizua me dorëheqjen e Niksonit). Duke përjashtuar mundësinë që Berisha të veprojë si Niksoni, media dhe analistët e saj po “shqyhen” duke bërtitur për “skandale”, “furtunë”, “vdekje të republikës”, etj. Ngjan sikur janë të pakënaqur që nuk po ndodh asgjë në këtë vend edhe pas publikimit të kabllogrameve.

Nuk e di çfarë presin të ngjasë në një vend që kaloi ‘97-n, Gërdecin, 21 janarin. Do të duhej të reagonin institucionet, prokuroria p.sh., po siç e thamë institucione s’ka. Presin të ngrihen njerëzit? Për të gjithë ata që presin revolucion, duhet të lexojnë Fukuyaman që thotë se revolucionet sot nuk bëhen nga të varfrit, por nga klasa e mesme që nuk ndjehet e përmbushur në potencialin e saj. Klasë të mesme këtu s’ka ose është e dobët dhe ja ku jemi sërish në pikën e nisjes. Pra, ta flenë mendjen për revolucione.

Ndryshime me votë? Kjo është një përrallë që nuk funksionon më. Për më tepër, zgjedhjet janë larg dy vjet dhe ne kemi provuar disa herë që harrojmë shpejt. Fatkeqësisht duket se në Shqipëri është e vërtetë paradoksi që thotë një nga personazhet e Ekos në romanin “Varreza e Pragës”: e drejta universale për të votuar është armiku numër 1 i demokracisë. Sepse vota është përgjegjësi dhe jo të gjithë e kanë. Sepse vota do mend dhe jo të gjithë i kanë. Votat mund të blihen, mund të shiten, mund edhe të hidhen për tekë, për inat të këtij apo atij, duke harruar se është i vetmi pushtet që i ka mbetur qytetarit e fshatarit. Ndaj ja ku jemi sërish në pikën e nisjes, madje vite dritë mbrapa.

Të gjitha historitë e tjera të “Wikileaks” me “I thashë”, “më tha”, “thuhet se” nuk kanë pikë rëndësie. Ato do të mbushin dhe ca kohë kafenetë e shqiptarëve dhe do të harrohen deri në një “Wikileaks” tjetër. Analistët do ta kenë shpirtin në paqe se i shkruan ç’kishin për të thënë. Politikanët do ta kalojnë me një nënqeshje kur t’ua kujtojnë nëpër intervistat e radhës. Ndonjë do të kujtojë që “Wikileaks” ishte një operacion i paligjshëm i një njeriu që vodhi kodin e kabllogrameve. Po askush nuk do mund t’i mohojë meritën se në prag të 100-vjetorit të Pavarësisë, u tregoi shqiptarëve në pasqyrë se nuk kishin shtet. Atyre që kishin sy. Edhe pasqyrë.
15/09/2011 //top-channel.tv

---------- Post added at 13:18 ---------- Previous post was at 13:07 ----------

“Wikileaks” dhe fati i Shqipërisë

Jehona e botimeve në shtypin shqiptar të kabllogrameve të Ambasadës së SHBA-së në Tiranë, do të vijë një ditë dhe natyrisht që do të shuhet.

Nga gjithë ajo zhurmë mediatike do të fiksohen në kujtesën kolektive portretet reale të qeveritarëve shqiptarë dhe do të vuloset përfundimisht portreti i Kryeministrit aktual si shtetari që ishte gati të shiste edhe ujërat territoriale në Greqi mjaft që të rrinte në pushtet, siç thuhet në një prej kabllogrameve.

Analistë të ndryshëm që janë marrë me efektin dhe rëndësinë e botimit të kabllogrameve prej “Wikileaks” kanë vënë në dukje, mes të tjerash, se rëndësia e publikimit të tyre qëndron në faktin se këto kabllograme i bënë fakt dhe i vërtetuan opinionet e përhapura në formë perceptimi. Kështu ka ndodhur në Francë me Sarkozinë apo në Itali me Berluskonin. Raportimet e diplomatëve amerikanë nga Tirana dhe sidomos ato të ambasadorit Withers, kanë vlerën e provës për shumë nga dyshimet apo raportimet e medias shqiptare. Nga kjo pikëpamje, vlera e tyre është e jashtëzakonshme, sidomos për arkivin dhe memorien historike.

Ato i kanë caktuar qysh tani vendin e duhur në histori qeveritarëve të sotëm që përmenden në këto kabllograme si të korruptuar apo të lidhur me mafien. Ndërsa Kryeministri aktual duket se e vulosi biografinë e tij me faktet dhe provat e Ambasadës së SHBA-së në Tiranë që e paraqesin atë, siç e kam thënë edhe në shkrimin e mëparshëm, si një Ben Ali të Ballkanit, për shkak se ai, bashkë me familjen, ashtu si diktatori i Tunizisë, është përfshirë në një korrupsion tragjik të përmasave të mëdha. Por me që jemi këtu, dua të ngre një hipotezë. Botimi i kabllogrameve nga “Wikileaks” e ndihmoi demokracinë shqiptare, Shqipërinë e sotme apo e dëmtoi atë? Ta shohim. Siç dihet, më 6 qershor 2010 analisti ushtarak Bradly Manning u ndalua në lindje të Irakut me akuzën se i kishte dorëzuar organizatës “Wikileaks” 250 000 faqe dokumentesh konfidenciale të ambasadave amerikane nga e gjithë bota. Shumë shpejt u mor vesh se në këto kabllograme bënin pjesë edhe raportimet e Ambasadës së SHBA-së në Tiranë. Publikimi i tyre filloi pas një periudhe disamujore, e cila u karakterizua nga konflikti që ishte hapur mes SHBA-së dhe “Wikileaks”. Pa dashur të zgjatem në këtë kronikë, dua të nënvizoj se organizata e fuqishme “Reporterët pa kufij” doli në mbrojtje të “Wikileaks” dhe të publikimeve që ajo kishte nisur të bënte. E gjithë kjo pasoi me shumë ngjarje të tjera, ndër të cilat dua të përmend dënimin që i bëri qeveria e SHBA-së këtyre botimeve dhe fjalën e sekretares së Jashtme të Departamentit të Shtetit, zonjës Klinton, e cila tha se u kërkonte ndjesë të gjithë atyre shteteve apo personave që përmendeshin në këto kabllograme. Mirëpo, një ditë do të vinte edhe radha e Shqipërisë. Dhe këtu nis edhe hipoteza ime. Ka një teori gjysmë konspirative që thotë se pas “rrjedhjes së kabllogrameve” qëndron vetë Amerika dhe këtu ata përmendin sidomos rastin e Tunizisë apo të Egjiptit. Botimi i kabllogrameve u tregoi popujve të këtyre vendeve se SHBA nuk i mbështesnin më diktatorët Ben Ali apo Mubarak. Ky ishte një sinjal që popujt e këtyre vendeve të ngriheshin e të rrëzonin diktatorët e tyre. Nëse do ta besonim këtë version, atëherë lind pyetja: Po kur të botoheshin kabllogramet për Shqipërinë si do të reagonte qeveria amerikane? Pra a do të lejonte ajo që populli shqiptar kur të shihte se qeveria amerikane e kishte vizatuar Kryeministrin shqiptar si Ben Aliu i Ballkanit, të ngrihej dhe ta rrëzonte me protesta popullore? Këtu puna vështirësohet dhe po të vështrojmë faktet, vijmë në një përfundim tjetër. Sapo nisin të publikohen kabllogramet e “Wikileaks”, në korrik të vitit 2010, ambasadori Withers njofton se do të largohet nga Shqipëria. Ai jep intervistën e fundit në “Top Story” të gazetarit Sokol Balla më 12 gusht 2010. Për të gjithë ata që e kujtojnë këtë intervistë, unë dua t’ju sjell ndërmend një fragment. Diku, gjatë intervistës, ai thotë: “Mbrojeni demokracinë tuaj! Gazetari Balla i përgjigjet: Ky është një mesazh shumë i fortë dhe shumë i rëndësishëm për shqiptarët, sidomos kur vjen nga SHBA-ja. Kur thoni, mbroni demokracinë tuaj, a mos vallë ajo është në rrezik? - e pyet Balla. Dhe ai përgjigjet: “Unë besoj se sistemet demokratike më shumë se çdo sistem tjetër, më shumë se sistemet absolutiste apo monarkike ose janë në rritje ose janë në rënie. Në këtë këndvështrim, demokracitë janë në një kontekst të caktuar në një lloj kërcënimi”. Dhe më pas vjen shprehja e tij e famshme “plagët e Gërdecit ende kullojnë gjak...”. (“Top Story”, 12 gusht 2010, “Top Channel”). Ishte një nga intervistat më frymëzuese dhe të gjithë ishin të bindur se zullumet e Kryeministrit që kishte vjedhur votat e 2009-s do të ndëshkoheshin. Mirëpo kaluan disa muaj dhe në mos gaboj në dhjetor të vitit 2010 vjen ambasadori tjetër, ai që zëvendësoi John Withers-in. Më kujtohet se sapo ai mbërriti në Tiranë, vendi po përballej me katastrofën e përmbytjeve në Veri dhe dalja e parë e tij në publik ishte më duket në Shkodër në ndihmë të të përmbyturve. Ardhja e atij që zëvendësoi ambasadorin Withers nuk u ndihmua as nga moti dhe ambasadori e gjeti Shqipërinë jo ashtu siç ia kishte përshkruar pararendësi i tij, si një vend të bukur. Ai e gjeti të mbytur në ujë. Media, por dhe opinioni publik, thoshte se ky është uji i korrupsionit dhe krimit që po përmbyt Shqipërinë. Ngjarjet rrodhën shumë shpejt dhe ndërrimi i ambasadorëve, sipas arsyetimit tim, kishte në prapaskenë mosnxitjen e revoltave si në Tunizi apo Egjipt, pra frenimin e efektit domino. Nga publikimi i kabllogrameve deri në atë kohë kishte rrjedhur vetëm një informacion, që thoshte se Berisha i kishte trukuar zgjedhjet. Vetëm kaq. Askush nuk e dinte se kur do të botoheshin kabllogramet e tjera, të cilave mesa kuptohet sot, qeveria amerikane u druhej se mund të merreshin si një sinjal për revoltë popullore. Për të frenuar këtë perceptim ishte larguar, sipas mendimit tim, zoti Withers dhe në vend të tij erdhi ambasadori tjetër që kishte si mision të shpallte se nuk do të përkrahej asnjë lloj proteste apo revolte popullore. Diplomati që zëvendësoi zotin Withers do të deklaronte se Shqipëria është një shtet demokratik, me institucione demokratike, me media opozitare etj. Ende pa nisur publikimi i kabllogrameve, pra ende pa marrë vesh se si e vlerësonte qeveria amerikane Kryeministrin shqiptar, plas 21 janari. Tani, pas publikimeve të kabllogrameve, unë mendoj se diplomacia amerikane ndoshta është lehtësuar kur ka parë se zemërimi popullor u shfry më parë se të merrej vesh qëndrimi i SHBA-së për Kryeministrin shqiptar dhe qeverinë e tij. Ndërkaq, zëvendësuesi i ambasadorit Withers, mesa duket, ishte ngarkuar me detyrën që të mos nxitte në asnjë mënyrë rrëzimin e qeverisë shqiptare, e cila, siç del nga raportimet e ambasadorit Withers, kishte trukuar zgjedhjet e 2009-s, ishte e korruptuar, kishte shkatërruar sistemin e drejtësisë, pra ishte një lloj qeverie tuniziane si ajo e Ben Alisë. Mirëpo, ajo nuk duhej të rrëzohej me protesta. Dhe ambasadori që zëvendësoi diplomatin e madh Withers e mori këtë përgjegjësi duke paguar një kosto jo të vogël. Kulmi arriti kur ai, në emër të ambasadës, ndërpreu marrëdhëniet me gazetën “Shekulli”, për shkak të një shkrimi botuar prej meje, në të cilin unë kritikoja qëndrimin e tij proqeveritar. Tani që kabllogramet u botuan, në Shqipëri kanë ndryshuar shumë gjëra. Por është e njëjta qeveri. Vetëm se tani shqiptarët e dinë se çfarë mendon SHBA-ja për qeverinë e tyre. Tani edhe qëndrimi i ambasadorit që ka zëvendësuar zotin Withers është bërë më realist. Ai deklaroi se ne nuk komentojmë “Wikileaks”-in, ne e dënojmë atë. Kaq tha herën e parë. Pas kësaj, Kryeministri shqiptar nxitoi të thoshte se “Wikileaks” është një pasqyrë e medias, pra është si media shqiptare. Unë vlerësoj shumë dhe kam marrëdhënie të shkëlqyera me ambasadorin e sotëm të SHBA-së në Tiranë shtoi Kryeministri. U duk sikur ai ndërtoi me këtë thënie një opozicion. Pra ky i sotmi është ambasadori i vërtetë dhe qëndrimi i SHBA-së ndaj meje është qëndrimi i ambasadorit të sotëm. Ai i djeshmi, pra ambasadori Withers, ishte si gazetat e opozitës dhe merrej me thashethemet e medias shqiptare, la të kuptohej Kryeministri dhe këtë përsëritën disa nga tellallët e tij. Mirëpo nuk vonoi dhe ambasadori i sotëm i SHBA-së në Tiranë shfrytëzoi ditën e hapjes së punimeve të Kuvendit të Shqipërisë dhe tha se ato publikime secili është i lirë t’i lexojë dhe të krijojë opinionet e tij, ne nuk japim asnjë opinion. Pra nuk tha se janë të pavërteta dhe nuk la të nënkuptohej ai mesazh që kishte përcjellë një ditë më parë Kryeministri shqiptar. Ndërsa pardje ai foli për korrupsionin dhe për herë të parë deklaroi se në Amerikë as Presidenti dhe askush nuk mund të jenë mbi ligjin. Këtë deklaratë e bëri në sy të Kryeministrit, në një mjedis ku diskutohej për sigurinë kombëtare. Me këtë mesazh ai vërtetoi edhe njëherë thënien e pararendësit të tij, se “Gërdeci ende kullon gjak” dhe se ambasadorët e SHBA-së nuk mund të ndahen në miq të Kryeministrit dhe në jo miq të tij. Por a e ndihmoi “Wikileaks” Shqipërinë, pra a ndihmuan publikimet e kabllogrameve që Shqipëria të çlirohej nga e keqja?! اfarë do të kishte ndodhur sikur zoti Withers të kishte vazhduar misionin e tij në Shqipëri dhe ne të mos dinim gjë për raportimet e tij. A do të vazhdonte ai të tregonte përralla me alegori për kafshët që i rrëmbejnë të gjitha apo do të kishte reaguar siç reaguan kolegët e tij me Kryeministrin e korruptuar Nano? Unë nuk jam në gjendje të përgjigjem. Unë vetë po citoj një thënie të një prej intelektualëve më të mëdhenj të kohës sonë, Noam Chomsky që thotë: "Po të shohim atë që ndodh në botë, mund të arrijmë në përfundimin se sa më shumë një shtet përdor dhunën aq më shumë rritet edhe përçmimi i tij për pavarësinë, natyrisht të të tjerëve...”. //top-channel.tv

---------- Post added at 13:41 ---------- Previous post was at 13:18 ----------

Wikileaks: Negociatat për varrezat greke..

Fondet për ndërtimin ilegal të mauzoleumeve të ushtarëve grekë të vrarë në territorin shqiptar gjatë Luftës së Dytë Botërore janë dhënë drejtpërsëdrejti nga qeveria greke, e cila mësohet se ka financuar Kishën Ortodokse Autoqefale të Shqipërisë.

Lajmi bëhet i ditur nga një kabllogramë e Wikileaks, të cilës i referohet gazeta “Shqip”.

Kabllograma me kod 06TIRANA662 e 21 qershorit 2006 raporton mbi incidentin e krijuar me zhvarrimet ilegale të zhvilluara në fshatin Kosinë të Përmetit.

Në atë kohë, një prift lokal pagoi disa vendës për të kryer disa zhvarrime. Banorët vendës u ankuan pasi vunë re se varrezat e vjetra të fshatit dhe eshtrat e paraardhësve të tyre po shiteshin si eshtra të ushtarëve grekë të vrarë gjashtëdhjetë vjet më parë.

Sipas legjislacionit shqiptar, një zhvarrim mund të kryhet me vendim prokurorie ose gjykate. U dyshua se shkaku i nxitimit për kryerjen e zhvarrimit lidhej me faktin që një mauzoleum qe ndërtuar dhe përfunduar sakaq në Këlcyrë, pavarësisht se autoritetet shqiptare nuk patën dhënë ende një leje ndërtimi dhe se asnjë marrëveshje për të zgjidhur këtë problem mes Tiranës dhe Athinës nuk ekzistonte ende.

Kisha dhe Athina zyrtare

Zyrtarët e ambasadës së SHBA-së në Shqipëri intervistuan At Andon Merdanin, drejtor të Marrëdhënieve me Jashtë në Kishën Ortodokse Autoqefale të Shqipërisë.

Merdani “tha se, pavarësisht mungesës së një marrëveshjeje formale, ndërtimi i një mauzoleumi, me kapacitet prej 630 varresh, përfundoi së ndërtuari vitin e kaluar (2005) në territorin e një manastiri ortodoks në Përmet. Një mauzoleum i dytë i ngjashëm është aktualisht (viti 2006) nën ndërtim në Korçë”, thuhet në kabllogramin 06TIRANA662 i klasifikuar si “konfidencial”.

“Merdani konfirmoi se ndërtimi i mauzoleumeve është financuar nga qeveria e Greqisë dhe qe zbatuar nën drejtimin e Kishës Ortodokse Shqiptare”, vijon më tej kabllogrami i firmosur nga ambasadorja Marcie B. Ries.

Janullatos konsultohet me Karamanlis

Sipas kabllogramit, Merdani ka thënë se kreu i kishës autoqefale, kryepeshkopi Anastasios Janullatos, vizitoi Kryeministrin grek, Karamanlis, në Athinë, në një takim ku u diskutua edhe çështja e varrezave.

Një ditë më vonë, kisha lejoi policinë dhe prokurorinë shqiptare të hynin në kishën ku mbaheshin përkohësisht eshtrat, me qëllim që këtyre të fundit t’u kryhej autopsia.

Janullatosi rezulton në këtë mënyrë një zyrtar i Karamanlis, me të cilin mund të konsultohet përpara se të japë miratimin e vet që policia dhe prokuroria shqiptare të kryejnë hetimet e nevojshme për një vepër penale.

Qeveria greke bëri një deklaratë pak ditë më vonë ku tha se zhvarrimet nuk qenë financuar prej saj dhe se shërbimi i saj konsullor në Shqipëri nuk qe angazhuar zyrtarisht.

At Merdani u tha amerikanëve që zhvarrimet qenë financuar nga të afërm të ushtarëve të vrarë. Deklarata e qeverisë greke ndërkohë nuk foli për financimin prej saj të mauzoleumeve.

Ministria e Jashtme nën presion

Një kabllogramë tjetër amerikane hedh dritë mbi procesin e vështirë të negocimit të kërkesës greke për varreza lufte në territorin shqiptar, një negocim që Athina duket se e fitoi përmes shantazhit.

Kabllograma 08TIRANA745 raporton për sqarimet e dhëna nga diplomati shqiptar, Islam Lauka, drejtor i Drejtorisë për Marrëdhëniet Rajonale.

“Ambasadori i Greqisë i ka thënë (ministrit të Jashtëm) Basha se në rast se qeveria e Shqipërisë nuk bie dakord me kushtet e Athinës për varrezat ushtarake, atëherë Parlamenti i Greqisë nuk do ta ratifikojë kurrë Marrëveshjen e Stabilizimit dhe Asociimit”, thuhet në kabllogramë.

“Ai i tha gjithashtu Bashës se në të njëjtën ditë që Shqipëria nënshkruan marrëveshjen për varrezat, Parlamenti i Greqisë do të ratifikojë MSA-në”, vijon më tej kabllograma.

Politikë e brendshme

Lauka ka bërë të ditur se arsyeja se pse qeveria e Athinës këmbëngul për ndërtimin e varrezave përgjatë një linje nga Përmeti në Korçë, sipas bashkëbisedimit të tij me diplomatët grekë, qe politika e brendshme e fqinjit tonë jugor.

Qeveria nacionaliste e Karamanlis e kishte për zemër këtë çështje për të fituar kapital politik. Raportohet se Lauka u ka thënë grekëve se qeveria shqiptare ka problemet e veta të brendshme si çështja e çamëve për të pasur parasysh para se të firmosë një marrëveshje kaq sensitive. //top-channel.tv

Pe: WikiLeaks për Shqipërinë !

Wikileaks: Thaçi-Tadiq, takime sekrete (Me posht keni dhe nje vidio)

Hashim Thaçi, kryeministër i Kosovës i ka shtrirë dorën dy herë presidentit të Serbisë, Boris Tadiq. Zbulimin e bëjnë kabllogramet e Wikileaks. E para që e konfirmon takimin është një dokument i dërguar nga misioni i SHBA-së në OKB, në janar 2008.
Aty ambasadori i atëhershëm amerikan, Khalilizad shpjegon takimin e tij me presidentin serb Boris Tadiq, që i kishte treguar për takimin me kryeministrin Thaçi. “Presidenti Tadiq tha se Serbia kishte ofruar një “model shumë të qartë të autonomisë substanciale”, gjatë negociatave të Treshes për statusin final. Ai bëri thirrje për më shumë bisedime sepse ‘ne nuk do të heqim dorë nga Kosova’. Ai tha se e kishte takuar në Nju-Jork kryeministrin e Kosovës Hashim Thaçi dhe se do të takohej me të përsëri në përpjekje për të gjetur një kompromis final për statusin, por u ankua se historia e fundit e Kosovës dhe premtimet për pavarësinë po i bëjnë shqiptarët jobashkëpunes. Ai tha se ‘ne kemi një të kaluar të keqe nga e cila po provojmë të dalim’, por insistoi se ‘Unë nuk jam Slobodan Miloseviq’.

Tjetri kabllogram është dërguar nga ambasada në Athinë për në Washington dhe konfirmon takim të Tadiqit me Thaçin edhe sa ky i fundit ishte në opozitë.
Dokumenti është dërguar nga ambasadori Charles Reis, i cili raportonte për vizitën në Greqi të presidentin serb Tadiq dhe atij malazes Maroviq.
Ambasadori shpjegon fillimisht se si Tadiq refuzonte çdo formë të pavarësisë për Kosovën dhe bënte thirrje për vazhdimin e dialogut ndërmjet palëve.
“Në një zhvillim pozitiv, Tadiq tha se ai kishte pasur një diskutim të shkurtët me liderin e shqiptarëve të Kosovës Hashim Thaçi në margjinat e takimi të Internacionales Socialiste, dhe të dy ishin pajtuar se kontaktet direkte ndërmjet Beogradit dhe shqiptarëve të Kosovës do të ishin të dobishme”, shkruante ambasadori Reis.

To view this content we will need your consent to set third party cookies.
For more detailed information, see our cookies page.

Accept third party cookies

Info botasot.com

---------- Post added at 16:34 ---------- Previous post was at 16:32 ----------

WikiLeaks: Jeremiq qau për pavarësinë e Kosovës

Ministri i Punëve të Jashtme i Serbisë, Vuk Jeremiq në fillim të dhjetorit 2007 është përballur me qëndrimin këmbëngulës amerikan se Serbia duhet ta njohë Kosovën nëse dëshiron vazhdimin e integrimeve euroatlantike.
Sipas WikiLeaks, në takim me ambasadorin amerikan pranë Kombeve të Bashkuara Alehandro Uolf më 7 dhjetor 2007 në Nju Jork, Jeremiqit i ishte thënë se është “fundi i rrugës” kur bëhet fjalë për Kosovë, pas të cilit Jeremiq reagoi në mënyrë dramatike.
Ambasadori Uolf i ka thënë Jeremiqit: “Kemi ardhur në fund të rrugës, pavarësia e Kosovës është e paevitueshme! Serbia duhet të përballet me këtë realitet dhe nëse vendos ndryshe, kjo do të jetë vetëm në dëm të Serbisë”.
Uolf ka shtuar se SHBA-të e kuptojnë se liderët serbë e kanë vështirë që të heqin dorë nga Kosova, por ky është çmimi nëse dëshirojnë integrimet në institutet euroatlantike.
“Pas një pauze të gjatë, gjatë së cilës Jeremiq mbuloi fytyrën e tij me duar dhe e fshehu, ministri i Jashtëm serb ka thënë se ka kuptuar porosinë dhe se takimi kishte përfunduar”, thuhet në raportin e diplomatit amerikan pranë Kombeve të Bashkuara.

Info nga botasot.com

---------- Post added at 16:35 ---------- Previous post was at 16:34 ----------

Wikileaks: Si u përça PDSH dhe formimi i DR-së

NA sjellë kabllomanin e ambasadës amerikane të periudhës së shtatorit të vitit 2008, ku pasqyrohet shpartallimi i një pjese të PDSH-së nga ikja e nënkryetarit Imer Selmanit dhe disa ithtarëve të tij, që çuan në formimin e subjektit të ri politik DR.
Raporti i zbardhur nga Wikileaks sjellë detaje nga deklarimet e Selmanit dhe përkrahësve të tij se çfarë i kishin deklaruar ambasadës amerikane dhe ambasadorit Filip Riker. Raporti sjellë edhe mëdyshjet për të ardhmen e subjektit DR, por duke raportuar në mënyrë të paanshme në adresë të Departamentit Amerikan të Shtetit.
Kabllogrami i plotë për rrjedhën e ngjarjeve:
1. Nënkryetarët e Partisë Demokratike Shqiptare (PDSH), Imer Selmani dhe Ruzhdi Matoshi e braktisën PDSH-në për të formuar një tjetër subjekt politik të bazuar në ‘ide dhe vlera’, duke e thyer kështu, siç e quajnë ata partinë e gangsterëve me lider, Menduh Thaçin.
Selmani dhe Matoshi u larguan me tre deputetë, disa anëtarë të PDSH-së dhe me pretendimin se 70 për qind e bazës partiake do t’i ndiqte ata.
Ata pohojnë se Thaçi ka nisur një "gjueti shtrigash,"duke përfshirë edhe kërcënime të dhunshme personale. Thaçi të gjitha këto i mohon: ai thotë se Selmani është një instrument i kryeministrit, Nikolla Gruevski dhe se partisë së re i mungon një bazë politike dhe çfarë do qoftë filozofie politike e veçantë dhe se ai dhe njerëzit e tij nuk kanë bërë asnjë kërcënim. Tani për tani, prioriteti ynë është të sigurohemi se ky divorc është paqësorë. Fundi përmbledhjes.
2. Pas disa muajsh kundërshtimi dhe mosmarrëveshjeve të brendshme të cilat mbaheshin të fshehta në kuadër të Partisë Demokratike Shqiptare, nënkryetarët, Imer Selmani dhe Ruzhdi Matoshi largohen nga kjo parti, për të formuar një subjekt të ri politik, së bashku me të paktën e një pjesë të vogël të aktivistëve tjerë të PDSH, duke përfshirë edhe ish-ministrin e Arsimit, Sulejman Rushiti dhe deputetin Abedin Zymberi.
Selmani, edhe vetë si ministër i Shëndetësisë gjatë mandatit qeverisës 2006-08 u shfaq si lider dhe fitoi mbështetje ndërkombëtare, përfshirë edhe atë të vendit tonë.
Ai tha se, dëshiron të largohet nga PDSH-ja, reputacioni i së cilës është dëmtuar nga sjelljet arrogante dhe kriminaliteti dhe të ndjekë politikat e bazuara në ‘ide dhe vlera’, dhe pse edhe ai nuk ka qenë i qartë se si ndryshojnë këto politika nga ato të PDSH-së: Një kërkesë për një ligj më të fortë për gjuhët, njohjen e Kosovës, Amnistimin e rasteve të kthyera nga Haga, kompensim për të gjitha viktimat (dmth, duke përfshirë posaçërisht shqiptarët) nga konflikti i vitit 2001, etj.
3. Selmani refuzoi çdo aluzion se partia e tij e re, ende e pa titulluar, dhe cila sipas tij do të quhet ‘Demokracia e Re’ ose ‘Demokracia e Re Shqiptare’, do të ndreqë gardhet me partinë më të madhe tek shqiptarët, Bashkimi Demokratik për Integrim, megjithëse ai tha se ka shpresë për të tërhequr në partinë e tij një ose dy deputetë të pakënaqur të BDI-së.
(Kjo mund të jetë kritike për Selmani, në partinë e re i nevojiten pesë deputetë për të formuar një grup parlamentar, i cili i mundëson qasje për të debatuar më shumë dhe për të siguruar privilegjet e tjera parlamentare. Deri më tani, ai ka vetëm tre deputetë të garantuar)
Edhe pse bashkëpunimi me BDI-në është jashtë diskutimit, Selmani tha se dëshiron një debat të civilizuar me rivalët e tij, jo një marrëdhënie të bazuar vetëm në armiqësi personale.
Ai na tha neve më 11 shtator, që ndryshe nga Thaçi ai do të takohet me kreun e BDI-së, Ali Ahmeti, megjithatë, Selmani gjithashtu pohoi se nuk do të dialogojë me ‘elementet kriminale’ brenda BDI-së.
4. Siç tregon Selmani, pakënaqësia me kreun e PDSH është shfaqur në pah në një takim të nevrikosur partiak më 28 Gusht, në të cilin thuhet se Thaçi gjoja se ka ngulfatur diskutimin lidhur me një studim të brendshëm të partisë i cili fajësonte udhëheqësin e partisë dhe në veçanti Thaçin për dështimet e njëpasnjëshme të PDSH-së, duke përfshirë edhe një humbje tjetër ndaj BDI-së në zgjedhjet parlamentare të 2008.
PDSH u ndal duke akuzuar fajtorët kryesorë për frikësimin e votuesve, mbushjen e kutive dhe mashtrimet tjera. Selmani tha se vetëm ai, Matoshi, Sulejman Rushiti u ngritën për ta qortuar Thaçin dhe duke kërkuar ndryshime.
Pas kësaj të gjithë folësit, përjashtuar Doganin vendosën se ishte koha për të bërë një pushim të pastër.
5. Selmani akuzonte Thaçin për nxitjen e një ‘gjuetie shtrigash’ për t’i frikësuar ata të cilët kanë ose mund t’i bashkohet partisë së re.
Sipas, Selmanit, vëllezërit famëkeq Krasniqi ( njëri nga ata Agim Krasniqi, tani në pritje për tu burgosur nën akuzat e dhunës serioze zgjedhore në emër të PDSH-së në qershorin e kaluar) e ka thirrur kryetarin e komunës së Sarajit, Bekim Fazliun, duke e kërcënuar për t`ia thyer kockat e tij.
Megjithatë, Selmani ka njoftua se, vëllezërit e kanë kontaktuar atë më vonë duke theksuar se nuk ka rrezik.
Selmani gjithashtu akuzoi Thaçin për rekrutimin e Bashkësisë Islame të Maqedonisë, kreun e këtij institucioni Rexhepin për ta dënuar Selmanin nga pozicioni tij (por kreu i BFIM e kishte refuzuar këtë) .
Fazliu më pas i shkroi Ambasadës më 10 shtator, duke pretenduar se përpjekjet për ta frikësuar kanë vazhduar. Ditë më pas edhe Selmani i ka përsëritur këto pohime për ne.
Selmani ka treguar se ngacmimet kanë ndodhur gjatë orëve të vona të natës, dhe se ka marr telefonata kërcënuese, si dhe banditë kanë kaluar afër shtëpisë së tij, por deri më tani nuk ka dhunë ende.
6. Matoshi na tha më 4 shtator se 70 për qind e bazës së PDSH janë larguar nga kreu i PDSH-së, Menduh Thaçi. Gazetat kanë bartur pretendimet nga të larguarit e PDSH-së, që zyrat e PDSH-së në pese qytete janë mbyllur, me një histori se 80 për qind e elektoratit besnik e ka braktisur PDSH-në. Kjo duket si një ekzagjerim, por është vështirë për të verifikuar në këtë kohë.
7. Nga ana e tij, Thaçi në fillim u zhdukë, udhëtonte për në Shqipëri dhe Kosovë në përpjekje të dukshme për gjetur mbështetjen e udhëheqësve atje.
Ai u kthye në Maqedoni herët në këtë javë, duke i thënë shtypit se dezertimet nuk paraqesin rrezik për partinë e tij dhe duke akuzuar Selmanin për formimin e një komploti së bashku me kryeministrin Gruevski, i cili ka parashikuar t`i ofrojë partisë së re një vend në koalicionin qeverisës.
Kontaktet e tjera i kanë bërë jehonë këtij mendimi: Igor Ilievski, një zëvendës i kryetarit të partisë më të madhe opozitare maqedonase LSDM, na tha më 10 shtator se Gruevski dhe Selmani janë personalisht të afërt dhe se është i sigurt se Gruevski do t’i ofrojë partisë së re një ministri.
Ilievski sugjeroi se Selmani dhe pasuesit e tij janë oportunistë, dhe kërkojnë të kthehen në vendet e tyre të punës që i kishin zënë sa ishin në PDSH gjatë qeverisjes 2006-2008.
Por Selmani pranë nesh kishte refuzuar çdo sugjerim që kishte në plan për t'u bashkuar me qeverinë e VMRO-së. Ai ka pohuar se ky akt do t’i kushtonte me humbjen e mbështetësve të tij.
8. Më 11 shtator, Thaçi i qetë dhe me një gëzim provokues ka përsëritur qëndrimin e tij për shtypin se dezertimet janë një komplot i Gruevskit dhe se Selmanit do t’i ofrohet një vend në qeveri. Ai u tall me Selmanin dhe pasuesit e tij për të cilët tha se nuk kanë bazë të fortë politike dhe se nuk guxojnë të qëndrojnë në opozitë. Thaçi ka mohuar se ka kërcënuar të larguarit.
9. Koment: Ne i tham Selmanit se ne nuk jemi duke marrë anë për faktin se partia e tij po merr një formë të re, por çdo parti e bazuar në vlera dhe ide dhe që refuzon dhunën - është një zhvillim i mirëpritur. Selmani është i ri dhe ambicioz, dhe ai e Rushiti përfaqësuar - të paktën publikisht - pjesën e PDSH më të interesuar në këtë qasje.
Kjo është shumë herët të thuhet nëse ky është fundi i PDSH-së dhe fillimin e një epoke të re në politikën shqiptare në Maqedoni.
Ky mund të jetë një zhvillim i mirëpritur, por tani për tani, prioritet i yni është të dërgojmë një mesazh të qartë për të dyja palët se ky divorc duhet të jetë i qetë.

Info nga botasot.com

---------- Post added at 16:39 ---------- Previous post was at 16:35 ----------

WikiLekas: Vatikani “de facto” e ka njohur

Fakti se Kosova është vend me shumicë myslimane dhe se në Kushtetutën e këtij vendi nuk ndalohen në mënyrë eksplicite aborti dhe martesa e homoseksualëve, nuk duhet të shihet si arsye pse Vatikani nuk e njeh ende formalisht pavarësinë e Kosovës. Por Vatikani tashmë ka njohur “de facto” pavarësinë e Kosovës. Kështu e ka bindur përfaqësuesin e Ambasadës amerikane në Vatikan në prill të vitit 2008, vetëm dy javë pas shpalljes së pavarësisë së Kosovë, Monsignior Miguel Maury, person kontakti i Selisë së Shenjtë për Ballkanin.
Në depeshen që gjendet në faqet e Wikileaksit, zyrtari amerikan shkruan se përfaqësuesi i Vatikanit ka shprehur “dëshpërim për gjuhën specifike në Kushtetutë, të cilën e sheh si hapje e mundësisë - qoftë edhe nëse shihet si shumë e pamundur në Kosovën e sotme- të martesave të gjinisë së njëjtë dhe përpjekje për të lejuar abortin. Kjo gjuhë, sipas Vatikanit, “është imponuar nga konsultuesit ndërkombëtarë pa i marrë parasysh qëndrimet e ndryshme të vetë kosovarëve”.
Në këtë takim thuhet se Maury ka zvogëluar rëndësinë e hezitimit të Vatikanit për të njohur formalisht pavarësinë e Kosovës duke nënvizuar atë që e ka quajtur si “de facto njohje” të Republikës së re, duke shprehur dëshirën që shteti i ri të ketë sukses në procesin paqësor të ndërtimit të shtetit. Si dëshmi të kësaj “njohjeje de facto”, përfaqësuesi i Vatikanit ka përmendur pranimin që Papa i ka bërë më 2 shkurt presidentit të Kosovës, Fatmir Sejdiu, dhe mirëpritjen që ia ka bërë pas shpalljes së pavarësisë së Kosovës përfaqësuesit të Kishës Katolike në Kosovë.


Wikileaks: Konferenca Islamike, asnjë ndikim për Kosovën

Kabllogramet amerikane sugjerojnë se dilema shqiptare për anëtarësim në OKI nuk ka pasur rol për pavarësinë e Kosovës
Dilema shqiptare për angazhim apo largim nga Organizata e Konferencës Islamike gjatë pesë viteve të fundit duket se nuk ka pasur asnjë ndikim, as pozitiv dhe as negativ, në vendimin e disa vendeve anëtare të kësaj organizate në mosnjohjen e pavarësisë së Kosovës. Lajmi bëhet i ditur nga një seri kabllogramesh diplomatike amerikane të publikuara nga organizata “Wikileaks”. Kabllogramet tregojnë se arsyet e mosnjohjes së pavarësisë së Kosovës nga shumë vende islamike si Siria, Egjipti apo Indonezia, nuk kanë aq lidhje me teorinë e “solidaritetit islamik”, por janë më së shumti pasojë e realpolitikës.
Kabllogramet japin gjithashtu të dhëna interesante mbi angazhimin e pasuksesshëm të diplomacisë shqiptare në ndihmë të pavarësisë së Kosovës, si dhe për vetë dilemën historike të vendit mbi anëtarësimin.
Mustafaj në dilemë
Në vjeshtën e vitit 2005, ministri i Jashtëm i asaj kohe, Besnik Mustafaj, i ka kërkuar opinion ambasadores amerikane Marcie B. Ries nëse Shqipëria duhej të largohej apo jo nga Organizata e Konferencës Islamike (OKI). Diplomatja Ries shpjegon se anëtarësimi në OKI është një çështje shumë e debatuar në Shqipëri, për shkak se opozita e përdor këtë për të sulmuar Kryeministrin Berisha si pro-arab dhe jo pro-europian.
“Ambasadorja u përgjigj se ndonëse anëtarësimi në një organizatë ndërkombëtare është një vendim kombëtar, SHBA-ja e vlerëson si pozitiv faktin që OKI ka një anëtar të moderuar dhe të përgjegjshëm”, shkruhet në kabllogramin 06TIRANA602.
Ries komenton më poshtë: “Ne kemi dëgjuar nga USUN se në të shkuarën, ambasadori i Shqipërisë ka dhënë informacione të vlefshme mbi aktivitetet e OKI. Ne duhet të shpresojmë që një lloj bashkëpunimi i tillë të vijojë”.
Basha i zhgënjyer
I takoi ministrit tjetër të Jashtëm, Lulzim Bashës, të zhgënjehej dhe t’u raportonte diplomatëve amerikanë se po mendonte të çanëtarësohej nga OKI, pasi vendet anëtare të konferencës nuk pranuan të njohin në bllok pavarësinë e Kosovës.
“Ministri i Jashtëm i Shqipërisë, Lulzim Basha, shprehu lodhje me Organizatën e Konferencës Islamike, jo vetëm në lidhje me ngadalësinë e saj në njohjen e pavarësisë së Kosovës, por edhe përpjekjeve nga ‘peshat e rënda’ për të margjinalizuar pjesëmarrjen e Shqipërisë në organizatë. Ai sugjeroi se Shqipëria mund ta rimendojë anëtarësinë në OKI”, thuhet në kabllogramin 08TIRANA184 e marsit 2008. Tre vjet më pas, Basha përdori disa hoxhallarë në Tiranë për mbështetje për zgjedhjen e tij si kryebashkiak.
Basha, sipas kabllogramit, beson se një lidhje e vjetër gjaku mund të përcaktojë vendimin e Egjiptit, në atë kohë nën sundimin diktatorial të Mubarakut, të njohë pavarësinë e Kosovës. “Ai shpjegoi rëndësinë e Egjiptit për Shqipërinë dhe i tha ambasadorit se kryetari i Parlamentit të Egjiptit ka prejardhje shqiptare”.
Kryeparlamentarja shqiptare, Jozefina Topalli, në prill 2008 vizitoi Egjiptin dhe shumë vende të tjera arabe. Kabllograme amerikane të publikuara nga “Wikileaks” për diplomacinë parlamentare nuk ka, por pavarësisht optimizmit të Bashës dhe vizitës së Topallit, Egjipti nuk e njohu pavarësinë e Kosovës. Përkundrazi, ky shtet u bë një kundërshtar aktiv i njohjes në Konferencën Islamike.
Dështimi në negocim u duk qartë pak kohë pas kësaj. Në maj, në takimin e OKI-t në Damask, Serbia rezultoi edhe më e fuqishme se sa Kosova, ndërsa Egjipti i Mubarakut punoi vazhdimisht kundër. Sipas një raporti diplomatik nga Xheda në Arabinë Saudite, rezulton se zyrtarët turq në OKI u përpoqën për të ndihmuar rezolutën, ndërsa pikërisht zyrtarët egjiptianë punuan për ta bllokuar.
Në qershor 2008, Shqipëria ia arriti të kalojë për diskutim rezolutën, pavarësisht pengesave egjiptiane për ta bllokuar atë. Kabllogrami 09JEDDAH186 i majit 2008, raporton mbi takimin e OKI-t në Damask. Shqipëria i pati kërkuar Sirisë që të lëshonte një ftesë për Kosovën në rolin e vëzhguesit. Siria, në vend që të lëshojë një ftesë për Kosovën, lëshoi një ftesë për Serbinë. Shqipëria mësohet se protestoi dhe kërcënoi se do ta braktiste takimin. Sekretariati i OKI-t pranoi të heqë emrin e Serbisë nga tavolina.
Kabllogrami 08TIRANA502 tregon se si Basha doli gjerësisht i pasuksesshëm për të bindur anëtarët e OKI-t për rezolutën.
“Basha ishte i pasuksesshëm në përpjekjet e tij për lobim”, thuhet në raport. Algjeria dhe Tunizia e kundërshtuan pavarësinë, duke thënë se deklarata e Shqipërisë mund të jetë në kundërshtim me një deklaratë të mëhershme të krerëve të shteteve të OKI-t. Algjerianët dhe tunizianët kundërshtuan gjithashtu.
Diplomatët shqiptarë raportuan në ambasadë se shumë nga zyrtarët e vendeve anëtare të OKI-t nuk e kishin të qartë se çfarë ishte Kosova dhe se për çfarë arsye ajo kishte shpallur pavarësi të njëanshme.
Në tërësi, rezulton se realpolitika ishte shkaku se pse një pjesë e botës islamike e njohu pavarësinë e Kosovës dhe një pjesë tjetër nuk e njohu dhe vijon të mos e njohë.
Parimorë në dukje – pragmatistë në përmbajtje
Ndoshta pas dy dekadash, Shqipëria duket se e ka zgjidhur dilemën e anëtarësimit në Organizatën e Konferencës Islamike. Këtë vit, Banka Islamike për Rindërtim dhe Zhvillim, një organizatë pjesë e Konferencës Islamike, i akordoi qeverisë shqiptare rreth 400 milionë dollarë kredi, të cilat qeveria synon t’i përdorë për ndërtimin e rrugës Tiranë-Elbasan.
Ndryshe nga imazhi që ka ndërtuar për veten si vend që udhëhiqet nga parime të larta, përgjatë të gjithë historisë së Shqipërisë paraja duket se ka caktuar drejtimin.
Shqipëria e shpallte veten mbrojtëse të parimeve marksiste-leniniste, por kur këto të fundit nuk prodhuan më financime nga Kina, qeveria njohu Organizatën për اlirimin e Palestinës dhe tentoi të joshte vendet arabe. Një libër i vitit 1983, i firmosur nga Enver Hoxha, tentoi të zëvendësonte Kinën me vendet arabe. Deklarata e Berishës se është anëtarësuar në OKI për të përfituar ndihma, është gjithashtu kuptimplotë. Edhe vëzhgimit të hollë të ambasadorit Withers nuk i shpëtoi kjo tendencë kur raportoi se Shqipëria ishte treguar e gatshme të pranonte më shumë ish të burgosur të Guantanamos nga sa ishte e përballueshme për të.

Info nga botasot.com

Titulli: WikiLeaks për Shqipërinë !

Une i kam te gjithe kabllogramet ne pc i kam lexuar nje pjese te mire te lene pa fjale ato qe lexon

Pe: WikiLeaks për Shqipërinë !

WikiLeaks Din shumë


MENTOR NAZARKO
Dikur, në shoqërinë e xhuxhëve, të cilët kishin nga një emër të personalizuar sipas aftësive të tyre – p.sh., ai që s’dinte shumë nga jeta quhej Dinpak, ai që dinte shumë quhej Dinshum, ai që kishte pasiguri, quhej Pasigurti, e kështu me radhë – personazhi kryesor, Dinpaku, vendosi të merrej me pikturë. Si fillim iu përkushtua organizimit të një ekspozite me portrete të shokëve. Pasi e përkreu ekspozitën, i thirri të gjithë ta shikonin. Shokët iu sollën përqark portreteve të stilizuara të Dinpakut dhe e përgëzonin për cilësinë e thuajse të gjitha portreteve. Me përjashtim të portretit të vet: “Ah, ky këtu nuk më ngjan, nuk jam unë”, tha gjithsecili para portretit të vet. Fabula e mësipërme është marrë nga një libër shumë i dashur i fëmijërisë sime, “Aventurat e Dinpakut”.
اdo krahasim, edhe më i miri, çalon, por kjo fabul m’u kujtua ndërsa shoh reagimin e palëve politike shqiptare nga botimi selektiv i kabllogrameve të Ambasadës Amerikane në media të rreshtuara politikisht. Ambasadorët amerikanë, sigurisht, nuk janë Dinpakë, përkundrazi, janë Dinshumë. Palët politike, ndaç t’i quajmë Dinpakët tanë, janë shumë të lumtura kur shohin kabllograme kundër shoqi-shoqit, por mjerisht, s’mund t’i përdorin, pasi përndryshe, do t’u vërvitet turinjve një kabllogram dhe më i ashpër për ta.
Botimi masiv i kabllogrameve të Ambasadës Amerikane në Tiranë është kështu një ngjarje e jashtëzakonshme në historinë e tranzicionit për të kuptuar politikën shqiptare nga brenda saj. Me këtë premisë, rritja e transparencës rreth të gjitha punëve të saj të dikurshme që janë raportuar nga Ambasada Amerikane drejt qendrës, është një moment kyç që do ta ndikojë politikën e sotme. Për shkak se ky botim vjen nëpërmjet mediave, atëherë me siguri e ndikon dhe median.
Le të shkojmë më ngulazi në këto dy aspekte: ndikimi i kabllogrameve te politika dhe te media.
Ndikimi te politika
Më së pari, mungesa e komenteve të vetë Ambasadës rreth këtyre publikimeve u ka ofruar një trimërim të mjerë protagonistëve për keq të raportimeve. ثshtë një trimërim që i ngjan strucit nga pak, i cili kujton se fshihet duke ngulur vetëm kokën në rërë. Listën e protagonistëve për keq e prin Berisha, i cili, së bashku me familjen e vet, është më i prekuri prej kabllogrameve, dhe disa prej këtyre po mundohen të japin përgënjeshtrime thjesht për audiencën me nivel të ulët kuptimi të punëve të botës. Janë të sigurt se Ambasada vetë nuk do t’i përgënjeshtrojë, ndaj mendojnë se mund të manipulojnë atë pjesë të popullit që s’kupton shumë. Duke bërë kësi lloj përgënjeshtrimesh – se raportet e Ambasadës janë mbështetur mbi gazeta -, Kryeministri fyen jo vetëm Ambasadën, por dhe publikun apo dhe mediat në përgjithësi. Raportet diplomatike nuk janë thjesht reflektim i artikujve të gazetave shqiptare apo thashethemeve që bartin atje një pjesë e politikanëve që frekuentojnë rregullisht Ambasadën. Vetë Berisha e di, por dhe publiku, pavarësisht formimit të vet, duhet ta dijë se raportet e Ambasadës janë një koncentrat gjykimesh, informacionesh, prognozash të verifikuara dhe testuara në disa burime, prej një stafi gjigant jo vetëm diplomatik që qarkullon brenda Ambasadës më të madhe në Shqipëri. Duhet supozuar se vetë Ambasada, kur bëhet fjalë për informacione të mbështetura tërësisht në burime gazetareske, ka përzgjedhur vetëm raportimet serioze mediatike, vetëm prej mediave serioze. Të prekurit prej raportimeve, por dhe të tjerët, duhet të ngushëllohen, madje me raportimet politike të diplomatëve, të cilët shkruhen me njëlloj gjuhe të përmbajtur. Përndryshe, le të mundohen të imagjinojnë se si duhet të jenë raportet e zyrave të tjera brenda Ambasadës.
Së dyti, këto raportime, megjithëse të vonuara, shërbejnë për të çmontuar mitet e krijuara rreth marrëdhënieve të njërit apo tjetrit politikan me SHBA-të. Të gjithë pretendojnë se kanë reputacion të mirë tek amerikanët, por, nga tablotë e pamëshirshme dhe cinike të diplomatëve amerikanë nuk e kanë këtë reputacion, siç shihet nga skaneri i cilësisë së lartë. Edhe njollat më të vogla janë raportuar.
Së treti, nga raportimet, veçanërisht ato që mbështeten mbi biseda krejt normale të diplomatëve me politikanë, kuptohet shumë mbi marrëdhëniet e brendshme të politikanëve me njëri-tjetrin, hasmëritë e tyre etj. Kështu që është krejt e pritshme që WikiLeaks-i, veçanërisht në krahun e djathtë, të sjellë prerje kokash. Berisha nuk mund të tolerojë dikë që e “shet” nëpër ambasada, siç është rasti i realistit Gjergj Bojaxhi.
Ndikimi te mediat
Së katërti, nëse do të bësh një ballafaqim të raportimeve të Ambasadës me raportimet mediatike në kontekstin kohor, do të kuptosh cektësinë e informacioneve mediatike, dobësinë e mediave për të depërtuar në politikën reale dhe diferencën e madhe që ekziston mes dy raportimeve. Nga kabllogramet e WikiLeaks-it, veçanërisht atyre që kanë shkallë të lartë sekreti, del një tablo reale për ngjarje të mëdha të këtyre viteve dhe protagonistët e tyre, siç është ngjarja e Gërdecit, ndërtimi i rrugës Durrës-Kukës, hyrja në NATO e plot afera të tjera.
Së pesti, botimi i këtyre materialeve ngjan si i bërë publik qëllimisht në këtë periudhë, në të cilën ndihet një nevojë e madhe për pastrim të politikës, dhe materialet ngjajnë shumë të dobishme. Por kjo s’ka asnjë gjasë të jetë e vërtetë, sepse njëkohësisht me materialet shqiptare, po botohen dhe materiale nga e gjithë bota. Nëse beson tezën e qëllimshmërisë, do të duhet të mendoje se prapa WikiLeaks-it qëndron një qendër pushteti e përbotshme, e cila, duke respektuar koniunkturat e secilit vend, vendos për kohën kur do të botohen këto materiale. Në një rast të tillë duhet të besosh se kjo qendër pushteti është alternativë e fuqishme e Amerikës dhe ka interesa globale precize.
Ky supozim bie poshtë për një konsideratë të fundit. Mund të duket e vërtetë se botimi i këtyre materialeve kontribuon për t’i dhënë një goditje të fortë Kryeministrit Berisha dhe qeverisë që ai drejton, pas zhvillimit katastrofik të zgjedhjeve dhe kritikave rreth tyre. Por jo, kabllograme kritike të forta ka dhe për opozitën, pra nuk mund të thuhet se ka ndonjë qëllimshmëri apo selektivitet në botimin e tyre. Dhe nëse do të ishte e vërtetë se botimi do të ishte i qëllimshëm, atëherë duhet thënë se ky muaj, saktësisht është periudha më e papërshtatshme. Mediat janë në pushim kryesisht, nuk ka emisione debati ku mund të diskutohej rreth tyre. Njëra palë, pushteti, e ka të vështirë të përdorë materiale të tilla dhe njëlloj dhe opozita, sepse ka materiale për të gjithë. Vetë Ambasada Amerikane nuk përfshihet në diskutime, sepse don që t’i injorojë botimet dhe, për pasojë, shumë prej informacioneve apo gjykimeve në kabllograme nuk marrin fuqinë që kanë prej këtij mosangazhimi amerikan, për herë të dytë. Më në fund, as vetë mediat nuk po luajnë dhe s’mund ta luajnë këtë rol.
Në këto momente ndihet më shumë sesa kurrë nevoja e një force të re politike. Ajo s’do të ishte pjesë e kabllogrameve dhe duke përfituar nga goditja e të dyja palëve, do të afirmohej si forcë e re, e ndryshme, e pasur. Por kjo ngjan vetëm me një utopi, të prodhuar nga WikiLeaks-i në fund të verës.///Panorama

---------- Post added at 20:20 ---------- Previous post was at 20:17 ----------

WikiLeaks: Frika greke nga bashkimi i Kosovës me Shqipërinë

Tiranë, 3 dhjetor - Lufta a Kosovës më 1999 dhe mundësia e krijimit të një Shqipërie të Madhe duket se e ka nervozuar tej mase Athinën zyrtare. Kjo bëhet e ditur nga një raport i Kongresit amerikan, të publikuar së fundmi edhe në Wikileaks, bën të ditur sot e përditshmja “Gazeta Shqiptare”.

Raporti i hartuar më 27 maj të vitit 1999 nga specialistja e çështjeve të jashtme në Departamentin e Shtetit, Carol Migdalovitz, përshkruan situatën në Ballkan gjatë luftës së Kosovës dhe frikën e Greqisë se kjo mund të shkatërrojë ekonominë e vendeve të rajonit dhe nëse një rezolutë për Kosovën mund të mbështetet, nxit edhe mundësinë për krijimin e një Shqipërie të Madhe.

“Greqia i frikësohet një rezolutë për Kosovën në Këshillin e Sigurimit që do të krijonte një shtet të pavarur, por në vetvete do të nxiste krijimin e Shqipërisë së Madhe, që do të destabilizonte rajonin dhe do të provokonte një luftë më të gjerë”, shkruhet në këtë dokument.

Por, sipas këtij raporti të publikuar sot në “Gazeta Shqiptare”, në një tjetër skenar që përshkruhet nga Athina, refugjatët mund të tentojnë të hyjnë në territorin grek dhe në këtë rast do të zmbrapseshin me forcë nga forcat ushtarake, gjë që do të nxiste Turqinë të ndihmonte Shqipërinë në këtë konflikt.

Greqia strehon rreth 400,000 emigrantë shqiptarë dhe do të ishte tepër i ndjeshëm reagimi i tyre ndaj keqtrajtimit të emigrantëve.

To view this content we will need your consent to set third party cookies.
For more detailed information, see our cookies page.

Accept third party cookies

Panorama

---------- Post added at 20:46 ---------- Previous post was at 20:20 ----------

Wikileaks, të tjera dokumente për Shqipërinë

TIRANث- Një sërë dokumentesh publikuar mesnatën e mbrëmshme nga Wikileaks hedhin dritë mbi shumë ngjarje të rëndësishme në vendin tonë dhe informacionin klasifikuar konfidecial që i dërgohej herë pas here Uashingtonit.
Në 6 faqe qe permbledhin qindra kabllograme publikuar ne sitin e Wikileaks gjen të dhëna të shumta që nga situata para e pas zgjedhore e vitit 2009, lufta e bërë për reformën zgjedhore dhe ndryshimet në kod, koalicioni i shpallur në konferencë për shtyp mes kreut te qeverise , Sali Berisha me kreun e LSI-së, Ilir Meta, roli i ish liderit të PS-së, Fatos Nano e deri në të dhëna për ngjarje sociale, si virusi AH1N1, gratë më të pushtetshme në vend, trafiku, migracioni e kështu me radhë.
Reforma zgjedhore
Një pjesë e vecantë në listën e gjatë të informacioneve i kushtohet reformës zgjedhore, ndryshimet në Kodin Zgjedhor pas rënies dakord mes Edi Ramës dhe Sali Berishës, me synim eleminimin e partive të vogla. Në një dokument në prillit 2009 pasqyrohen përpjekjet e bëra nga kreu i LSI-së, Ilir Meta, që kundërshtoi ashpër kodin, duke hyrë me disa deputetë edhe në grevë urie në sallën e parlamentit.
“I sigurtë se kjo reformë nuk do të mund të eleminojë partinë e tij, Ilir Meta me ambicjen e fortë politike e ka drejtuar atë drejt gjetjes së mundësive për të shfrytëzuar reformën zgjedhore për përfitime të mundëshme”- thuhet në pjesën e raportit që jep të dhëna për këtë cështje.

Buxheti për zgjedhjet
Në raportin dërguar në 8 prill të vitit 2009, të titulluar “Shqipëria ecën në një litar të tendosur financiar” raportohet se Shqipëria po kalon një situatë të rrezikshme financiare për shkak se kriza ka goditur të ardhurat, ndërsa qeveria nuk heq dorë nga shpenzimet e larta para zgjedhjeve. Fjalet jane ne goje te ish ambasadorit John Withers, sipas te cilit “Berisha duket i gatshëm të rrezikojë gjithçka për t’u rizgjedhur. Mënyra e vetme që kjo situatë të menaxhohej në mënyrë të rrezikshme do të ishte sikur ai të ishte me sy të mbyllur, edhe pse disa mendojnë se është sakaq. Megjithatë në të kaluarën qeveria ka treguar një aftësi të çuditshme për të evituar katastrofat edhe pse në minutat e fundit”.

Roli i ish kryeministrit Fatos Nano
2008-02-27 15:23
Në pjesën e raportuar të kësaj date vlerësohet roli i ish-kryeministrit Fatos Nano në politikën shqiptare si i është debatuar gjerësisht, veçanërisht që nga rënia e tij nga Kryeministër dhe dorëheqja si kryetar i Partisë Socialiste (PS) në vitin 2005.
“Marrja e kreut te PS nga Edi Rama Kryebashkiak i Tiranës dukej e pazakonte në atë kohë për njeriun me ambicie politike, qe ishte dhe pritet te jete përsëri. Deri tani synimet e tij politike nuk janë qartësuar, dhe veprimeve te tij u mungon që nga viti 2005 kohezioni. Disa besojnë se ai ka zhvendosur vëmendjen e tij në biznes dhe interesat personale para të politikës, të tjerët presin që ambicia e tij politike mbetet e fshehte, dhe ai pret vetëm për një mundësi të kthehet dukshëm në skenën kombëtare. Flirtet e fundit të Nanos me Lëvizjen Socialiste për Integrim (LSI), Kryetari dhe ish-kryeministri Ilir Meta kane mbushur Tiranen me spekulime se rikthimi i tij është gati të fillojë. Sigurisht, disa këtu besojnë se ai ka bere mire qe është larguar nga skena politike”- thuhet në raport.
Në fund komentohet shtrëngimi i duarve mes Nanos e Berishës.”Takimi mund të ketë arritur një qëllim afat të shkurtër”- thuhet në të. ” Shtrengimi publik i duarve mes Nanos dhe Berishes gjatë bojkoti ne zgjedhjet 2006-7 nuk shihej si kthimin triumfues të një burrë shteti që Nano priste”

Gara në zgjedhje
Në një tjetër dokument dërguar vetëm 9 ditë përpara ditës së zgjedhjeve shkruhet:
“Gara është shumë e ngushtë. Pavarësisht se PD ka avantazh në para dhe perceptimin e forcës, sondazhet e paraqesin afër barazimit. Ndërsa strategjia e PS-së është të përfitojë nga gabimet e Berishës siç është tragjedia e Gërdecit, skandalet e korrupsionit dhe mbështetja që gëzon e majta për t’ja rritur shanset e fitores”.
“Megjithatë vërehet një plan i PS-së për një bojkot të mundshëm të komisioneve elektotorale që do të çojë në paralizimin e proçesit, në ambasada e kemi bërë të qartë tek PS se një veprim i tillë nuk do të mirëpritet sikurse edhe nga komuniteti ndërkombëtar”.

LSI, koalicioni me Berishen
2009-07-06 14:37
Në një konferencë shtypi më 4 korrik, kreu i LSI Ilir Meta njoftoi vendimin e tij për të pranuar ftesën e Sali Berishës për tu bashkuar në një koalicion me PD e Berishës. Shtator. Shtimi i katër votave të LSI për 70 të PD-së, ose 71 (varet nga tabela përfundimtare e votave) do të bëjë të paktën 74/75 vota favor të Berishës si PD (71 vota janë të nevojshme për të miratuar PM).
Meta e përshkroi vendimin për t’u bashkuar forcat me PD si “më të vështirin e karrierës së tij politike, dhe tha se ai mbetet një socialist, por shtoi se ai do të bashkojnë forcat me Berishën “për hir të integrimit të Shqipërisë “. Në një intervistë me Zërin e Amerikës, Meta tha se ai kishte hedhur poshtë një ofertë për të hyrë në një koalicion me kreun e PS Edi Rama, duke pretenduar se PS kishte blerë votat e deputetëve. Shpallja koalicionit nga ana e Metës zuri shumë vëzhgues në befasi, shumica e të cilëve e kishte supozuar se socialist gjatë gjithë jetës kurrë nuk do të nënshkruanin një marrëveshje me Berishën.
Berisha ne Parlament, shperthimi ndaj Balles
08 Tirana 585 / 2008-08-01
Ne nje dokument me vete raportohet per ngjarjen ne Kuvend, te dates 23 shkurt të vitit 2008, ku Berisha fyeu dhe më pas kërcënoi deputetin e PS-se, Taulant Balla. Gjuha specifikohet e rnde ne terma përdhosës. “Megjithëse shpërthimi i Berishës nuk është asgjë e re, kjo retorikë nga kryeministri ka shokuar edhe klasën politike më të fortë dhe median. ‘Siklet dhe turp’, këto janë reagimet më të dëgjuara. “Të bërtiturat e Berishës, shtuan edhe spekullimet se presioni në rritje, pas Gerdecit dhe në prag të zgjedhjeve të ardhshme parlamentare, më në fund e kanë zënë ngushtë Berishën”- thuhet ne fund te raportit ne pjesen e komentit.///Panorama

Pe: WikiLeaks për Shqipërinë !

Wikileaks nxjerr në ankand sende personale të Asanzh



TIRANE-Wikileaks nxjerr në ankand në eBay disa sende personale të themeluesit të saj, Xhulian Asanzh për të mbledhur fonde. Mes objekteve në shitje eshte nje kompjuter laptop i përdorur nga superhakeri, i njohur për përhapjen në media të kabllogrameve sekrete të Pentagonit dhe të diplomacisë në të gjithë botën, mes se cilës edhe asaj amerikane në Shqipëri.
Po kështu ndër sendet e nxjerra në ankand janë edhe forografi të autografuara të Asanzh në arrest shtepie, që fillojnë nga një cmim prej 800 dollaresh. Ndërsa për fansat më të zjarrte të Asanzh, në ankand eshte edhe qesja e kafese se burgut londinez ku themeluesi i Wikileaks qëndroi i mbyllur pas arrestimit me akuzen per dhune seksuale ne Suedi, përpara se të lirohej me kusht ne dhjetor të vitit te kaluar. Sipas analistëve ky ankand konfirmon veshtiresise financiare net e cilat ndodhet aktualisht ëebsajti i famshem Wikileaks, që tronditi diplomacine boterore duke publikuar mijëra mesazh të diplomatëve amerikane nëpër botë mes se cilave edhe qindra mesazhe te ambasades amerikane ne Tirane.

(d.b/News24/BalkanWeb)

---------- Post added at 14:33 ---------- Previous post was at 14:30 ----------

WikiLeaks: Në Shqipëri policia 'preferon' ryshfetet




TIRANث- Në Shqipëri korrupsioni është fenomeni më i përhapur dhe punonjësit në shumë sektorë të zbatimit të ligjit; si policia apo ushtria, "preferojnë" ryshfetet. Kështu theksohet në një kabllogram të ambasadës amerikane në Tiranë dërguar në Departamentin e Shtetit më 27 shkurt 2009.

Në këtë kablogram theksohet se në vend ka katër grupe fetare që teorikisht mund të nxisin demostrata kundër interesave amerikane. Këto janë grekët, egjiptianët, vllehët dhe romët. "Por, meqënëse Shqipëria ka një histori të gjatë të tolerancës ndërfetare dhe të gjithë shqiptarët thuajse janë proamerikanë, mundësia e këtyre protestave është shumë e largët", thekson mesazhi.

Sa i përket situatës politike, ajo është e tensionuar dhe në vend ka patur protesta kundër qeverisë të organizuara nga partitë e opozitës si dhe organizatat me prirje të majta.

KORRUPSIONI
Ndërkohë, sa i përket punonjësve të zbatimit të ligjit në vend, mund të themi se ata janë ekstremist të tërhequr nga rryshfetet, kjo për shkak se burimet e tyre dhe pagat janë tepër të ulëta këtu. "Paga mesatare e një polici është 250 dollarë dhe kjo bëhet shkak që nisë tradita e ryshfeteve", thekson kablogrami. Nga ana tjetër efektiviteti i trajnimeve të specializuara apo progresit cënohet nga qeveria e Shqipërisë dhe Ministria e Brendshme që shkarkojnë apo transferojnë vazhdimisht ata punonjës që janë trajnuar apo specializuar. Megjithatë, thekson kablogrami, në vend vazhdon trajnimi i forcave të policisë dhe të ushtrisësi dhe ndihma e SHBA-së për këto kategori. Policia e shtetit shqiptar shqiptar bashkëpunon me FBI në një task force që është ngritur tetë muaj më parë; ky mekanizëm ka ndihmuar edhe në arrestimin e tre shtetasve shqiptarë që ishin në SHBA dhe kërkoheshin nga autoritetet vendase.

NDIHMA
Mesazhi diplomatik thekson se sipas programit të ndihmës së SHBA-së për anti-terrorizmin, në fund të viteve '90 janë dëbuar nga vendi organizatat e afërta me Xhihadin Islamik Egjiptian si dhe grupet mbështetëse të Al-Kaedës. Në vend ka ende elementë radikalë dhe ato po monitoprohhen nga autoritetet lokale, thuhet në kablogram. "Irani është përpjekur disa herë të nënshkruajë marrëveshje me Shqipërinë si dhe të shtrijë interesat e tij në këtë vend, por pavarësisht nga këto përpjekje të shumta, një gjë e tillë nuk ka qenë e mundur", thuhet në mesazh. Në përshkrimin e ambasadës amerikane theksohet edhe se armët dhe eksplozivët është e lehtë të gjenden në Shqipëri si dhe në vendet fqinje me të.
(e.m/GSH/BalkanWeb)

Pe: WikiLeaks për Shqipërinë !

Paska fillu me i shit gjerat personale. Nuk eshet cudi se edhe per biznes e kishte hapur kete pse mos dishka tjeter. Se wikileaks eshte thjeshte nje biznes me autorizimin e SHBA-se kjo nuk do edhe shume emnd.

Pe: WikiLeaks për Shqipërinë !

Wikileaks: Arjan Selimi trafikoi në SHBA 1 ton marijuanë

TIRANث- Në një telegram të Ambasadës Amerikane të publikuar pak kohë më parë nga ثikileaks, përmendet Arjan Selimi dhe rasti i dhunimit të tij nga polica, duke i vënë theksin artikujve të publikuar në mediat e vendit për nisjen e hetimit për këtë rast.

Në këtë telegram që mban datën 02/06/2006, ambasadorja Ries shkruan se Selimi kërkohej nga SHBA-ja për trafikimin e 1 ton marijuane.

“Media shqiptare ka raportuar gjerësisht mbi aludimet se policia ka keqtrajtuar një të dyshuar për trafik ndërkombëtar droge dhe një të arratisur nga drejtësia e Shteteve të Bashkuara. Më 19 maj 2006, Armando Andoni, (i lindur më 09 qershor 1974, i njohur edhe si Arjan Selimi apo Brian Foster Byrke), një i arratisur që kërkohet nga Shërbimi i Marshallëve të SHBA-së, u dërgua para një gjykatësi shqiptar për t’i marrë shenjat e gishtave, në mënyrë që të konfirmohej identiteti i tij”,- thuhet në kabllogramin e ambasadës amerikane.

Media raportoi se në përpjekje për të shmangur marrjen e shenjave të gishtave, Andoni bëri përpjekje që tëshmangte një akt të tillë dhe për këtë arsye ai u konfrontua me policët. Andoni i rezistoi me dhunë zhvendosjes nga qelia.

“Shënim: I lindur në Shqipëri, Andoni dhe familja e tij u vendosën në SHBA në vitin 1986. Më 1998-ën, Andoni u arrestua në Miçigan për shpërndarjen e afërsisht 1 mijë kg marijuanë. I liruar me kusht, ai u arratis nga SHBA-ja. Pasi u kthye në Shqipëri, ai mori emrin Arjan Selimi”,- thuhet në materialin e bërë pubik nga Wikilekas.

Më 22 maj, grupi shqiptar i të Drejtave të Njeriut lëshoi një deklaratë publike, për të denoncuar aktin e dhunës që e karakterizoi si dhunim të të Drejtave të Njeriut. Nga hetimet doli se plagët e Andonit nuk mund të ishin vetëshkaktuar, siç ishte sugjeruar nga policia.

Ndërkohë në kabllogramin e ambasadës amerikane flitet edhe për vido skandalin që i ndjeri Arjan Selimi regjistroi me të dahurën e tij Inis Gjoni, ku ciofti shfaqej i zhveshur duke thithur kokainë.
(e.m/GSH/BalkanWeb)