Loyalty
Anëtar i Nderuar
Ky terminal është parashikuar që të ndërtohet në qytetin bregdetar të Vlorës. Së bashku me portin është parashikuar që të zhvillohet edhe një park industrial. Projekti, vlera e të cilit arrin në 1.2 miliardë euro, është realizuar nga një konsorcium anglo-zviceran dhe amerikan, i cili është divizioni i kompanisë "Zumax AG", me bazë në Zvicër. Gjatë prezantimit të këtij projekti ishin të pranishëm kreu i qeverisë, Berisha, si dhe ministri Ruli dhe Olldashi. Me realizimin e këtij projekti synohet që nëpërmjet këtij porti, Vlora të shndërrohet në pikën më të rëndësishme tranzit për import-eksportin e mallrave me vendet e rajonit. Gjatë prezantimit të këtij projekti, kreu i qeverisë Berisha u shpreh mjaft optimist për këtë projekt. Madje, sipas tij, zbatimi i këtij projekti do ta shndërrojë Vlorën në një nga qendrat më të fuqishme detare të Mesdheut, por dhe zonën e lirë në një nga gjeneratorët më të mëdhenj të zhvillimit të Shqipërisë. "Brenda një afati të shkurtër do të sjellim në Vlorë autostradën me 4 korsi dhe qeveria do të ndërmarrë të gjitha masat në funksion të portit dhe zonës së lirë, do të përshtatë të gjithë infrastrukturën hekurudhore dhe rrugore për të lehtësuar sa më shumë transportin", tha Kryeministri Berisha.
Projekti
Projekti parashikon ndërtimin e një terminali me kapacitet prej më shumë se 3 milionë kontenjerë në vit. Ai do të shërbejë si një port tranzit dhe import-eksport për rajonin, duke ofruar gjithashtu hyrje efikase për në det për komunitetin lokal. Zona e lirë do të ofrojë lehtësira dhe shërbime për të mbështetur zhvillimin e industrisë së lehtë në Vlorë. Ndërkohë pas miratimit paraprak pritet të fillojë faza tjetër për kryerjen e një studimi të plotë fizibiliteti. Nëpërmjet ndërtimit të këtij porti, Vlora ka mundësi të bëhet një portë e madhe për Ballkanin dhe rajonin e Evropës Lindore, gjithashtu edhe një qendër transferimi të kontenjerëve për të gjithë zonën. Porti ka mbrojtje të mirë natyrore nga lindja dhe jugu, ndërsa në perëndim ka ishullin e Sazanit, rreth 4.5 milje detare larg vendit, ku propozohet ndërtimi i terminalit të ri. Duke pasur parasysh rëndësinë thelbësore të transportit për arritjen e një zhvillimi ekonomik dhe forcimin e stabilitetit të Bashkimit Evropian, ekspertë të kësaj kompanie theksuan se SHBA dhe palët e tjera të interesuar janë duke promovuar konceptin e vendosjes së një numri të madh korridoresh të transportit, që lidhin qendrat kyçe midis Adriatikut dhe Detit të Zi. Madje, ata theksuan se një nga këto është Korridori i Tetë, i cili do të lidhë Shqipërinë dhe në veçanti portet e Durrësit dhe të Vlorës me portet e Detit të Zi, Burgas dhe Varnas.
Panorama
Projekti
Projekti parashikon ndërtimin e një terminali me kapacitet prej më shumë se 3 milionë kontenjerë në vit. Ai do të shërbejë si një port tranzit dhe import-eksport për rajonin, duke ofruar gjithashtu hyrje efikase për në det për komunitetin lokal. Zona e lirë do të ofrojë lehtësira dhe shërbime për të mbështetur zhvillimin e industrisë së lehtë në Vlorë. Ndërkohë pas miratimit paraprak pritet të fillojë faza tjetër për kryerjen e një studimi të plotë fizibiliteti. Nëpërmjet ndërtimit të këtij porti, Vlora ka mundësi të bëhet një portë e madhe për Ballkanin dhe rajonin e Evropës Lindore, gjithashtu edhe një qendër transferimi të kontenjerëve për të gjithë zonën. Porti ka mbrojtje të mirë natyrore nga lindja dhe jugu, ndërsa në perëndim ka ishullin e Sazanit, rreth 4.5 milje detare larg vendit, ku propozohet ndërtimi i terminalit të ri. Duke pasur parasysh rëndësinë thelbësore të transportit për arritjen e një zhvillimi ekonomik dhe forcimin e stabilitetit të Bashkimit Evropian, ekspertë të kësaj kompanie theksuan se SHBA dhe palët e tjera të interesuar janë duke promovuar konceptin e vendosjes së një numri të madh korridoresh të transportit, që lidhin qendrat kyçe midis Adriatikut dhe Detit të Zi. Madje, ata theksuan se një nga këto është Korridori i Tetë, i cili do të lidhë Shqipërinë dhe në veçanti portet e Durrësit dhe të Vlorës me portet e Detit të Zi, Burgas dhe Varnas.
Panorama
