Tre tutorëve, të cilët u arrestuan ditën e djeshme, në kuadër të një operacioni kundër prostitucionit.
Në pranga ranë 7 persona, mes tyre edhe dy vajza, që shfrytëzoheshin për prostitucion.*Tre prej të arrestuarve kishin rolin e tutorëve, dy të tjerë janë klientë.
Oficerët e Seksionit Kundër Trafiqeve të Paligjshme kishin nisur një procedim rreth 9 muaj më parë dhe duke përdorur metodat speciale të hetimit, bënë të mundur dokumentimin e veprimtarisë së jashtëligjshme.
Burime zyrtare të Policisë thanë se rrjeti drejtohej nga shtetasit Nik Gjonikaj, 48 vjeç, i dënuar më parë për prodhim të lëndëve narkotike, Besnik Manka, 35 vjeç, dhe Bledian Nurja, 32 vjeç.
Forcat e Policisë ndërhynë të mërkurën, rreth orës 21:00, në një prej moteleve në afërsi të Vaqarrit, duke arrestuar në flagrancë dy vajzat që po ushtronin prostitucion, Aureta B., 27 vjeçe, e Domenika D., 23 vjeçe, si dhe dy klientët, Melsi M., 52 vjeç, e Hajredin S., 37 vjeç.
PROSTITUCIONI
Sipas hetimeve që ka kryer Policia e Tiranës, dyshohet se Nik Gjonikaj në bashkëpunim me Besnik Mankën dhe Bledian Nurjën, sipas porosive të klientëve me qëllim prostitucioni siguronin vajza të moshave të ndryshme për këtë aktivitet kriminal kundrejt pagesës.
Besnik Manja
“Më datë 23 mars, në orën 21:00, u dokumentua që shtetasit e mësipërm kanë ndërmjetë- suar që shtetaset Domenika D. dhe Aureta B. të ushtronin prostitucion me shtetasit Melsi M. dhe Hajredin S.”, thuhet zyrtarisht nga Policia e kryeqytetit.
Burimet thanë se pagesa për çdo rast prostitucioni varionte nga 100 euro ora deri në 300 euro për qëndrim për një kohë më të gjatë me një klient. Kishte raste që një vajzë ushtronte prostitucion me 3 klientë të ndryshëm brenda natës.
Bledian Nurja
Ndërsa paratë ndaheshin me tutorët e tyre. Dy vajzat e arrestuara dje për ushtrim prostitucioni jetonin bashkë në një apartament të marrë me qira në Tiranë.
Njëra rezulton të jetë jetime dhe nuk ka as vëllezër e motra. Ndërsa vajza tjetër është nga një fshat i Elbasanit. Atje jetojnë edhe prindërit dhe dy motrat e saj, ndërsa vetë e arrestuara kishte disa muaj që ishte larguar nga shtëpia dhe jetonte në kryeqytet.
HOTELET
Deri tani Policia e Tiranës ka identifikuar disa hotele dhe motele që frekuentoheshin më shpesh nga dy vajzat e arrestuara për prostitucion.
Nik Gjonikaj
Këto vende siguroheshin nga tre tutorët nëpërmjet njohjeve që ata kishin. Zonat ku ndodhen këto hotele janë në periferi të Tiranës, si në Vaqarr dhe në Sauk, por në pjesën më të madhe të rasteve prostitucioni kryhej në hotele që ndodhen në zonën e ish-Bllokut.
Burime nga Policia thanë se ka nisur një procedim penal edhe ndaj pronarëve të këtyre hoteleve, me akuzën e vënies në dispozicion të ambienteve për ushtrim prostitucioni.
ETLEVA DELIA
*
Gazeta Panorama.
