Një ngjarje e rëndë ka ndodhur në kryeqytet gjatë orëve të pasdites së të dielës, ku babai ka qëlluar me thikë dy vajzat e tij, njëra prej të cilave ka ndërruar jetë.
Burime paraprake nga policia e Tiranës bëjnë të ditur se ngjarja ka ndodhur në rrugën “Jordan Misja”, ku Kujtim Ibraj, ka plagosur me thikë dy vajzat e tij, E.I, dhe Elidona Ibraj, 17 vjeçe, e cila ka ndërruar jetë në spital. Nga të dhënat e para, autori i krimit dyshohet se ka qenë në gjendje të dehur.
Policia ka arrestuar babain vrasës, ndërsa është ende duke punuar për të zbardhur shkaqet e këtij krimi të rëndë në familje.
/ Top Channel
