Katër fëmijë janë prekur kohët e fundit nga virusi HIV/AIDS. Kështu ka raportuar gjatë një konference për mediat Instituti i Shëndetit Publik. Gjatë komunikimit, specialistja e Programit Kombëtar të HIV/AIDS-it, Marjeta Dervishi, ka dhënë dhe statistikat e plota. Sipas këtyre të dhënëve, në Shqipëri rezultojnë 26 fëmijë të prekur nga SIDA, ku 20 prej tyre e kanë marrë virusin nga nëna gjatë lindjes, ndërkohë që 6 prej tyre nga transfuzioni i gjakut.
“Dy prej fëmijëve janë talasemike dhe e kanë marrë virusin sepse i nënshtroheshin transfuzionit të gjakut gjatë gjithë kohës, pra janë politransfuzuar. Në rastet e tjera janë diagnostikuar prindërit, të cilët kanë rezultuar negativë ndaj virusit, dhe kjo do të thotë që ata janë infektuar gjatë jetës të tyre. Këto raste janë diagnostikuar vonë, dhe kjo tregon që vite më përpara, për shkak të problemeve që kanë pasur kanë marrë ose plagën, ose gjak, prandaj klasifikohen si të infektuar nga transfuzioni i gjakut. Ne hapim kartelat dhe shikojmë se kur dhe si e ka marrë gjakun, por është e padiskutueshme që e kanë marrë përmes gjakut, pasi prindërit rezultojnë negativë”,- u shpreh në një prononcim për Gazetën, specialistja e Institutit të Shëndetit Publik dhe pjesë e Programit Kombëtar të HIV/AIDS-it, Marjeta Dervishi.
Me tej, Dervishi ka raportuar se në total janë 513 raste të identifikuara HIV pozitiv, 70 % e të cilëve janë meshkuj dhe 30 % janë femra. Gjithashtu ajo thekson se rasti i parë HIV pozitiv në Shqipëri u identifikua në vitin 1993./albobserver.
“Dy prej fëmijëve janë talasemike dhe e kanë marrë virusin sepse i nënshtroheshin transfuzionit të gjakut gjatë gjithë kohës, pra janë politransfuzuar. Në rastet e tjera janë diagnostikuar prindërit, të cilët kanë rezultuar negativë ndaj virusit, dhe kjo do të thotë që ata janë infektuar gjatë jetës të tyre. Këto raste janë diagnostikuar vonë, dhe kjo tregon që vite më përpara, për shkak të problemeve që kanë pasur kanë marrë ose plagën, ose gjak, prandaj klasifikohen si të infektuar nga transfuzioni i gjakut. Ne hapim kartelat dhe shikojmë se kur dhe si e ka marrë gjakun, por është e padiskutueshme që e kanë marrë përmes gjakut, pasi prindërit rezultojnë negativë”,- u shpreh në një prononcim për Gazetën, specialistja e Institutit të Shëndetit Publik dhe pjesë e Programit Kombëtar të HIV/AIDS-it, Marjeta Dervishi.
Me tej, Dervishi ka raportuar se në total janë 513 raste të identifikuara HIV pozitiv, 70 % e të cilëve janë meshkuj dhe 30 % janë femra. Gjithashtu ajo thekson se rasti i parë HIV pozitiv në Shqipëri u identifikua në vitin 1993./albobserver.