LeVoyageur
Once upon a time...
Entela Resuli
Kaos ndërtesash, asfiksi, klaustrofobi, mungesë e theksuar rregulli…
Nëse nuk e keni parë qytetin ku jetoni me këtë sy, sepse jeta juaj është intensive, e vrullshme apo ndoshta ju ecni vetëm me makinë, nëpërmjet një foto-reportazhi, Dita po ju tregon kryeqytetin të fiksuar në disa kënde të ndryshme.
Askush nuk duket të ketë patur mëshirë për hapësira publike, për kodra, për fusha e parqe.
اdo tokë boshe afër rrugëve ekzistuese eshte pare si mundësi për ndërtimin e një pallati. Por nuk mbaron me kaq. Ndërtime pa leje, shtesa katesh, zgjerime anësore dhe vertikale vazhdojnë pas përfundimit të godinave.
Babëzia dhe keqtrajtimi që i është bërë qytetit të bën të ndihesh fatkeq që je banor i tij.
Kodra e Diellit, një masakër urbane
“Kodra e Diellit” është lagjja më e re në kryeqytet e cila është zhvilluar e gjitha pas vitit 2000.
Siç shihet edhe nga këto foto ajo është një masakër urbane. Nëse çdo gjë mund të rregullohet, kjo pamje duket e pashpresë.
Eshte dhe e rrezikshme. Te gjitha keto ndertime jane ne koder.
Pa dashur të vëmë gishtin te njëri apo tjetri drejtues lokal i Tiranës, atij që do të vijë në Bashki pas 21 qershorit mund t’i themi se do të mbahej mend për mirë nëse do shpëtonte sadopak hapësirë publike në këtë qytet.
Tirana e sotme më shumë i ngjan një fjetoreje se sa një metropoli.
Kthinat që kanë marrë këto ndërtime, pranë e pranë njëra-tjetrës, duken si pemë që rriten lirisht në xhunglat e Amazonës.
Nëse ndodh larg qoftë të të bjerë ndonjë zjarr, apo të ketë dikush nevojë për ambulancë, zor se këto mjete mund të mbërrijnë deri në hyrje të pallatit.
Për respektimin të rregullave të hapësirës nga ndërtimi në ndërtim, as që bëhet fjalë.
“Gjendja e përgjithshme emocionale e qytetarëve është shumë afër tejngopjes”
Si përkthehet kjo në cilësinë e jetës që bëjmë?
Një psikologe klinike, Flavia Shehu thotë për DITA:
“Të jetosh në zona urbane si këto ndikon gjithë konstruksionin tonë psikik. Për një mori shkaqesh, pjesa më e madhe e qytetarëve po tentojnë të shkojnë drejt një izolimi, gjendje kjo, e cila i orienton më pas drejt gjendjeve emocionale negative dhe të paqëndrueshme”.
Flavia Shehu, psikologe
Flavia Shehu, psikologe
Shehu mendon se ne kërkojmë “strehëza mendore” për t’iu shmangur psikikisht kësaj pamjeje, dhe kjo, sepse e shohim të pamundur që të zhbëjmë ndërtesat shumëkatëshe.
Kaosi urban ka ndikuar deri mënyrën se tiranasit sillen apo ecin në rrugë; jane vazhdimisht te gatshem per konflikt dhe përpiqen të “vrapojnë” për në destinacion duke gjetur skuta ku të kalojnë. Ata nuk e “banojnë” dot rrugën, gjë që është plotësisht e drejta e tyre.
Pamundësia për të përdorur hapësirën e përbashkët që mungon ka dëmtuar edhe shoqërizimin e qytetarëve apo e thënë ndryshe, kohën cilësore që një grup qytetarësh mund të kalojnë me njëri-tjetrin në hapësirat publike të qytetit.
Ballkonet ngjitur dhe gjithcka tjeter na bën të privohemi edhe nga relaksimi në ambientet e shtëpisë”- shpjegon psikologia Shehu.
Sipas psikologes, rrethana të tilla jetese ia pamundësojnë njeriut të ndjehet i qetë dhe produktiv duke e larguar nga streset e përditshme të cilat gradualisht e shkatërrojnë emocionalisht e më pas mendërisht”. / DITA