Tensione te Bregu i Lumit, ish-deputetët përplasen me policinë, efektivi kap për fyti Klevis Balliun

[h=1]Tensione te Bregu i Lumit, ish-deputetët përplasen me policinë, efektivi kap për fyti Klevis Balliun[/h]

Përplasje të forta janë shënuar ditën e sotme mes banorëve të Bregut të Lumit, ish-deputetëve të opozitës dhe policisë.

Mësohet se policia ka goditur ish-deputetët e opozitës, Klevis Balliu dhe Endrit Braimllari.

Deputetë të opozitës kanë shkuar në zonë për të mbështetur banorët, ndërsa si “arkitekt” dhe porositës të dhunës etiketojnë kryeministrin, Edi Rama. Ish-deputeti i PD-së, Klevis Balliu tha se banditët me uniformë po dhunojnë barbarisht qytetarët.

“Kam qenë këtu diku nga ora shtatë. Banorët na informuan për dhunën makabre. Shefi i komisariatit Agim Hoxha ka ushtruar dhunë ndaj banorëve. Rast i paprecedent, policia luan rolin e mercenarëve. Policia godet zonja dhe fëmijë. Qytetarët nuk duhet të rrinë në pritje, por duhet t’i sulmojnë. Të dënohen këto banditë të veshur me uniformë siç është Agim Hoxha”, tha ai.

[h=1]Përplasja te “Bregu i Lumit”, shpërthen Veliaj: Bulevardi i Ri po pengohet nga të fortët e politikës[/h]


Kryetari i Bashkisë së Tiranës Erion Veliaj komentoi edhe përpjekjet e opozitës për të bllokuar ndërtimin e Bulevardit të Ri, që do të jetë boshti i asaj që nesër do të quhet Tirana e së ardhmes. Duke folur në konferencën “Smart City Solution, Veliaj deklaroi se politikanët e llastuar dhe të fortët e politikës shqiptarë nuk mund të bllokojnë ndryshimin.

“Ju e dini fare mirë, ky është një qytet që ka vështirësitë e veta. Teksa flasim, po ecim me punimet për tek piazza e fundit e Bulevardit të Ri, por ka ende fëmijë teveqelë e te llastuar politikanesh dhe të fortësh të politikës shqiptare, që i bëjnë rezistencë ndryshimit, por ndryshimi do vijë. Edhe i paevitueshëm. Në mos do e sjellim ne, do e sjellë dikush që vjen pas nesh. Po më mirë ta sjellim ne që e kemi në dorë, sesa t’ia lëmë gjithmonë si gjobë një gjenerate tjetër”, tha Veliaj.

Kreu i Bashkisë u shpreh se kryeqyteti është i destinuar që të rritet. “Duam apo s’duam ne, në të gjithë botën, përfshirë dhe Hungarinë, dhe Shqipërinë, dhe Ballkanin, dhe Europën Qendore, dhe çdo vend tjetër, ka një tendencë nga periferia për në qendër.

Pra njerëzit në periferi të Shqipëri duan të vijnë të gjithë në Tiranë, njerëzit në Ballkan që është periferi e Europës duan të shkojnë më në qendër të Europës. Kështu që kemi dy mundësi, ose na kaplon histeria për këto lëvizjet demografike, ose themi ky është një realitet të kohëve tona moderne të cilët ne duhet ta përballim, dhe hajde të mësojmë nga më të mirët”, tha ai teksa shtoi se nuk mund të ndërtohen dot mure brenda qyteteve tona.

Ky quni i babakes me ha buken
mengjes
drek
darke.

I'a ka rremby flamurin Flamur Nokes ky ?

Degjenerim,se dikur keshtu bente e Saimir Tahiri me forcat e policise,para se te behej minister. :djalli: