Telegram-i bllokon 78 kanale të ISIS-it

Telegram, platforma e mesazheve e përdorur nga ISIS-i për të marrë përsipër sulmet e Parisit dhe shpërthimin e avionit rus në Sinai, ka njoftuar mbylljen e 78 kanaleve publike që çonin te Shteti Islamik. Këto kanale i lejonin një përdoruesi që t’i dërgonte mesazhe ndjekësve të tij.

“U mërzitëm kur mësuam se Telegrami përdorej nga ISIS-i për të shpërndarë propagandën e tij. Këtë javë kemi bllokuar 78 kanale të lidhura me ISIS-in në 12 gjuhë”, lexohet në komunikatën e shoqërisë.

Telegram, me seli në Berlin, por që është krijuar dy vite më parë nga themeluesit e rrjetit social rus VK, është një alternativë për aplikacione të tjera mesazhesh më të famshme si WhatsApp.

Titulli: Telegram-i bllokon 78 kanale të ISIS-it

Në qytetin Dair zour të Sirisë ushtarët e kësaj organizate kanë filluar të plagosin veten qëllimshëm në mënyrë që ata të lirohen nga shërbimi në këtë organizatë.

Sipas mediave të huaja kjo dukuri më shumë është e shprehur tek ushtarët e huaj që janë pjesë e kësaj organizate dhe duke mos gjetur formë tjetër të ikjes nga kjo organizatë, disa prej tyre e kanë plagosur veten në mënyrë që të gjejnë arsyetim për mos dalje në betejë.

Aktivisti i njohur kundër kësaj organizate Mujahid Shami, i cili njihet si themelues i zërit kundër ISIS-it, ka bërë të ditur se kjo organizatë është në fillet e saj të shpërbërjes në këtë qytet, transmeton Foltash.com