Shiko fotografinë 1917261
Teknologjia cloud i referohet shpërndarjes së burimeve teknologjike, sipas kërkesës, përmes internetit. Gjatë COVID-19, teknologjia cloud u bë një mjet shpëtimi për qeveritë që kishin nevojë të ofronin shërbime urgjente përmes linjave të urgjencës, arsimit në internet etj.
Me teknologjinë cloud, qeveritë mund të marrin teknologji nga ofruesit e cloud sipas nevojës dhe shpejt t’i përgjigjen nevojave të qytetarëve të tyre pa pasur nevojë të blejnë dhe mirëmbajnë qendrat e tyre të të dhënave dhe serverat.
COVID-19 i detyroi qeveritë në të gjithë botën të ofrojnë shërbime publike jetike në mënyra të pa provuara më parë dhe të eksperimentojnë me teknologjitë digjitale në një shkallë të paparashikuar. Ndërsa qytetarët iu drejtuan ofruesve të tyre të kujdesit shëndetësor publik, institucioneve arsimore dhe organizatave të tjera të sektorit publik për ndihmë gjatë krizës, ata shpesh u përplasën me sistemet të mbingarkuara dhe të vjetruara të TI-së. Sidoqoftë, shumë ofrues të shërbimeve publike u përshtatën shpejt me këtë kërkesë për ndihmë dhe informacion dhe zbatuan zgjidhje inovative që i ndihmuan njerëzit të aksesonin burimet kritike.
Shërbimet Ueb të Amazon (AWS) sigurojnë shërbime cloud për organizatat e sektorit publik në të gjithë botën dhe dëshmuan të parët se si mund të ngrihesh përpara kësaj sfide. Pandemia shkaktoi risi në sektorin publik në formën e ideve të vogla dhe transformimeve në shkallë të gjerë. Megjithëse këto ishin rezultat i një emergjence, shumë prej këtyre ideve kanë potencialin të ndikojnë në ndryshime të qëndrueshme përtej krizës. Ky është veçanërisht rasti për zgjidhjet e sektorit publik të ndërtuara në cloud.
Termi “cloud computing” i referohet shpërndarjes sipas kërkesës të burimeve teknologjike përmes internetit me pagesë. Në vend të blerjes, zotërimit dhe mirëmbajtjes së qendrave dhe serverave të tyre të të dhënave, organizatat mund të marrin teknologji nga ofruesit e cloud sipas nevojës. Kjo i lejon një organizate të aksesojë shpejt burimet, nga serverat te shërbimet e të mësuarit makinerik, sipas kërkesës, të cilat mund të ulin kostot dhe të përshpejtojnë ritmin e inovacionit të një organizate.
Shembujt e mëposhtëm ofrojnë një paraqitje të shkurtër të teknologjive cloud që mund të vazhdojnë të përdoren në të gjithë sektorin publik ndërsa bota kthehet në normalitet.
Linjat urgjente të qytetarëve të mbështetura në cloud
Edhe në epokën e mesazheve, shumë njerëz i drejtohen linjave publike telefonike në një moment krize. Ndërsa rajonet dhe vendet e botës hynë në bllokim, u vendos një barrë dërrmuese në qendrat e thirrjeve publike. Për shembull, në Virxhinian Perëndimore në Shtetet e Bashkuara, vëllimi i thirrjeve në qendrën e thirrjeve të sigurimit të papunësisë të shtetit u rrit në mars dhe telefonuesit prisnin me orë të tëra për të paraqitur kërkesa për papunësi.
Teknologjia cloud mund ta zgjidhë këtë problem. Ndryshe nga qendrat e thirrjeve tradicionale, të bazuara në telefon, qendrat e kontaktit të bazuara në cloud ofrojnë një mënyrë të shkallëzuar dhe fleksibël për të mbështetur klientët në shumë kanale qoftë përmes telefonit, përmes mediave sociale ose përmes bisedës. Ata gjithashtu mbështesin punën në distancë për agjentët e qendrës së kontaktit, gjithçka që u duhet është një web browser dhe një lidhje interneti për t’u lidhur me klientët nga kudo.
Duke shfrytëzuar aftësitë e qëndrueshme të makinerisë (ML) dhe inteligjencës artificiale (AI), organizatat marrin analitika të fuqishëm në kohë reale dhe historike, duke ndihmuar agjensitë të monitorojnë vëllimet e thirrjeve dhe të përdorin burimet e tyre në mënyrë efektive. AI gjithashtu automatizon pyetjet e bëra shpesh, duke eleminuar nevojën për ndërveprim njerëzor dhe duke ulur numrin e telefonuesve që kërkojnë ndihmë nga një agjent i drejtpërdrejtë.
Comune di Codogno, një komunë italiane në Lombardi, ndërtoi një qendër kontakti të bazuar në cloud në më pak se një javë për të drejtuar thirrjet drejtpërdrejt te stafi i bashkisë të cilët mund t’u përgjigjeshin pyetjeve të qytetarëve në lidhje me COVID-19.
Zyra Kentucky e Sigurimit të Papunësisë ngriti një qendër kontakti me bazë në cloud në një pasdite të vetme dhe trajnoi agjentët e saj në vetëm 30 minuta në mënyrë që ata të mund të punonin nga shtëpia. Shteti ndërtoi gjithashtu një qendër kontakti në të gjithë vendin për të menaxhuar rreth 200,000 thirrje ditore të kryera nga më shumë se 1,000 agjentë të qendrës së kontaktit.
Në West Virginia, ku telefonuesit kishin kaluar orë të tëra duke pritur për ndihmë, një qendër kontakti me bazë cloud u ndërtua për më pak se tre ditë. Gjatë tre ditëve në vijim, koha mesatare e pritjes u zvogëlua nga orë në më pak se 60 sekonda.
Mësimi makinerik për spitalet
Shërbimet cloud të shoqëruara me AI ndihmuan ofruesit e kujdesit shëndetësor të vazhdojnë t’u shërbejnë në mënyrë të sigurtë pacientëve në një kohë ku kërkesa ishte dërrmuese, spitalet të mbushura me njerëz dhe punëtorët e vijës së parë të rraskapitur.
Roomie Bot, zhvilluar nga startup-i me seli në qytetin e Mexico, Roomie IT, është një robot i cili shfaq pacientët në dhomën e pritjes në spital. Mundësuar nga teknologjia cloud e AWS, Roomie Bot lëviz nëpër dhomën e pritjes për të bërë pyetje, mat temperatura dhe përdor sensorë për të zbuluar simptoma të tilla si gulçimi. Këto të dhëna më pas dërgohen në AWS për t’u ruajtur në cloud dhe analizuar më vonë duke përdorur shërbimet e AI, duke kursyer kohë dhe duke kufizuar ekspozimin e punonjësve të kujdesit shëndetësor. Përveç kësaj, roboti përdor mjete të njohjes së fytyrës në mënyrë që të identifikojë njerëzit, objektet dhe hapësirat e kështu mund të funksionojë me sukses rreth një spitali.
Në SH.B.A., Evropë dhe Amerikën Latine, kompania e softuerit Whyline, ka punuar me spitale si dhe banka, shitës me pakicë dhe qeveri, për të zvogëluar mbipopullimin dhe mbingarkesën duke përdorur AI dhe cloud-computing. Zgjidhja e tyre virtualizon të gjithë procesin e radhës dhe skedulimin duke i lejuar klientëve të shohin orët e pritjes drejtpërdrejt për destinacionin e tyre dhe të hyjnë në linjë nga distanca. Duke u vendosur në cloud, Whyline u jep klientëve fleksibilitet për të hyrë në rradhë nga çdo pajisje e lidhur me internet.
Cloud-computing për lehtësim financiar
Përveç sfidave të pashembullta shëndetësore, COVID-19 solli probleme në ekonominë globale, duke ndikuar drejtpërdrejt te konsumatorët dhe institucionet financiare. Teknologjia cloud ka ndihmuar sektorin publik të menaxhojë vëllimet rekord-thyerëse dhe rritjen e kërkesës për lehtësim financiar.
Ndërkohë që qeveritë në të gjithë botën zbatuan paketat e lehtësimeve ekonomike, atyre u duhej të ndërtonin shpejt portale të aplikimit të kredisë.
Bpifrance, një bankë publike franceze për investime, u mandatua nga qeveria për të menaxhuar shpërndarjen e Huave të Garantuara Shtetërore për bizneset e mesme të vogla (NVM) në Francë gjatë pandemisë. Nëpërmjet bashkëpunimit me firmën e teknologjisë cloud Padok arriti të krijojë një platformë për NVM-të në vetëm pesë ditë për të aplikuar ndihmën financiare.
Bpifrance normalisht merr 12,000 kërkesa për kredi në vit përmes online banking. Me mjetet e reja në cloud, ata arritën të përpunonin 75,000 kërkesa në vetëm tre javë, me pikun 8,000 kërkesa çdo ditë.
Në Shtetet e Bashkuara, organizata jofitimprurëse Orange County United Way përdori teknologjinë cloud për të ndërtuar një aplikacion për të lejuar individët të paraqesin kërkesa për ndihmë financiare në programin e tyre i cili ndihmon të pastrehët, përmes një smartphone ose kompjuteri personal. Me kufizime në staf dhe burime, Orange County United Way kishte nevojë për një platformë për të menaxhuar këtë proces, që nuk do ta kthente në një qendër thirrjesh ose të krijonte radhë të gjata dhe do të sillte lehtësimin financiar në kohën e duhur për ata që do të kishin më shumë nevojë. Gjatë dy javësh, Orange County United Way ndërtoi dhe nisi një aplikacion që automatizon këtë proces dhe lejon qytetarët të marrin ndihmë financiare më shpejt dhe në mënyrë më efikase.
Të mësuarit në cloud
Ndërsa shkollat në të gjithë botën mbyllën dyert e tyre për shkak të COVID-19, politikanët, prindërit, mësuesit dhe administratorët iu drejtuan teknologjisë për të ndihmuar studentët të vazhdonin arsimin e tyre, duke eksperimentuar me modele të reja të të mësuarit në internet për t’i mbajtur studentët të angazhuar.
Disa organizata përdorën teknologjinë cloud për të trajtuar rritjen e kërkesës për mësimin në internet. Për shembull, Ministria e Arsimit e Bahreinit, zhvendosi sistemin e saj të menaxhimit të të mësuarit EduNet në Shërbimet Ueb Amazon në mënyrë që të plotësonte nevojat e qindra mijëra studentëve. Në Amerikën Latine, Universidad de Los Lagos në Kili përdori një qasje të ngjashme. Në më pak se një javë, ata zgjeruan sistemin e tyre të menaxhimit të të mësuarit për të mbështetur mbi 11,000 studentë duke e zhvendosur atë në platformën cloud.
Për vitin e ardhshëm shkollor në pjesën më të madhe të botës, shkollat, kolegjet dhe universitetet po kërkojnë qasje hibride që shkrijnë mësimin në klasë me mësimin në internet. Në këtë model, cloud-computing vazhdon të luajë rol në ofrimin në mënyrë të besueshme dhe të sigurtë të kurrikulës për studentët. Kur bëhet fjalë për arsimin, nuk ka hapsirë për kohë joproduktive.
Cloud u jep mësuesve dhe studentëve kudo, në çdo kohë akses në të dhëna dhe aplikacione në pajisjen e tyre të lidhur për t’i mundësuar atyre që të punojnë në distancë. Me infrastrukturën e cloud computing, institucionet mund të shkallëzojnë shpejt sistemet e menaxhimit të të mësuarit, të krijojnë klasa virtuale për të trajnuar arsimtarët, të vendosin tavolina ndihme në distancë dhe më shumë.
Zgjidhjet e organizatave të sektorit publik të krijuara gjatë kësaj krize janë ndërtuar në rrethana jashtëzakonisht sfiduese, por ato ofrojnë një guidë për të ardhmen. Ndërsa komunitetet në të gjithë botën vazhdojnë të luftojnë për të dalë nga pandemia, zgjidhjet e krijuara në përgjigje të COVID-19 do të ndihmojnë në krijimin e një rruge të re, duke siguruar qëndrueshmërinë afatgjatë të organizatave të sektorit publik dhe duke i ndihmuar ato të kryejnë misione, të kenë kosto më të ulëta, të bëhen më të zhdërvjellëta, dhe të përtërihen më shpejt.
/BM
Teknologjia cloud i referohet shpërndarjes së burimeve teknologjike, sipas kërkesës, përmes internetit. Gjatë COVID-19, teknologjia cloud u bë një mjet shpëtimi për qeveritë që kishin nevojë të ofronin shërbime urgjente përmes linjave të urgjencës, arsimit në internet etj.
Me teknologjinë cloud, qeveritë mund të marrin teknologji nga ofruesit e cloud sipas nevojës dhe shpejt t’i përgjigjen nevojave të qytetarëve të tyre pa pasur nevojë të blejnë dhe mirëmbajnë qendrat e tyre të të dhënave dhe serverat.
COVID-19 i detyroi qeveritë në të gjithë botën të ofrojnë shërbime publike jetike në mënyra të pa provuara më parë dhe të eksperimentojnë me teknologjitë digjitale në një shkallë të paparashikuar. Ndërsa qytetarët iu drejtuan ofruesve të tyre të kujdesit shëndetësor publik, institucioneve arsimore dhe organizatave të tjera të sektorit publik për ndihmë gjatë krizës, ata shpesh u përplasën me sistemet të mbingarkuara dhe të vjetruara të TI-së. Sidoqoftë, shumë ofrues të shërbimeve publike u përshtatën shpejt me këtë kërkesë për ndihmë dhe informacion dhe zbatuan zgjidhje inovative që i ndihmuan njerëzit të aksesonin burimet kritike.
Shërbimet Ueb të Amazon (AWS) sigurojnë shërbime cloud për organizatat e sektorit publik në të gjithë botën dhe dëshmuan të parët se si mund të ngrihesh përpara kësaj sfide. Pandemia shkaktoi risi në sektorin publik në formën e ideve të vogla dhe transformimeve në shkallë të gjerë. Megjithëse këto ishin rezultat i një emergjence, shumë prej këtyre ideve kanë potencialin të ndikojnë në ndryshime të qëndrueshme përtej krizës. Ky është veçanërisht rasti për zgjidhjet e sektorit publik të ndërtuara në cloud.
Termi “cloud computing” i referohet shpërndarjes sipas kërkesës të burimeve teknologjike përmes internetit me pagesë. Në vend të blerjes, zotërimit dhe mirëmbajtjes së qendrave dhe serverave të tyre të të dhënave, organizatat mund të marrin teknologji nga ofruesit e cloud sipas nevojës. Kjo i lejon një organizate të aksesojë shpejt burimet, nga serverat te shërbimet e të mësuarit makinerik, sipas kërkesës, të cilat mund të ulin kostot dhe të përshpejtojnë ritmin e inovacionit të një organizate.
Shembujt e mëposhtëm ofrojnë një paraqitje të shkurtër të teknologjive cloud që mund të vazhdojnë të përdoren në të gjithë sektorin publik ndërsa bota kthehet në normalitet.
Linjat urgjente të qytetarëve të mbështetura në cloud
Edhe në epokën e mesazheve, shumë njerëz i drejtohen linjave publike telefonike në një moment krize. Ndërsa rajonet dhe vendet e botës hynë në bllokim, u vendos një barrë dërrmuese në qendrat e thirrjeve publike. Për shembull, në Virxhinian Perëndimore në Shtetet e Bashkuara, vëllimi i thirrjeve në qendrën e thirrjeve të sigurimit të papunësisë të shtetit u rrit në mars dhe telefonuesit prisnin me orë të tëra për të paraqitur kërkesa për papunësi.
Teknologjia cloud mund ta zgjidhë këtë problem. Ndryshe nga qendrat e thirrjeve tradicionale, të bazuara në telefon, qendrat e kontaktit të bazuara në cloud ofrojnë një mënyrë të shkallëzuar dhe fleksibël për të mbështetur klientët në shumë kanale qoftë përmes telefonit, përmes mediave sociale ose përmes bisedës. Ata gjithashtu mbështesin punën në distancë për agjentët e qendrës së kontaktit, gjithçka që u duhet është një web browser dhe një lidhje interneti për t’u lidhur me klientët nga kudo.
Duke shfrytëzuar aftësitë e qëndrueshme të makinerisë (ML) dhe inteligjencës artificiale (AI), organizatat marrin analitika të fuqishëm në kohë reale dhe historike, duke ndihmuar agjensitë të monitorojnë vëllimet e thirrjeve dhe të përdorin burimet e tyre në mënyrë efektive. AI gjithashtu automatizon pyetjet e bëra shpesh, duke eleminuar nevojën për ndërveprim njerëzor dhe duke ulur numrin e telefonuesve që kërkojnë ndihmë nga një agjent i drejtpërdrejtë.
Comune di Codogno, një komunë italiane në Lombardi, ndërtoi një qendër kontakti të bazuar në cloud në më pak se një javë për të drejtuar thirrjet drejtpërdrejt te stafi i bashkisë të cilët mund t’u përgjigjeshin pyetjeve të qytetarëve në lidhje me COVID-19.
Zyra Kentucky e Sigurimit të Papunësisë ngriti një qendër kontakti me bazë në cloud në një pasdite të vetme dhe trajnoi agjentët e saj në vetëm 30 minuta në mënyrë që ata të mund të punonin nga shtëpia. Shteti ndërtoi gjithashtu një qendër kontakti në të gjithë vendin për të menaxhuar rreth 200,000 thirrje ditore të kryera nga më shumë se 1,000 agjentë të qendrës së kontaktit.
Në West Virginia, ku telefonuesit kishin kaluar orë të tëra duke pritur për ndihmë, një qendër kontakti me bazë cloud u ndërtua për më pak se tre ditë. Gjatë tre ditëve në vijim, koha mesatare e pritjes u zvogëlua nga orë në më pak se 60 sekonda.
Mësimi makinerik për spitalet
Shërbimet cloud të shoqëruara me AI ndihmuan ofruesit e kujdesit shëndetësor të vazhdojnë t’u shërbejnë në mënyrë të sigurtë pacientëve në një kohë ku kërkesa ishte dërrmuese, spitalet të mbushura me njerëz dhe punëtorët e vijës së parë të rraskapitur.
Roomie Bot, zhvilluar nga startup-i me seli në qytetin e Mexico, Roomie IT, është një robot i cili shfaq pacientët në dhomën e pritjes në spital. Mundësuar nga teknologjia cloud e AWS, Roomie Bot lëviz nëpër dhomën e pritjes për të bërë pyetje, mat temperatura dhe përdor sensorë për të zbuluar simptoma të tilla si gulçimi. Këto të dhëna më pas dërgohen në AWS për t’u ruajtur në cloud dhe analizuar më vonë duke përdorur shërbimet e AI, duke kursyer kohë dhe duke kufizuar ekspozimin e punonjësve të kujdesit shëndetësor. Përveç kësaj, roboti përdor mjete të njohjes së fytyrës në mënyrë që të identifikojë njerëzit, objektet dhe hapësirat e kështu mund të funksionojë me sukses rreth një spitali.
Në SH.B.A., Evropë dhe Amerikën Latine, kompania e softuerit Whyline, ka punuar me spitale si dhe banka, shitës me pakicë dhe qeveri, për të zvogëluar mbipopullimin dhe mbingarkesën duke përdorur AI dhe cloud-computing. Zgjidhja e tyre virtualizon të gjithë procesin e radhës dhe skedulimin duke i lejuar klientëve të shohin orët e pritjes drejtpërdrejt për destinacionin e tyre dhe të hyjnë në linjë nga distanca. Duke u vendosur në cloud, Whyline u jep klientëve fleksibilitet për të hyrë në rradhë nga çdo pajisje e lidhur me internet.
Cloud-computing për lehtësim financiar
Përveç sfidave të pashembullta shëndetësore, COVID-19 solli probleme në ekonominë globale, duke ndikuar drejtpërdrejt te konsumatorët dhe institucionet financiare. Teknologjia cloud ka ndihmuar sektorin publik të menaxhojë vëllimet rekord-thyerëse dhe rritjen e kërkesës për lehtësim financiar.
Ndërkohë që qeveritë në të gjithë botën zbatuan paketat e lehtësimeve ekonomike, atyre u duhej të ndërtonin shpejt portale të aplikimit të kredisë.
Bpifrance, një bankë publike franceze për investime, u mandatua nga qeveria për të menaxhuar shpërndarjen e Huave të Garantuara Shtetërore për bizneset e mesme të vogla (NVM) në Francë gjatë pandemisë. Nëpërmjet bashkëpunimit me firmën e teknologjisë cloud Padok arriti të krijojë një platformë për NVM-të në vetëm pesë ditë për të aplikuar ndihmën financiare.
Bpifrance normalisht merr 12,000 kërkesa për kredi në vit përmes online banking. Me mjetet e reja në cloud, ata arritën të përpunonin 75,000 kërkesa në vetëm tre javë, me pikun 8,000 kërkesa çdo ditë.
Në Shtetet e Bashkuara, organizata jofitimprurëse Orange County United Way përdori teknologjinë cloud për të ndërtuar një aplikacion për të lejuar individët të paraqesin kërkesa për ndihmë financiare në programin e tyre i cili ndihmon të pastrehët, përmes një smartphone ose kompjuteri personal. Me kufizime në staf dhe burime, Orange County United Way kishte nevojë për një platformë për të menaxhuar këtë proces, që nuk do ta kthente në një qendër thirrjesh ose të krijonte radhë të gjata dhe do të sillte lehtësimin financiar në kohën e duhur për ata që do të kishin më shumë nevojë. Gjatë dy javësh, Orange County United Way ndërtoi dhe nisi një aplikacion që automatizon këtë proces dhe lejon qytetarët të marrin ndihmë financiare më shpejt dhe në mënyrë më efikase.
Të mësuarit në cloud
Ndërsa shkollat në të gjithë botën mbyllën dyert e tyre për shkak të COVID-19, politikanët, prindërit, mësuesit dhe administratorët iu drejtuan teknologjisë për të ndihmuar studentët të vazhdonin arsimin e tyre, duke eksperimentuar me modele të reja të të mësuarit në internet për t’i mbajtur studentët të angazhuar.
Disa organizata përdorën teknologjinë cloud për të trajtuar rritjen e kërkesës për mësimin në internet. Për shembull, Ministria e Arsimit e Bahreinit, zhvendosi sistemin e saj të menaxhimit të të mësuarit EduNet në Shërbimet Ueb Amazon në mënyrë që të plotësonte nevojat e qindra mijëra studentëve. Në Amerikën Latine, Universidad de Los Lagos në Kili përdori një qasje të ngjashme. Në më pak se një javë, ata zgjeruan sistemin e tyre të menaxhimit të të mësuarit për të mbështetur mbi 11,000 studentë duke e zhvendosur atë në platformën cloud.
Për vitin e ardhshëm shkollor në pjesën më të madhe të botës, shkollat, kolegjet dhe universitetet po kërkojnë qasje hibride që shkrijnë mësimin në klasë me mësimin në internet. Në këtë model, cloud-computing vazhdon të luajë rol në ofrimin në mënyrë të besueshme dhe të sigurtë të kurrikulës për studentët. Kur bëhet fjalë për arsimin, nuk ka hapsirë për kohë joproduktive.
Cloud u jep mësuesve dhe studentëve kudo, në çdo kohë akses në të dhëna dhe aplikacione në pajisjen e tyre të lidhur për t’i mundësuar atyre që të punojnë në distancë. Me infrastrukturën e cloud computing, institucionet mund të shkallëzojnë shpejt sistemet e menaxhimit të të mësuarit, të krijojnë klasa virtuale për të trajnuar arsimtarët, të vendosin tavolina ndihme në distancë dhe më shumë.
Zgjidhjet e organizatave të sektorit publik të krijuara gjatë kësaj krize janë ndërtuar në rrethana jashtëzakonisht sfiduese, por ato ofrojnë një guidë për të ardhmen. Ndërsa komunitetet në të gjithë botën vazhdojnë të luftojnë për të dalë nga pandemia, zgjidhjet e krijuara në përgjigje të COVID-19 do të ndihmojnë në krijimin e një rruge të re, duke siguruar qëndrueshmërinë afatgjatë të organizatave të sektorit publik dhe duke i ndihmuar ato të kryejnë misione, të kenë kosto më të ulëta, të bëhen më të zhdërvjellëta, dhe të përtërihen më shpejt.
/BM
