Të qenët ballkanas-kosovarë-muslimanë

Kresha

A pretty face can never trick me
Në Kosovë muslimanët shtypen. Shtypja që bëjmë ndaj muslimanëve do të shpërthejë disi. Sa më e madhe shtypja aq më i fortë reaksioni do të jetë. Ata do të shpërthejnë pastaj në forma që s’janë aspak njerëzore, siç mund të jetë terrorizmi. Mos të lëmë pa përmendur që për muslimanët, kjo shtypje është shkalla e dytë e shtypjes, pasi secili në Kosovë përballet në fillim me atë shtypjen klasore, të pasurit mbi të varfërit

Nga Rron Gjinovci

Të gjithë popujt e rajonit të Ballkanit kanë një kulturë të veçantë. I referohen shpesh me “vulgariteti i Ballkanit”. Por aq më bënë mua kur më thotë “vulgar” një perëndimor që vjen nga një shtet si SHBA e cila transportin jofunksional publik e ka rezervuar për zezakët, shkollat e dobëta publike i ka rezervuar po për ata, e të mos flas për të tjera qasje raciste të evropianëve ndaj zezakëve, arabëve dhe popujve të tjerë joevropianë. Ah po, gati sa nuk e harrova racizmin që ka lindur në Evropë. Të më falë secili nga këta të perëndimit, por vulgare mua më duket t’i lësh njerëzit të jetojnë në mjerim vetëm për shkak të ngjyrës së lëkurës, apo kur i trajton imigrantët sikur të ishin shtazë. Më falni sërish mua për “vulgaritetin” tim, por unë u besoj paraprakisht njerëzve, krijoj afërsi të shpejtë me ta dhe po, ne përqafohemi. Kjo mund tu duket vulgare, por unë parapëlqej ta quaj njerëzore.

Për sa i përket civilizimit dhe emancipimit, mendoj se subjekt i trajtimit në këto çështje, jemi të gjithë ne, lindje e perëndim, dhe atë sidomos për sa i përket orientimit ideologjik më shumë sesa për sjellje të ndryshme kulturore ku herë njëra e herë tjetra palë “çalon” me të madhe.

Që prej vitit 1999 qytetarët e Kosovës janë dehur me këtë diskursin pro-perëndimor, krejt të thatë e të pa kuptim. Sa e sa perversitete u bënë në emër të lirisë dhe perëndimorizmit në Kosovë, vetëm e vetëm për t’i kënaqur pritjet e perëndimit për neve, jemi dëshmitarë vet. Korrupsioni e të gjitha këto që sot i shohim si shkatërrimi i shoqërisë sonë, janë perfeksionuar nga zyrtarët e UNMIK-ut dhe të huajt që ua mësuan politikanëve tanë gati analfabetë metodat më perfide të korrupsionit.

Tani qytetarët po përballen me një krizë të identitetit. Të gjithë duan ta fshehin atë pjesën e lindjes që rron mes nesh, që është normale dhe e cila duhet patjetër të jetë pjesë e kulturës sonë. Mundohen ta fshehin e ta nxjerrin në pah “dashurinë” për perëndimin. Sepse kështu jemi kushtëzuar. Duhet të jemi mjaftueshëm të mirë për ta merituar liberalizimin e vizave, apo ndonjë hap tjetër drejt euro-integrimit. “Ne jemi evropian” është shprehja që nxjerrë në pah mungesën e besimit tonë në atë se a jemi apo jo evropian. اka nëse jemi, e çfarë nëse jo? Mos do të na hedhin jashtë kontinentit nëse del që nuk jemi? A mund unë të jem ashtu siç dua të jem vet? اka nëse s’dua të jem evropian? اka nëse unë ndjehem ballkanas më shumë se çkado tjetër? A ka dikush problem me këtë, apo më saktë thënë, cili racist ka problem me këtë?

Ne kemi nevojë që gjithë këtyre pyetjeve tu përgjigjemi në një debat të gjerë publik, secili prej nesh. Ne kemi nevojë të çlirohemi nga gracka perëndimore që paraqet gjithçka të lindjes si primitive pa lejuar që të kritikohet vet. Në të kundërt, do të përballemi me pasojat e këtij presioni kur dimë se një pjesë e mirë e popullsisë së këtij rajoni po e zhvillojnë dita-ditës të qenët musliman.

“As-selam aleikum!” – është shprehja me të cilën po i përshëndes njerëzit kohëve të fundit. Kjo mënyrë e imja e përshëndetjes nuk ka të bëjë aspak me bindjet e mija rreth religjionit, thjesht po më duket interesant reagimi. Fillojnë të të shohin me rezerva, dyshim, e disa nënqeshen e fillojnë të shtrojnë pyetje “Qysh kur ti në fe?”. Pastaj unë ju shpjegoj që “as-selam aleikum” do të thotë “paqja qoftë mbi ty” në gjuhën arabe dhe se në vendet arabe përdoret si shprehje përshëndetëse. Njëjtë siç përdoret në perëndim “Hi!” ose “Hello!”. Ose kohëve të fundit është bërë shumë në modë përshëndetja “Peace!” (paqe) që shoqërohet me ngritjen e dy gishtërinjve. Pse të thuash “Peace!” qenka në rregull e të thuash “As-selam aleikum!” qenka çuditshëm?

Në Kosovë muslimanët shtypen. Shtypja që bëjmë ndaj muslimanëve do të shpërthejë disi. Sa më e madhe shtypja aq më i fortë reaksioni do të jetë. Ata do të shpërthejnë pastaj në forma që s’janë aspak njerëzore, siç mund të jetë terrorizmi. Mos të lëmë pa përmendur që për muslimanët, kjo shtypje është shkalla e dytë e shtypjes, pasi secili në Kosovë përballet në fillim me atë shtypjen klasore, të pasurit mbi të varfërit. Të pasurit që janë kryesisht politikanë, dhe të varfrit që janë shumica e popullit të Kosovës. Dhe mos të harrojmë, që në këso gjendje ekonomike e sociale, dukuria e futjes së të rinjve në lëvizje ekstremiste fetare a nacionaliste është vetëm simptoma e lëngimit të shoqërisë nga varfëria, padrejtësia dhe pabarazia.

Kohëve të fundit numri i atyre që po marrin pjesë nga rajoni ynë e sidomos nga Kosova në luftën e Sirisë për arsye religjioze, po rritet. Ky veprim është tregues i mirë i gjendjes së rëndë ekonomike e sociale. Në mes të kësaj krize identiteti dhe të një gjendjeje të tmerrshme ekonomike e politike, njerëzit më parë po gjejnë prehje në jetët pas vdekjes sesa që po mund ta ndjejnë pak shpresë për një të ardhme më të mirë. Kaq keq ka vajtur puna. Të rinjtë tanë nuk do të duhej të ishin përfshirë në këtë luftë, por do të duhej të kishin diçka përpara vetes, e ne nuk kemi as një shtëpi të rinisë në Kosovë!

Unë jam ballkanas, shqiptar i Kosovës, nga një familje muslimane e deklaruar, por pa praktikë islame të të jetuarit. Kam diçka nga islami në sjelljet e mija dhe mënyrën e të menduarit tim, siç kam edhe nga filmat e Hollywood-it. Në fund të fundit jam njeri i kësaj bote, pse i duhet patjetër dikujt të më fusë në korniza e korniza, pafundësisht korniza që të mund të më pranojë? Pranomëni si një njeri të lirë, që i paska rënë të lind e të rritet në këtë pjesë të botës, që ka këtë kulturë që ka, dhe unë do të jem shoku juaj.

* Dërguar nga autori, qëndrimet e shprehura nuk përfaqësojnë domosdoshmërisht linjën editoriale të NOA.al -
 
Titulli: Të qenët ballkanas-kosovarë-muslimanë

Që prej vitit 1999 qytetarët e Kosovës janë dehur me këtë diskursin pro-perëndimor, krejt të thatë e të pa kuptim. Sa e sa perversitete u bënë në emër të lirisë dhe perëndimorizmit në Kosovë, vetëm e vetëm për t’i kënaqur pritjet e perëndimit për neve, jemi dëshmitarë vet. Korrupsioni e të gjitha këto që sot i shohim si shkatërrimi i shoqërisë sonë, janë perfeksionuar nga zyrtarët e UNMIK-ut dhe të huajt që ua mësuan politikanëve tanë gati analfabetë metodat më perfide të korrupsionit.

Tani une kam probleme me gjuhen e standardizuar (te asfalltuar) apo kontestin qe ka perdor Rron-i per Diskursin pro-perendimor, por kam problem te madhe per ta kuptuar edhe Rron-in sepse me duket se edhe Rron-i e paska kap diskursin pro-perendimor nga bishti.

Perendimi eshte kurveri!
Perendimi eshte dhune!
Perendimi eshte harres familje!
Perendimi eshte dhunim femre!
Perendimi eshte alkoholizem!
Perendimi eshte homoseksualizem!
............................................
e cfare te keqe tjeter nuk eshte Perendimi sipas ketij diskursit te mosnjohjes se realitetit.

Kam pershtypjen se ky diskurs mosnjohje realiteti ka dhe nje arsye. Per fatin e keq, ne, po po te gjithe ne nuk njofim (nuk duam ta njofim), nuk kuptojme (nuk duam ta kuptojme) se si perendimi, po ashtu dhe lindja, veriu dhe jugu i ka keto te keqijat qe kam permendur me lart, por me nje ndryshim se Perendimi ka gjetur ilaqin per shendoshjen apo preventiven e tyre ne perparesi nga te tjeret.

Dhe te njofesh realitetin e Perendimit do te thote:

Gjeni nje vend ku ka me shume konservatorizem ne mbrojtjen e familjes?
Gjeni nje vend tjeter ku denohet me shume dhuna?
Gjeni nje vend tjeter ku njeriu gezon me shume te drejten njerezore?
Gjeni nje vend tjeter ku femra dhe femija gezon me shume drejtesi?
Gjeni nje vend tjeter ku sistemi funksionon ne cdo drejtim me bukur?
Gjeni nje vend tjeter ku endrra e tere qytetarise boterore eshte te shkojne atje dhe per ta jetuar ate sistem?

Pra, o njerez, kur flisni per diskurse pro-perendimore veni gishtin kokes dhe beni ca krahasime dhe analiza se qe besa ka nevoje!

Rroni bene gabim te pafalshem nese mendon se dalldisja jone ka te beje per te kenaqur perendimin. Jo o Rron djali jo!

Dalldisja jone ka tjeter hall.
Dalldisja jone vjen nga ajo se ne nuk duam shtet.
Dalldisja jone ka hallin se ne nuk kemi arsim si duhet.
Dalldisja jone vjen nga halli se ne kete vend behet prijatar kush ti teket.
Dalldisja jona vjen nga halli se ketu dhunon qytetarin dhe te drejten e tij kush ngrefet i pari.
Dalldisja jone vjen nga halli se ketu vjedh secili cfare mundet pa i bezere askush.
.............dalldisja jone ka edhe miliona arsyera tjera por jo diskurs pro-perendimor.

Pse cfare paskemi pritur ne?????????????????????????

Te na cliroje perendimi?
Te na beje shtet perendimi?
Te na arsimoj perendimi?
Te na ndal korrupcionin perendimi?
Te na vetdijesoje neve perendimi?
Te na jep kulture perendimi????
Te na beje gjyqe perendimi????

.........................................

Jo ore jo. Harrojeni kete. Ata na kane treguar me fjale rrugen e mire dhe rrugen e keqe. Ne kemi zgjedhur vet. Nuk ka me shume se kaq. :caplin:
 
Back
Top