Monique
With or Without u
Nga kanceri nuk sëmuresh as rastësisht, as prej fatit të keq. Këtë synon të tregojë një studim Italian, sipas të cilit shkaqet e sëmundjes së shekullit duhen kërkuar tek faktorët ambjentale që sjellin alternime gjenetike të parashikueshme.
Hulumtimi është pjesë e kërkimeve më të gjera shkencore, mbi rolin e atij që konsiderohet ‘fat i keq’ në nisjen e tumoreve. Kërkuesit e drejtuar nga Piergiuseppe Pelicci, profesor në universitetin e Milanos, zbuluan se një prej ndryshimeve genetike më të shpeshta dhe më të rëndësishme për zhvillimin e kancerit, ‘translokimi kromozomal’, nuk ndodh rastësisht tek genoma, por është i parashikueshëm dhe i provokuar nga ambjenti jashtë qelizës.
Çfarë i shkakton këto ndryshime?
Dy janë aktualisht rrymat e mendimit për këtë çështje, thotë Pelicci: Njëra lidhet me rastësinë dhe tjetra me ambjentin që na rrethon si dhe stilin e jetesës.
Studimi Italian anon tek kjo e dyta. Hartuesit e tij shpjegojnë se aktiviteti i geneve, kontrollet prej sinjaleve specifike, nga ambjenti ku ndodhen qelizat tona, i cili influencohet dhe ai vete prej sjelljeve tona e mjedisit ku jetojmë.
Ky zbulim, sipas Pelicci-it, tregon se fati nuk ka asnjë lidhje me gjenezen e translokimeve, ndërsa ofron gjithashtu një motiv shkencor bindës në mbështetje të përpjekjeve, për parandalimin e tumoreve.
Top Channel