Titulli: Sot eshte dita me e trishte e vitit
Si ta mposhtni “të hënën blu”?
Per sivjet iku po per mot tani
ثshtë shumë ftohtë, dimër i vërtetë dhe jashtë dritares përvijohet nata. Një fundjavë e kaluar në shtëpi bën që t’i jepesh me pasion frigoriferit për të mposhtur ndjenjën e depresionit dhe të nostalgjisë për kohë më të bukura. Edhe festat e fundvitit duken tashmë një kujtim i mbetur larg dhe për më tepër ato të kanë shkaktuar një “vrimë” të madhe në financat personale pas harxhimeve me darka, veshje e dhurata. Ndaj nuk ka asnjë çudi që e hëna e djeshme është një ditë me të vërtetë depresive, madje e caktuar zyrtarisht si dita më depresive e vitit. Depresive, sepse ajo ndodhet në një prej brezave të çrregullimeve sezonale, kur njerëzit mezi ambientohen me kalimin nga një stinë në tjetrën. Kjo e hënë quhet “e hëna blu”, por edhe për të ka disa këshilla që, nëse do të zbatohen, të ndihmojnë që t’ia kalosh me sa më pak nostalgji dhe depresion.
Ha çokollatë për mëngjes
اokollata ka qenë prej kohësh një përmirësues i shpejtë i gjendjes shpirtërore. Ajo nxit nivelin e serotoninës, antidepresantit të trurit dhe atë të endorfinës, kimikate që na bëjnë të ndihemi mirë pasi kemi bërë ushtrime fizike. Ajo është gjithashtu edhe burim i theobrominës, një stimulant që ka një efekt të gjatë relaksues. Por ka edhe fakte që thonë se çokollata të shëndosh më pak kur konsumohet herët në mëngjes dhe esëll. Sipas endoktrinologëve, gratë që hanë në mëngjes çokollatë, humbasin më shumë peshë se ato që ushqehen me produkte të varfra në karbohidrate. Sipas mjekëve, shkak për këtë është se në mëngjes metabolizmi i trupit është shumë më i lartë se në orët e tjera të ditës dhe kjo bën që çokollata të tretet më shpejt dhe pa pasoja.
Shijoje kopshtin
Pas ngrënies së mëngjesit, dilni jashtë dhe fokusohuni te natyra, te lulet e dimrit, që megjithëse është ftohtë, kanë çelur petalet e tyre shumëngjyrëshe në një sfidë të vërtetë. Mblidhni një tufë dhe me t’u kthyer në shtëpi, në darkë, të lodhur dhe të stresuar, aroma e luleve do t’ju bëjë që të ndiheni më mirë dhe do ta kuptoni që veprimi i bërë në mëngjes jep efekte maksimale. Nëse nuk keni një oborr me lule, atëherë mos harroni të blini krizantema të verdha, apo të bardha, për të zbukuruar dhe për t’i falur jetë ditës suaj.
Krijoni një gjendje të mirë përmes dritës
Të kalosh 15 minuta në dritë të fortë, para largimit për në punë në mëngjes, është një mënyrë për të marrë energji dhe për të nxitur forcën brenda vetes. Për shembull, një gjë e tillë mund të bëhet në mëngjes, ndërsa pini kafen në kuzhinë. Në këtë moment mund të mbyllni perdet dhe të çelni dritën. Kjo sasi drita do t’ju shërbejë për të ristartuar orën tuaj biologjike dhe për të ndryshuar humorin, shpesh të prishur, të mëngjesit.
Shmangni një nga takimet e axhendës
Për shumë njerëz, axhenda e ditës së hënë është veçanërisht e ngarkuar, ndaj në një ditë depresante, gjëja më e mirë është lehtësimi i kësaj axhende, duke anuluar ndonjë takim që nuk prish punë, edhe pse mund të jetë i rëndësishëm. Në ditë të tilla duhet të kalojmë pak kohë me veten, për të medituar dhe për t’u përqendruar në gjëra që na e ngrenë moralin.
Vizatoni me stilolaps fytyra që qeshin
Ndërsa fytyra juaj mund të jetë buzëvarur, mundohuni që të paktën me stilolaps të vizatoni në fletët e bardha që keni përpara në zyrë “smily face” (fytyra që buzëqeshin). Njerëzit ndikohen nga e mira dhe e qeshura, ndaj një gjë e tillë mund t’ju ndihmonte që të përvijonit një buzëqeshje.
Prenotoni një pushim
Nëse doni të shpenzoni për lumturinë tuaj, bëjeni me mençuri një gjë të tillë. Për këtë arsye, mos i përdorni paratë tuaja për të blerë kostume, çanta, apo këpucë pa fund, por më mirë merrni hartën e botës dhe vendosni se cilin vend do të eksploroni gjatë pushimeve të ardhshme. Duke e bërë një gjë të tillë në avancë, mund të keni përfitime edhe në uljen e çmimeve.
Imagjinoni fundin
Duket e çuditshme, por të imagjinosh vdekjen tënde, ndonjëherë mund të ketë një efekt shumë pozitiv për të përmirësuar gjendjen mendore. Në momentet e fundit do të donit të ishit në paqe me veten dhe të tjerët, dhe për ta realizuar një gjë të tillë keni ende shumë kohë për ta bërë, ndaj verjuni punës, sepse kohën e keni të gjithën përpara dhe vdekja për momentin nuk është veçse një imagjinatë e juaja.
Hani disa lloje frutash
Disa lloje frutash ta përmirësojnë gjendjen shpirtërore. Luleshtrydhet, për shembull, janë të pasura me vitaminë C dhe të heqin stresin. Edhe qershitë mund të ta shtojnë humorin, ndërsa në dimër pa dyshim që më të mirat janë agrumet.
•gazeta shqip•
)
