Solana shpreson në marrëveshje për EULEX-in deri në fund të javës

Përfaqësuesi i Bashkimit Evropian për politikë të jashtme dhe siguri, Javier Solana ka deklaruar në Bruksel se, pret një marrëveshje për misionin EULEX, deri në fund të javës.


Solana, pas takimit të Këshillit të Ministrave të BE-së, të hënën, ka deklaruar se pret arritjen e marrëveshjes gjatë ditëve të ardhshme, respektivisht deri në fund të javës.

Duke u thirrur në burime të larta në BE, disa media kanë raportuar se Solana është në kontakt të përhershëm me Beogradin dhe Prishtinën, dhe se të premten ka biseduar me presidentin serb, Boris Tadiq, ndërsa të hënën me përfaqësuesit e Kosovës. /Telegrafi/