Love
βeℓℓe â๓e
Pas 10 vjetësh vuajtje, një 30-vjeçare shqiptare i ka dhënë fund heshtjes, duke denoncuar në polici bashkëshortin e saj. Për 10 vjet ajo ka duruar, jo vetëm dhunën dhe presionin, por burri që ajo dashuronte e ka detyruar të punojë si prostitutë.
Policia bën të ditur se në pranga ka rënë një 35-vjeçar shqiptar, i cili akuzohet se ka trafikuar gruan me të cilën e kishte edhe dy fëmijë.
Sipas hetimeve është bërë e ditur se burri nuk trafikonte vetëm gruan e tij, por kishte nxjerrë në rrugë edhe vajza të tjera shqiptare.
Ai u arrestua të premten në oborrin e pallatit ku jetonte, të cilin e përdorte si bazë për biznesin e prostitucionit.
Denoncimi në polici është bërë nga një qendër e shërbimit social, ku punonjësit e kësaj qendre kishin vënë re se në apartamentin ku jetonte shqiptari me gruan dhe fëmijët, ishin dëgjuar të qara, të bërtitura, ulërima dhe zhurma përplasjesh brenda banesës.
Shqiptari pasi e kishte vënë re se ishte pikasur nga policia, kishte planifikuar të largohej nga Italia drejt Shqipërisë para se të arrestohej.
Por, ka qenë gruaja e tij, ajo që ka komunikuar në kohë me punonjësit social, të cilët kanë lajmëruar menjëherë policinë, gjë e cila çoi në arrestimin e 35-vjeçarit.
Milano Post/ Shekulli