Kresha
A pretty face can never trick me
Kreu komunal i Gjakovës, Pal Lekaj, ishte të premten nikoqir i kreut të kishës katolike, ipeshkvit të Ipeshkvisë së Kosovës, imzot Dodë Gjergjit. Gjatë këtij takimi bashkëbiseduesit kanë konstatuar se shprehja tolerancë fetare midis shqiptarëve është më shumë se aq, sepse komuniteti i fesë myslimane dhe ai katolike i përkasin të njëjtit komb dhe janë të një gjaku e të një trungu dhe jetojnë bashkërisht. “Nuk kemi nevojë të zbulojmë metodologji të reja, sepse jetojmë bashkë, jemi të një gjaku e trungu, me raporte të mira e vëllazërore”, ka thënë imzot Dodë Gjergji.
“Shqiptarët e fesë katolike dhe ata të fesë islame nuk kanë dallime kombëtare, por janë pjesë e bashkësisë së Kosovës. Ne që të dyja komunitetet fetare kanë qenë dhe janë shtytëse të proceseve të lirisë dhe pavarësisë, të demokracisë dhe integrimit të shtetit të Kosovës në familjen e madhe evropiane”, ka thënë kreu i kishës katolike imzot Gjergji.
Ndërkohë kryetari Lekaj ka thënë se “komuna e Gjakovës përherë ka qene dhe do të mbetet shembull i bashkëpunimit, dashurisë dhe respektit reciprok në mesë të dy komuniteteve fetare. Kisha katolike në Gjakovë dhe Bashkësia Islame në këtë komunë, përherë u kanë paraprirë proceseve pozitive dhe kanë qenë shtytëse të tyre për një jetë të përbashkët, pa dallim feje”, ka thënë kryetari Lekaj. Ai ka kërkuar nga Ipeshkvi i Kosovës që bashkërisht me prijësit e fesë islame të jenë prezentë me popullin dhe me një vullnet të mirë të ndihmojë atë dhe shtetin e Kosovës që sa më parë të lulëzojë demokracia dhe të rritët mirëqenia dhe prosperiteti, që janë indikatorë kryesorë për integrim në Bashkësinë Evropiane.
Ipeshkvi i Ipeshkvisë së Kosovës, imzot Dedë Gjergji, ka komentuar edhe idenë që në shkollat e Kosovës të futet si lëndë mësimi fetar. “Nuk mund të ndaj mendimin e Kishës nga ai personal. Dhe nuk mund të veproj ndryshe”, ka thënë imzot Gjergji, duke shtuar se “këtu të gjithë duhet të jemi të kujdesshëm”, ndërkohë që ka shtuar se “feja mësohet në kishë ose xhami”. /Marrë nga www.koha.net/
“Shqiptarët e fesë katolike dhe ata të fesë islame nuk kanë dallime kombëtare, por janë pjesë e bashkësisë së Kosovës. Ne që të dyja komunitetet fetare kanë qenë dhe janë shtytëse të proceseve të lirisë dhe pavarësisë, të demokracisë dhe integrimit të shtetit të Kosovës në familjen e madhe evropiane”, ka thënë kreu i kishës katolike imzot Gjergji.
Ndërkohë kryetari Lekaj ka thënë se “komuna e Gjakovës përherë ka qene dhe do të mbetet shembull i bashkëpunimit, dashurisë dhe respektit reciprok në mesë të dy komuniteteve fetare. Kisha katolike në Gjakovë dhe Bashkësia Islame në këtë komunë, përherë u kanë paraprirë proceseve pozitive dhe kanë qenë shtytëse të tyre për një jetë të përbashkët, pa dallim feje”, ka thënë kryetari Lekaj. Ai ka kërkuar nga Ipeshkvi i Kosovës që bashkërisht me prijësit e fesë islame të jenë prezentë me popullin dhe me një vullnet të mirë të ndihmojë atë dhe shtetin e Kosovës që sa më parë të lulëzojë demokracia dhe të rritët mirëqenia dhe prosperiteti, që janë indikatorë kryesorë për integrim në Bashkësinë Evropiane.
Ipeshkvi i Ipeshkvisë së Kosovës, imzot Dedë Gjergji, ka komentuar edhe idenë që në shkollat e Kosovës të futet si lëndë mësimi fetar. “Nuk mund të ndaj mendimin e Kishës nga ai personal. Dhe nuk mund të veproj ndryshe”, ka thënë imzot Gjergji, duke shtuar se “këtu të gjithë duhet të jemi të kujdesshëm”, ndërkohë që ka shtuar se “feja mësohet në kishë ose xhami”. /Marrë nga www.koha.net/
