Aren
Anëtar i Respektuar
Deklarata e një politikani norvegjez, Bard Hoksrud, se ne kemi rrugë më të mira se vendi I tij, bëri shumë bujë dhe shumë media e raportuan duke nisur njëkohësisht një fushatë ndaj qeverisë që ndërton shumë ngadalë rrugët.
Por një gazetar , Hakon Aurlien, është nisur për në vendin tonë që të pasqyrojë këtë realitet “të ndritur” dhe shokohet….jo për nga cilësia e rrugëve por për të kundërtën.
“Zbuluam dy gjëra: së pari, shqiptarët ndërtojnë shpejt. Së dyti, nuk kanë kulturën e operimit dhe mirëmbajtjes së rrugëve,” shprehet ai, duke zbuluar se projekti i vetëm madhor, që është Rruga e Kombit, është ndërtuar aq shpejt, sa është kthyer në një rrezik të vërtetë për përdoruesit.
“Shqipëria ndërton shpejt sepse planet e ndërtimit shkojnë paralelisht me ndërtimin,” vazhdon ai duke sqaruar se rrugët kanë 12- 15 herë më shumë mundësi për aksident se rrugët në Norvegji. Ai shton se kur bëhen rrugët nuk ka asnjë studim për mjedisin.
Ai nuk lë pa përmendur edhe rrugët e tjera dytësore apo tretësore të cilat janë në gjendje katastrofale, aspak brenda parametrave të duhura dhe pa sinjalistikë./alb-observer.com/