SHKODER- Një 35-vjeçar është vrarë me armë zjarri në fshatin Kosmaç të komunës Bushat të Shkodrës. Ngjarja e rëndë ka ndodhur rreth orës 22.00 të mbrëmjes së djeshme.
Sipas policisë, 35 vjeçari Luan Tahiri është qëlluar me armë zjarri nga bashkëfshatari i tij Fatjon Hoxhani 30 vjeç.
Ngjarja sipas policisë së Shkodrës ka ndodhur pas një sherri të çastit mes dy personave në lokalin e viktimës. Mësohet se autori i ngjarjes ka qenë i dënuar më herët për armëmbajtje pa leje. Policia po heton për zbardhjen e plotë të ngjarjes.
(ma.ar/BalkanWeb)