Shembet magazina, pese viktima
Erseke-Tentonin te mblidhnin skrap ne nje magazine te ish-Ndermarrjes se Grumbullimit ne qytetin e Ersekes, por mbeten nen rrenoja. Dy te vdekur dhe tre te plagosur, eshte bilanci i ngjarjes tragjike te ndodhur mbreme rreth ores 18:30 ne afersi te fshatit Psar dhe viktimat jane anetare te fisit Shkoza. Nje nga te vdekurit eshte femije, 12 vjec, kurse dy te tjere te plagosur, 8 dhe 12 vjec. Burime zyrtare te Policise se Korces thane per gazeten "KJ" se ngjarja eshte aksidentale, pasi dy te rriturit dhe tre femijet kane demtuar shtyllen mbajtese te magazines, qe ka sjelle edhe shembjen e pjeses me te madhe te saj. Nderhyrja e menjehershme e banoreve, policise dhe zjarrfikesve vendore, ka bere te mundur qe te mbijetonin tre prej tyre, te cilet gjenden ne spitalin e Korces jashte rrezikut per jeten.
Grupi kishte shkuar rreth ores 18:00 ne ambientet e ish-ndermarrjes me qellim mbledhjen e nje sasie hekuri, per ta shitur me pas per skrap. Pas deshmive te familjareve, policia ka arritur te zbuloje se viktimat jane kusherinjte Altin Shkoza, 23 vjec, Sh. Shkoza, 12 vjec, vellezerit E. Shkoza, 12 vjec, K. Shkoza, 8 vjec, dhe Fatjon Shkoza, 22 vjec. Mbreme vone jane nxjerre te pajete nga germadhat, trupat e Fatjon Shkozes dhe Sh. Shkozes, pasi kishin marre demtime vdekjeprurese nga inertet e betonta te godines.
Menjehere pas ngjarjes se ndodhur, efektivet e Drejtorise se Policise se Korces, ne bashkepunim me strukturat e Emergjencave Civile, Zjarrfikeses dhe Spitalit Rajonal te Ersekes, kane nderhyre per te nxjerre trupat nga rrenojat. Fillimisht nga germadhat u nxoren Altin Shkoza, E. Shkoza dhe K. Shkoza, te cilet jane transportuar per ndihmen e pare ne Spitalin Rajonal te Ersekes dhe me pas per ne spitalin e Korces. Mjeket thane mbreme per gazeten se femijet jane ne gjendje me te rende shendetesore, pasi kane marre plage ne koke dhe pjese te trupit, por jane jashte rrezikut per jeten.
"Me gjithe nderhyrjen e menjehershme, dy prej personave, konkretisht Fatjon Shkoza dhe Sh. Shkoza, si rezultat i masivit te madh te rene, kane gjetur vdekjen", njoftoi policia vendore. Lidhur me shkaqet e tragjedise, grupi hetimor sqaroi se pese viktimat ishin brenda ne kete ndertese per te nxjerre hekur, te cilin me pas e perdornin per ta shitur si skrap. "Nga punimet e kryera ne te, kane demtuar konstruktin mbajtes te nderteses dhe per pasoje ka rene catia e saj, duke i zene te peste brenda", thuhet ne njoftimin zyrtar. Grupi hetimor po vijon hetimet dhe ka marre deshmine e familjareve te viktimave.
D. Zisi
Te vdekur:
Sh. Shkoza, 12 vjec
Fatjon Shkoza, 22 vjec
Te plagosur:
Altin Shkoza, 23 vjec
E. Shkoza, 12 vjec
K. Shkoza, 8 vjec
Kohajone
