Por rasti i Kandemir duket se është më i rëndi. Atij i është hequr një pjesë e kafkës së kokës si pasojë e dëmtimeve të rënda që ka pësuar gjatë aksidentit duke e ulur nivelin e pjesës së parme të kafkës me plot 6 milimetra.
Pasi i është nënshtruar edhe një operacioni tjetër në mes, Kandemir ka kërkuar pension invaliditeti duke qenë e ka të pamundur të punojë më, por një kërkesë e tillë i është refuzuar. Sipas raportit të dhënë nga Drejtoria e Sigurimeve Shëndetësore në Turqi, atij i është komunikuar se nuk ka asnjë humbje në fuqinë e tij të punës duke iu refuzuar edhe statuti i invaliditetit.
“Në raport theksohet se humbja e fuqisë së punës është “zero përqind”. Kam gjashtë muaj që s’kam asnjë të ardhur. Kam dy fëmijë dhe nuk kam me se t’i arsimoj. S’kam me ç’të paguaj qiranë. Më mbajnë fqinjët me ndihma. Kam nevojë për operacionet të tjera dhe për kurime, por s’kam mundësi financiare. Ata që kanë përgatitur këtë raport as që më kanë parë fare. Ky raport më nxjerr sikur jam i shëndetshëm. Atëherë le të më kthejnë shëndetin”, është apeli i Kandemir.
Pasi i kanë hequr një pjesë të kafkës së kokës që ka sjellë edhe një disnivel në pjesën e përparme të kokës prej 6 milimetrash, Kandemir thotë se i është qepur edhe damari kryesor që ushqen trurin. Ai ka nevojë për vendosjen e një kocke artificiale në kafkë por pamundësia financiare e ka lënë pa zgjidhje.