Rama: Universitetet, streha vorfnore të mjerimit akademik.

Janë një minë me sahat për të rinjtë




Kreu i PS-së, Edi Rama, duke folur në tryezën për programin e PS-së për politikat rinore, është shprehur se rinia shqiptare sot është e çoroditur dhe papunësia e tyre është pika më e thellë e papunësisë në vend. Sipas Ramës, gjendja e të rinjve është kritike, sidomos prej faktit se qeveria, për të zbutur papunësinë e tyre, ka nxitur futjen e tyre nëpër universitete, gjë që për Ramën është një minë që pritet të shpërthejë. Sipas Ramës, universitetet janë kthyer në streha vorfnore të mjerimit akademik.

“Kjo politike, e shqyerjes së dyerve të Universiteteve dhe shtyrjes së të rinjve thuajse forcërisht brenda në Universitet, është një minë me sahat që shpërthen në duart e çdo të riu me të dalë nga Universiteti. Kjo minë sakaton qindra të rinj të cilët e mbarojnë formalisht universitetin”, ka theksuar Rama.

Ai ka theksuar më tej se në universitete mungojë kushtet, financimet, motivimi i trupës akademike dhe sipas tij universiteti është katandisur në një zgafellë të errët ku luhet falsa e rritjes së numrit të studentëve dhe rënies së cilësisë.

“Zgjedhjet në Universitete s`kanë të bëjnë as me autonominë dhe as me çuarjen përpara, por me mbajtjen me pahir të një statukouje në funksion të një politike rrënuese”, shtoi Rama. Kreu i PS-së Rama theksoi se po favorizohen universitetet private dhe kjo sipas tij është heqja e gurit të fundit të themelit që do të sjellë më pas edhe shthurjen e sistemit universitar.

“Sistemi parauniversitar është në sistem punësimi dhe promovimi për shërbëtorët e qeverisë në rolin e mësuesve. Shpëlarja e trurit përmes tekstesh me skarcitet të lartë dhe propagandë ndaj nxënësve, është objektiv i shpallur i qeverisë” shtoi më tej Rama.

Sipas liderit të opozitës ka ardhur koha e një politikë e re për rininë e cila duhet t`i ketë rrënjët te shkolla dhe se qeveria, mësuesit dhe prindërit duhet të bëhen bashkë për të përmirësuar sistemin arsimor.

Pe: Rama: Universitetet, streha vorfnore të mjerimit akademik.

Po mire ku ishe ti deri sot?
Cila eshte politika jote e arsimimit?

Di qe ne shqiperi ka shume te dipllomuar por shume pak te shkolluar si rrjedhoje e nje poltike ku ne qender te vemendjes ka vetem liberalizmin e te gjitha fushave si shkencore studimore ekonomike, duke bere te mundur rritjen infalcionit te njerzeve te pashkolluar me diplome ne xhep.

Teoria qe une e kontestoj vazhdimisht eshte ajo e liberalizimit industrial si rrjedhoje e te gjitha kapitaleve qe perbejne shoqerine tone duke filluar nga kioska e deri tek liberalizimi i universiteteve, duke bere te mundur evolvimin e nje shoqerie me nuanca kanibalizmi, them kete, sepse ne nuk jemi nje shoqeri moderne me ndergjejgje te larte si p.sh. Anglia e Thacer qe vendosi per shtetin e vet teorine liberalizimit, dhe ketu eshte gabimi thelbesore perseri edhe nje here si gjithmone; ne vetem imitojme, nderkohe qe shtetet e tjera po involvojne drejt nje kulture jo liberaliste por drejt nej kulture proibicioniste.
Edhe ne rastin e mbeshtetjes se teorise liberaliste shteti shqiptar opozite dhe pozite bashke kane gabuar, pasi, ne jemi nje shtet i pa pjekur akoma nuk ka arritur kushtet e formimit te liberalizmit te mirfillte, pasi, liberalizem si fillim mbeshtjell nje nocion i cili eshte kultura e tij dhe ne kete te fundit nuk e kemi fare...etj.