Radhët në Kakavijë, udhëtarët të rrezikuar nga infektimi prej COVID-19
Një situatë e pazakontë ka ndodhur ditën e sotme në Kakavijë ku prej mëngjesit, qytetarë që duan të kalojnë kufirin, janë bllokuar nga pala greke për shkak të testimit për virusin Covid 19.
Ndonëse kërkesa e palës greke në dukje mund të jetë e drejtë, ajo çfarë nuk u mor parasysh gjatë gjithë ditës së sotme ishin grumbullimet e qytetarëve të cilët të gjendur përballë faktit, kanë dalë prej mjeteve pasi temperaturat në makinë ishin mbi normalen duke e bërë të pamundur qëndrimin në mjet.
Me fëmijë, apo të moshuar, askush nga autoritetet, qoftë shqiptare apo greke nuk mori parasysh rriskun e infektimit nga virusi covid duke mos ndërhyrë për të zgjidhur situatën e nderë të krijuar në pikën kufitare të Kakavijës.
Radha prej 35 km e automjeteve duket se s'ka shqetësuar aspak autoritetet shqiptare dhe ato greke, të cilët i kanë qëndruar vendimit për të kryer testin e tamponit për të gjithë udhëtarët.
Pa ujë, pa ushqim, udhëtarët kanë kaluar pothuajse gjithë paraditen në këto kushte çka ka shkaktuar irritim duke kërkuar menjëherë ndërhyrjen e instancave zyrtare, të cilat janë “zgjuar”. Shumë prej udhëtarëve janë shprehur se disponojnë testet që konfirmojnë se nuk janë të infektuar me covid, por pala greke nuk i ka marrë parasysh me justifikimin se do të njohë vetëm testet e kryera në spitalet shtetërore, duke iu referuar tamponit.
Ekipi i mjekëve grekë ka kryer testimet tek të gjithë udhëtarët në pritje, duke shtuar edhe më shumë orët e qëndrimit në kufi.
Në mes të temperaturave të larta, pa ujë e ushqim, panorama e përcjellë ditën e sotme në Kakavijë ka bërë jehonë edhe në mediat jashtë vendit.
Vetëm pas mesditës, forca të policisë shqiptare kanë shpërndarë ujë për qytetarët.
Në një kohë kur Shqipëria po shënon bilanc në rritje të infektuarish dhe humbje jete nga koronavirusi, në pikën e Kakavijës nuk ishte instaluar asnjë ambulancë.
Indiferencë apo pakujdesi, por sot udhëtarët do të duhet të kenë frikën e infektimit nga virusi covid, për shkak të nxitjes së grumbullimeve.
©Copyright Gazeta Shqip
www.gazeta-shqip.com
Një situatë e pazakontë ka ndodhur ditën e sotme në Kakavijë ku prej mëngjesit, qytetarë që duan të kalojnë kufirin, janë bllokuar nga pala greke për shkak të testimit për virusin Covid 19.
Ndonëse kërkesa e palës greke në dukje mund të jetë e drejtë, ajo çfarë nuk u mor parasysh gjatë gjithë ditës së sotme ishin grumbullimet e qytetarëve të cilët të gjendur përballë faktit, kanë dalë prej mjeteve pasi temperaturat në makinë ishin mbi normalen duke e bërë të pamundur qëndrimin në mjet.
Me fëmijë, apo të moshuar, askush nga autoritetet, qoftë shqiptare apo greke nuk mori parasysh rriskun e infektimit nga virusi covid duke mos ndërhyrë për të zgjidhur situatën e nderë të krijuar në pikën kufitare të Kakavijës.
Radha prej 35 km e automjeteve duket se s'ka shqetësuar aspak autoritetet shqiptare dhe ato greke, të cilët i kanë qëndruar vendimit për të kryer testin e tamponit për të gjithë udhëtarët.
Pa ujë, pa ushqim, udhëtarët kanë kaluar pothuajse gjithë paraditen në këto kushte çka ka shkaktuar irritim duke kërkuar menjëherë ndërhyrjen e instancave zyrtare, të cilat janë “zgjuar”. Shumë prej udhëtarëve janë shprehur se disponojnë testet që konfirmojnë se nuk janë të infektuar me covid, por pala greke nuk i ka marrë parasysh me justifikimin se do të njohë vetëm testet e kryera në spitalet shtetërore, duke iu referuar tamponit.
Ekipi i mjekëve grekë ka kryer testimet tek të gjithë udhëtarët në pritje, duke shtuar edhe më shumë orët e qëndrimit në kufi.
Në mes të temperaturave të larta, pa ujë e ushqim, panorama e përcjellë ditën e sotme në Kakavijë ka bërë jehonë edhe në mediat jashtë vendit.
Vetëm pas mesditës, forca të policisë shqiptare kanë shpërndarë ujë për qytetarët.
Në një kohë kur Shqipëria po shënon bilanc në rritje të infektuarish dhe humbje jete nga koronavirusi, në pikën e Kakavijës nuk ishte instaluar asnjë ambulancë.
Indiferencë apo pakujdesi, por sot udhëtarët do të duhet të kenë frikën e infektimit nga virusi covid, për shkak të nxitjes së grumbullimeve.
©Copyright Gazeta Shqip
Radhët në Kakavijë, udhëtarët të rrezikuar nga infektimi prej COVID-19 | Gazeta Shqip
Lajmet e fundit nga Shqipëria, Kosova, Maqedonia, Rajoni Bota, Politika, Ekonomia, Sporti, Showbizi e shumë e shumë tjera. Gazeta Shqip Sot, Lajmet Sot, Lajmet e Ditës, Lajmet e sotme
www.gazeta-shqip.com
