Love
βeℓℓe â๓e
- Ekspertët: “Në Shqipëri po investohet për përpunimin e qumështit, por jo për fazat paraprake. Nuk bëhen analiza të ndotjes mikrotike dhe bakteriale”.
TIRANث - Pas bllokimit në tregun kosovar të një sasie të konsiderueshme qumështi nga Shqipëria, i dyshuar për përmbajtje Alfatoksine, vijnë reagime edhe nga institucionet shqiptare.
Shefi i Zyrës për Mbrojtjen e Konsumatorëve, Altin Goxhaj thotë për ‘Shekulli”-n se “është praktikë e standardeve të BE-së, që sapo ka një sinjalizim për cënim të sigurisë ushqimore, sado i vogël dhe jozyrtar qoftë ai, merren masa bllokimi në të gjithë territorin”, thotë Goxhaj, i cili propozon se, edhe Autoriteti i Kontrollit të Ushqimit në Shqipëri duhej të bllokonte përkohësisht tregtimin e produkteve të dyshuara deri në verifikimin e analizave.
“Po sikur autoritetet në Kosovë të kenë të drejtë? Unë e di, që nëse alarmi është i pavërtetë kjo e dëmton biznesin, por më mirë të dëmtohet biznesi sesa shëndeti i konsumatorëve. Biznesi më pas mund të ndjekë një praktikë gjyqësore dëmshpërblimi”, thotë Goxhaj. Sipas tij, Alfatoksina është ndër substancat më kancerogjene në botë tek ushqimi.
Ndërkohë, sipas kryetarit të Shoqatës së Eksportuesve, Alban Zusi, “qumështi në Shqipëri është përgjithësisht një produkt problematik". Sipas tij, “investimet moderne që bëhen janë më shumë në përpunimin e qumështit, se sa në grumbullimin dhe në prodhimin e tij, etapa të cilat janë të fragmentarizuara, thuajse primitive, jashtë kontrollit dhe inspektimit, sidomos nëpër baxho. Ka edhe ferma të rregullta, por këto zënë 20-25% të prodhimit. Ndërsa pjesa tjetër merret drejtpërdrejt nga fshatarët, me shumë probleme për standardet”, analizon Zusi.
"Tek ne, analiza për yndyrën, por jo bakteriale"
“Tek ne janë tepër të rralla analizat që bëhen për qumështin dhe ato bëhen tek industrialistët e mëdhenj. Por shpesh edhe aty bëhen për përqindjen e yndyrës dhe jo për nivelet e ndotjes mikrotike dhe bakteriale. AKU dhe Ministria e Bujqësisë duhet të bëjnë analizën e rriskut të industrisë ushqimore në përgjithësi dhe analizën e rriskut për çdo sektor, siç është në rastin konkret sektori i qumështit dhe më pas masat inspektuese dhe parandaluese”.
Shekulli
