Qeveria e Kosovës reagon ndaj projektit të bashkëpunimit të EULEX me Serbinë

Ministri i brendshëm i Serbisë, Ivica Daçiq, deklaroi se është përgatitur projekti i protokollit për bashkëpunimin operativ ndërmjet kësaj ministrie dhe EULEX-it. Sipas tij, ky protokoll do të bazohet në Rezolutën 1244 dhe në raportin e sekretarit të përgjithshëm të OKB-së, Ban Ki-mun, i cili përmban planin gjashtë pikësh për bashkëpunimin e Serbisë me organet ndërkombëtare në Kosovë.
Qeveria e Kosovës ka kundërshtuar këtë nismë. Zv.kryeministri Ramë Manaj ka thënë se asnjë marrëveshje nuk mund të arrihet pa pajtimin e Qeverisë.