Këpucë, këpucë, këpucë…Për disa gra janë vërtetë obsesion! A e dini se çfarë përfaqësojnë këpucët në psikologji?! Përtej gjesteve apo shprehive të fytyrës, edhe këpucët janë tregues të personalitet dhe hyjnë në lojë në komunikimin jo verbal.
Nga këpucët që dikush mban veshur, mund të kuptosh disa gjëra dhe jo vetëm rreth statusit të tij financiar por, kryesisht, rreth tendencave emocionale. Këpucët janë një mënyrë e pandërgjegjshme për të përmirësuar imazhin, pa dashur që vëmendja të perqëndrohet te trupi. Kur trupi nuk është në formë më të mirë, njerëzit pëpiqen të ‘plotësohen’ me aksesorë që zhvendosin vëmendjen.
E kush nuk ka blerë një palë të reja, edhe kur nuk ka pasur nevojë, vetëm pse ka qenë keq me humorin?! Ndodh kështu sepse lidhja me këpucët (sigurisht, e grave) tregon për disa mekanizma kompensimi. Dëshira për të blerë këpucë i përgjigjet nevojës për të mbushur një boshllëk ekzistencial; për të përmirësuar në mënyrë të përkohshme gjendjen e brendshme, pavarësisht lidhjes që mund të kesh me të tjerët.
Personaliteti në bazë të llojit të këpucëve:
1. Këpucët që bien në sy, me ngjyra, i përkasin njerëzve të irrituar.
2. Kambalet janë tregues i një personaliteti agresiv.
3. Njerëzit që zgjedhin gjithmonë këpucë marke, të kushtueshme, tregojnë personalitet ankthioz apo janë njerëz që shqetësohen për drejtimin e marrëdhënieve të tyre.
4. Njerëzit që mbajnë për një kohë të gjatë të njëjtat këpucë, janë ata që kanë vështirësi për të krijuar marrëdhënie, nuk mendojnë për të tjerët dhe kanë tendencën të shtypin emocionet e tyre.
5. Ata që kujdesen në çdo çast që t’i mbajnë këpucët e pastra kërkojnë vëmendje me çdo kusht!
6. Këpucët me taka të larta iu përkasin karaktereve të paparashikueshëm, përveçse shumë femëror.
7. Zgjedhin atletet femrat e sigurta në vete.
8. Balerinat janë blerja e femrave naïve.
Psikologji.org
