Kresha
A pretty face can never trick me
Nga: Jorida Zaganjori
Femrat dhe meshkujt edhe pse mund te dashurohen fort, mjafton një mosmarrëveshje e vogel dhe nisin grindjet dhe sherret e gjata. Por, si të mos biem në këto kurthe, si t’i evitojmë ata.
‘Nëse mendon se unë nuk mund ta bëj vetë këtë gjë, merr ndreqe ti’ - dëgjohet nga ana tjetër e telefonit. Ç’thotë kjo gjë? Në të vërtetë asgjë të parëndomtë: burri dhe gruaja nuk u morën vesh. Ajo deshi t’i ndihmonte në mënyrë të njerëzishme, kurse ai e ka marrë atë punë me zemërngushtësi. Zënkë klasike. Një sërë kërkimesh kanë dëshmuar se meshkujt dhe femrat në forma të ndryshme i artikulojnë emocionet e veta dhe në mënyrë të ndryshme bëjnë zgjidhjen e problemeve.
1. Meshkujt nuk e thonë atë që mendojnë, kurse femrat nuk mendojnë çfarë thonë. Këtë mendim e mbështet psikologu amerikan John Gray, autor i bestsellerit ‘Meshkujt janë nga Marsi, femrat nga Venera.
2. Shkencëtarët gjermanë Allan dhe Barbara Pease (Pse meshkujt s’dinë të dëgjojnë kurse femrat nuk dinë të parkojnë) konsiderojnë se arsyeja pse s’ka pajtim në komunikimin reciprok, ekziston në faktin se edhe struktura e trurit të femrës dhe të mashkullit ndryshon. Kështu ana e majtë e trurit të meshkujve (duke përfshirë edhe qendrën e komandimit të të folurit) është më pak e palidhur me anën e djathtë, e cila ka rëndësi shumë të madhe për intuitën.
Rezultati: burrat për këtë shkak në bisedë në radhë të parë këmbejnë informacione, kurse femrat emocione.
3. Psikologu gjerman, dr. Karl Geck, mendon se burrat kryesisht kujdesen për të mirën e familjes dhe biseda e tyre para së gjithash zhvillohet në kuptimin praktik. Femrat, përkundrazi, më shumë i kushtojnë kujdes kontakteve ndërnjerëzore.
Del ky rezultat: ajo i zgjedh problemet me anë të komunikimit, kurse ai me anë të veprave. Nuk është aspak cudi pse femra mesatarisht gjatë ditës flet 23.000 fjalë, kurse burri vetëm 12.000.
Si të evitohen mosmarrëveshjet
Çfarëdo që të jetë mosmarrëveshja në shkallë të komunikimit ndërmjet mashkullit dhe femrës, po tregojmë disa mënyra si t’i evitoni ato.
1 Situata: Ajo thotë: “Ka pak sa kohë që s’kemi dalë të hamë jashtë. Në kënd të rrugës është një restorant simpatik italian…”. E merrni vesh qartë se çka po mendon, apo jo? Por, ai nuk kupton! Mënyra më e mirë: Ta thuash hapur mendimin, jo vetëm të bësh me dije. Burrat nuk i kuptojnë aludimet apo kuptimet që gjenden ndërmjet radhëve. Kështu ndodh edhe me formulimet e papërfunduara, siç janë: “Është dashur ta provojmë sërish…”. Sukses do të arrijnë vetëm deklarimet e qarta: “Kam uri. Dua të ha. Na rezervo një tryezë në restorant.”
2 - Situata: Ai është i tretur me mendime dhe vepron i dërrmuar. Ajo e pyet të dijë çfarë halli ka, tenton të bisedojë, kur ai s’i tregon, ajo nxjerr përfundimin vetë: “Të kam thënë shpesh që të mos punosh kaq shumë!”
Mënyra më e mirë: Femrat kanë prirje të kenë kujdes më shumë. Për shkak se kanë mësuar të lexojnë ndërmjet radhëve, po në të njëjtën mënyrë tentojnë të bisedojnë me partnerin e vet. Lëreni shikimin e tij të vrazhdë dhe mos ia vini mendjen injorimit të tij për të biseduar me ju, kur ta shihni se nuk ka dëshirë të bisedojë. Në vend të kësaj pyeteni sesi qëndron puna. Mosgatishmëria e tij për të biseduar me ju shpesh s’ka të bëjë fare me ju. Por, nëse keni dëshirë të mësoni më shumë gjëra për këtë, ushtroni pyetje konkrete.
3 - Situata: Ajo vjen nga puna e mbushur me hidhërim ndaj koleges që ia ka kurdisur intrigë dhe ka dëshirë që për këtë gjë të bisedojë me dikë në shtëpi. Ajo ia përshkruan detajisht situatën, kurse ai i ndërhyn, duke i thënë se çfarë duhet të bëjë me përpikëri, në vend që ta dëgjojë çfarë thotë.
Mënyra më e mirë: Meshkujt mendojnë praktikisht, pa marrë parasysh se është fjala për farë bisede apo tregti. Shumë burra nuk kuptojnë se femrat me anë të bisedës tentojnë t’ia lehtësojnë punën vetes dhe kanë dëshirë t’i dëgjojë njeriu. Burrat në situatë të këtillë reagojnë në mënyrë instinktive dhe konsiderojnë se janë kompetentë të japin menjëherë këshilla precize dhe konkrete se në çfarë mënyre ta zgjedhë problemin. Për këtë shkak duhet t’ua thuash troç: “Nuk dua këshilla. Ndihmën më të mirë do të ma bësh nëse vetëm më dëgjon!”
4 - Situata: Janë ftuar të shkojnë për një darkë dhe ai me atë rast ka vënë kravatën, të cilën ajo nuk e ka në qejf. Ajo e pyet me ironi se a e ka atë kravatë detaj të çmuar të veshjes. Ai nuk reagon dhe ajo hidhërohet: “Të kam thënë një milion herë se ky kombinim nuk ka harmoni!”
Mënyra më e mirë: Burrat në raste të këtilla të reagimit, heshtin. Nëse ekziston diçka që nuk e duan, ai është kundërshtimi. Tentoni që në vend të kundërshtimit, dëshirat tuaja t’i fusni në paketëzën e “përbashkët”: “Kam dëshirë që sonte të jemi çift simpatik. Për këtë shkak, të lutem, vishe këmishën e kaltër me këtë kravatë”.
Për cfarë të bisedojnë më së shumti?
AJO
1. Problemet personale, frikësimet, bukurinë
2. Djemtë në përgjithësi, për marrëdhëniet reciproke, për seksualitetin
3. Miqtë e përbashkët
4. Familjen, fëmijët
5. Kulturën, punët e shtëpisë, politikën
AI
1. Puna/karriera, punët e shtëpisë, politika
2. Sporti
3. Femrat
4. Veturat
5. Seksualiteti, emocionet, brengat personale.
AJO
1. Problemet personale, frikësimet, bukurinë
2. Djemtë në përgjithësi, për marrëdhëniet reciproke, për seksualitetin
3. Miqtë e përbashkët
4. Familjen, fëmijët
5. Kulturën, punët e shtëpisë, politikën
AI
1. Puna/karriera, punët e shtëpisë, politika
2. Sporti
3. Femrat
4. Veturat
5. Seksualiteti, emocionet, brengat personale.
