LeVoyageur
RDM 33 NSOE
Hajdutët u bënë armiq me Amerikën, jo vetëm sepse SPAK-ut i duhet leje nga kryehajduti për të kapur hajdutët, e kështu ka shumë hile, por edhe sepse Presidenti Donald Trump, hajdutëve skllevër, do t’u japë të njëjtën liri lëvizjeje si Kapove të 4 Klaneve mafioze dhe 20 familjeve kriminale.
Këta s’durojnë as hile as drejtësi, duan anarki.
Mungesa e shtetit të së drejtës, pështjellimi i punëve ku publiku blen sapunin për djathë e qumështin për kos, ka mpiksur trillimin artistik të krimit akrobatik.
Kërcejnë të njëjtën valle, si të pajtuarit me sistemin, si të revoltuarit me simetrinë.
Të përputhshmit me SPAK-un, pasi u rrëshqiti pak këmba nga skela e skileve, janë acaruar nga përqafimet e blera shtrenjtë për kohë të kufizuar, të përshtatshmit me pushtetin, janë tërbuar fare prej ngjarjeve që nuk mund të zhvillohen mirë në një mjedis pis.
Dorëshkrimi origjinal është vetëm në një kopje.
Hajdutët me çizme deri në gju, ata që SPAK-u u lustronte lëkurën sorosiane herë me dëshirë, herë me pahir, ndihen po aq të pa sigurt, sa edhe ata që u janë shqepur opingat me gjalmë dhe ‘i gjati’ që është keq nga shtylla kurrizore, nuk përkulet dot t’ua lidhë.
Vija lidhëse mes Mafies dhe Aleks Soros, është shkelur nga Presidenti Donald Trump dhe shkarravitur nga ca fëmijë të vegjël të fshatit që kanë mësuar shkrim e këndim andej në perëndim.
Edhe pse 34 vjeçe, demokracia është ende në fëmijëri të vet.
Lojërat e lëvizjeve të vrullshme, ku më shumë fëmijë po lindin jashtë shtëpisë së shtetit, kanë zënë fushën e oligopolëve të oligarkisë.
Në këtë kohë ku të tërë kanë forcë në treg dhe asnjëri nuk kontrollon i vetëm kontratat e kokainës, fushat e politikës, ekonomisë dhe drejtësisë, hajdutët janë bërë armiq të Amerikës, edhe pse deri sot ja kanë lëpirë akulloren me shije sorosiane./Pamfleti
View: https://youtu.be/A3--lrfv4Fs?si=EyqkhbZUx7sV8erX
