Më në fund fytyrat e dy vëllezërve Mëhillaj të akuzuar si krerët e “bandës së tritolit” janë bërë të njohurapër publikun, i cili është ftuar të bashkëpunojë me policinë për kapjen e tyre. Policia e Shtetit ka nxjerrë sot fotot e vëllezërve dhe ka ofruar një shpërblim prej 10 mijë euro për këdo shtetas i cili do të japë informacion të vlefshëm për vendodhjen e Genis dhe Andon Mëhillajt.
Arratisja e tyre fill pas arrestimit të serial-killerit Julian Sinanaj, mendohet se ka ardhur prej rrjedhjes së inforacionit nga radhët e policisë. Prokuroria ka nisur të hetojë për gjetjen e oficerëve të policisë që kanë tradhëtuar operacionin për kapjen e tyre.
Genis Mëhillaj dhe Andon Mëhillaj u përmendën nga Julian Sinanaj, I cili tashmë konsiderohet si bashkëpunëtor I drejtësisë. Sipas tij dy vëllezërit ishin dhe ndërmjetësit mes atyre që paguanin për të vrarë dhe Julianit që bënte ekzekutimet.//Mapo
