Policia greke vazhdon operacionin për kapjen e grupit të shqiptarëve të arratisur nga burgu i Trikalës, i kryesuar nga Marian Kola.
Sipas të përditshmes greke “Proto Thema”, operacioni i policisë deri më tani ka kushtuar më shumë se 1 milion euro.
Kjo gazetë shkruan në artikullin e saj se e gjithë policia greke është ngritur në këmbë për të kapur shqiptarët që u arratisën nga burgu më 22 mars. Në dispozicion të saj për ndjekjen e shqiptarëve janë vënë 2 helikopterë, 6 motoskafë, shumë komando EKAM, gjurmues të ushtrisë, 2 skuadra zhytësish, qindra policë në zonat ku janë kryer operacionet, si dhe pajisje të tjera të teknologjisë së lartë.
Kostoja e helikopterit kap shifrën rreth 100 mijë euro vetëm për karburantin, plus koston për mirëmbajtjen. Por të kushtueshme janë edhe lëvizjet e tjera, ndaj nëse nuk do arrihet dot kapja e të arratisurve, 1 milion eurot do ta thellojnë akoma më shumë dështimin e policisë greke, të zhytur në krizë si vetë vendi. /alb-observer/