Kalamatë/ Pas ngjarjes së bujshme, polici mbahet nën arrest në spitalin e qytetit
Një grua e re, emigrante shqiptare, është bërë objekt i terrorit psikologjik për muaj të tërë dhe në orët e para të ditës së djeshme i ka shpëtuar përdhunimit nga një polic grek 42-vjeçar, i cili pasi u përlesh me të shoqin, tani gjendet në spital. Sipas agjencisë së lajmeve NOA, ngjarja ka ndodhur në orën 04:30 të ditës së djeshme në Petalidi, qytet i rajonit Kalamatë në Greqi. Prokuroria ka urdhëruar arrestin në kushte spitalore për policin 42-vjeçar që sulmoi banesën e çiftit shqiptar, me synimin për të shuar epshet seksuale me nusen e re. Nga hetimi i kryer prej policisë së Kalamatës, u zbardh se ngjarja kishte pikënisje prej disa muajsh. Polici 42-vjeçar, emri i të cilit nuk u publikua, kryente shërbimin në Petalidi dhe atje kishte pikasur një 24-vjeçare shqiptare. Edhe pse e dinte fare mirë se ajo ishte e martuar dhe jetonte me të shoqin, 42-vjeçari polic e ngacmonte atë sa herë që të mundte, duke i demonstruar se ishte i dashuruar me të. Natën duke gdhirë dita e djeshme (e premte), 42-vjeçari, si zakonisht, ka shkuar sërish në orët e mbrëmjes në restorant, "për të darkuar", ka qëndruar nja dy orë dhe është larguar. Por jo për të kaluar natën me gruan dhe familjen e tij, por për t‘i zënë pritë 24-vjeçares. Në orën 04:30, duke parë se makina e 28-vjeçarit shqiptar nuk gjendej pranë shtëpisë ku ata qëndronin me qira, ka parkuar makinën e vet, pikërisht në afërsi të banesës dhe ka nisur realizimin e planit. "Punonjësi i policisë ishte në orarin e shërbimit, i armatosur dhe me uniformën zyrtare të policisë, kur theu dritaren e pasme të banesës së çiftit emigrant dhe hyri në dhomën e gjumit, në përpjekje për të abuzuar seksualisht me 24-vjeçaren", saktësoi policia e Kalamatës. Por sapo ka hyrë në dhomën ku kishte menduar se do të gjente vetëm të renë, është shtangur kur në shtrat ka dalluar se gjendej në gjumë edhe i shoqi. Këtu ka nisur përleshja mes dy burrave. Si pasojë e përdorimit të forcës fizike por jo armëve, 42-vjeçari ka marrë plagë të shumta në trup dhe në kokë, por i lënduar ka mbetur edhe emigranti 28-vjeçar. Burrë e grua e kanë lidhur me prangat që kishte në brez 42-vjeçarin dhe kanë njoftuar policinë dhe prokurorinë.
Një grua e re, emigrante shqiptare, është bërë objekt i terrorit psikologjik për muaj të tërë dhe në orët e para të ditës së djeshme i ka shpëtuar përdhunimit nga një polic grek 42-vjeçar, i cili pasi u përlesh me të shoqin, tani gjendet në spital. Sipas agjencisë së lajmeve NOA, ngjarja ka ndodhur në orën 04:30 të ditës së djeshme në Petalidi, qytet i rajonit Kalamatë në Greqi. Prokuroria ka urdhëruar arrestin në kushte spitalore për policin 42-vjeçar që sulmoi banesën e çiftit shqiptar, me synimin për të shuar epshet seksuale me nusen e re. Nga hetimi i kryer prej policisë së Kalamatës, u zbardh se ngjarja kishte pikënisje prej disa muajsh. Polici 42-vjeçar, emri i të cilit nuk u publikua, kryente shërbimin në Petalidi dhe atje kishte pikasur një 24-vjeçare shqiptare. Edhe pse e dinte fare mirë se ajo ishte e martuar dhe jetonte me të shoqin, 42-vjeçari polic e ngacmonte atë sa herë që të mundte, duke i demonstruar se ishte i dashuruar me të. Natën duke gdhirë dita e djeshme (e premte), 42-vjeçari, si zakonisht, ka shkuar sërish në orët e mbrëmjes në restorant, "për të darkuar", ka qëndruar nja dy orë dhe është larguar. Por jo për të kaluar natën me gruan dhe familjen e tij, por për t‘i zënë pritë 24-vjeçares. Në orën 04:30, duke parë se makina e 28-vjeçarit shqiptar nuk gjendej pranë shtëpisë ku ata qëndronin me qira, ka parkuar makinën e vet, pikërisht në afërsi të banesës dhe ka nisur realizimin e planit. "Punonjësi i policisë ishte në orarin e shërbimit, i armatosur dhe me uniformën zyrtare të policisë, kur theu dritaren e pasme të banesës së çiftit emigrant dhe hyri në dhomën e gjumit, në përpjekje për të abuzuar seksualisht me 24-vjeçaren", saktësoi policia e Kalamatës. Por sapo ka hyrë në dhomën ku kishte menduar se do të gjente vetëm të renë, është shtangur kur në shtrat ka dalluar se gjendej në gjumë edhe i shoqi. Këtu ka nisur përleshja mes dy burrave. Si pasojë e përdorimit të forcës fizike por jo armëve, 42-vjeçari ka marrë plagë të shumta në trup dhe në kokë, por i lënduar ka mbetur edhe emigranti 28-vjeçar. Burrë e grua e kanë lidhur me prangat që kishte në brez 42-vjeçarin dhe kanë njoftuar policinë dhe prokurorinë.