Lauri
Anunnak
Në një intervistë për Zërin e Amerikës, kryetari i AAK-së, Ramush Haradinaj, sërish ka trajtuar çështjen e fesë islame. Sipas tij, shqiptarët, tani po përballen me një rrezik të madh të përhapjes të siç thotë ai, islamit radikal. "Ka një tendencë që në Kosovë të depërtojë ose të kultivohet një frymë e rrezikshme islame, ta quaj ashtu, e cila vjen nga lëvizje të caktuara të rrezikshme po ashtu, fundamentaliste nëpër botë, të cilat provojnë me krijue terren dhe me rekrutue njerëz në Kosovë. Kosovarët, shumica janë mysliman, por janë mysliman, ta quaj, autokton me vlerat e tyre. Kemi edhe katolikë, shqiptarët janë po ashtu edhe të besimit ortodoks, pra e kemi një tolerancë fetare jashtëzakonisht të njohur dhe të kultivuar me shekuj. Jemi autokton si popull, kemi identitetin tonë shqiptar, mirëpo ka tendenca të vazhdueshme me mbjellë tek ne, tek shqiptarët në Kosovë, në Shqipëri, në Maqedoni, kudo që jemi realisht, një frymë ta quaj, radikale, ekstremiste, islame, që është e dëmshme për Kosovën, e cila është e dëmshme për shqiptarët, e cila nuk përputhet me identitetin tonë, me vlerat tona. Në këtë drejtim mendoj edhe shkuarja e shqiptarëve nga Kosova, ose nga rajoni për të luftuar në Siri, nuk mendoj se është në përputhje me frymën e lirisë, ose me bindje të lirisë universale, të së drejtës së popujve të jetojnë të lirë nga regjimet. Mendoj se është kryesisht produkt i këtyre lëvizjeve dhe është i rrezikshëm ky veprim dhe mendoj që cilido qytetar i Kosovës që e merr një veprim të tillë, ai është duke ndërmarrë një veprim kundër interesit të Kosovës, të shqiptarëve dhe kundër vlerave universale tonat që i kemi si popull, si vend".
Sipas Haradinajt, Kosova po rrezikohet nga lëvizjet e tilla. "Nuk duhet neglizhuar, nuk duhet mohuar. Duhet me u përballë ashtu si përballen të gjitha shoqëritë në botë me fenomene, me dukuri që janë të dëmshme ose të rrezikshme për to. Edhe Kosova edhe shqiptarët duhet të përballen me to".
Madje Haradinaj ankohet se institucionet e Kosovës nuk po bëjnë sa duhet në këtë "luftë". "Mendoj se aktualisht nuk e bëjmë mjaftueshëm punën tonë, institucionet, arsimi, mediet, të gjithë me e shpjegue dallim në mes të drejtës në besim, që është një e drejtë po ashtu universale e për të cilën ne shqiptarët jemi të njohur për respektim e tolerancë dhe të influencave ose të lëvizjeve të rrezikshme realisht që kanë bërë dëme në të gjitha vendet prej nga vijnë e të cilat janë të rrezikshme për cilindo vend që infiltrohen ose instalohen në atë vend", ka theksuar Haradinaj.
Muajt e fundit, lideri i AAK-së është ndër më të zëshmit që merret me çështjen e fesë. /SHENJA/
Sipas Haradinajt, Kosova po rrezikohet nga lëvizjet e tilla. "Nuk duhet neglizhuar, nuk duhet mohuar. Duhet me u përballë ashtu si përballen të gjitha shoqëritë në botë me fenomene, me dukuri që janë të dëmshme ose të rrezikshme për to. Edhe Kosova edhe shqiptarët duhet të përballen me to".
Madje Haradinaj ankohet se institucionet e Kosovës nuk po bëjnë sa duhet në këtë "luftë". "Mendoj se aktualisht nuk e bëjmë mjaftueshëm punën tonë, institucionet, arsimi, mediet, të gjithë me e shpjegue dallim në mes të drejtës në besim, që është një e drejtë po ashtu universale e për të cilën ne shqiptarët jemi të njohur për respektim e tolerancë dhe të influencave ose të lëvizjeve të rrezikshme realisht që kanë bërë dëme në të gjitha vendet prej nga vijnë e të cilat janë të rrezikshme për cilindo vend që infiltrohen ose instalohen në atë vend", ka theksuar Haradinaj.
Muajt e fundit, lideri i AAK-së është ndër më të zëshmit që merret me çështjen e fesë. /SHENJA/