Përmbytje në gjithë vendin, humbin jetën 2 persona

Titulli: Përmbytje në gjithë vendin, humbin jetën 2 persona

Moti i keq në Vlorë, 300 pasagjerë të bllokuar në det



Moti i keq i orëve të fundit ka sjellë erëra të fuqishme dhe dallgë në det. Për pasojë dy tragetë të cilët bëjnë linjën Vlorë-Brindisi nuk kanë mundur të ankorohen mëngjesin e sotëm në kalatat e portit të Vlorës, pasi dallgët arrinin në 6 ballë brenda gjirit dhe 7-8 ballë në det të hapur.

Era që frynte rreth 15 m/s ka sjellë vështirësi për ankormin e trageteve në kalata. Si pasojë që prej orës 07:00 të dy tragetet kanë dalë në Radë.

Në bordin e trageteve janë 250 pasagjerë në njërin traget dhe 50 pasagjerë në tragetin tjetër, të cilët presin të qetësohet moti dhe të dalin në tokë.

Burime nga kapiteneria bëjnë me dije se është pezulluar lundrimi i anijeve të peshkimit deri në qetësimin e motit. Në disa zona ka patur edhe shkëputje të energjisë eletrike si pasojë e erërave të forta.
g.shqip

Titulli: Përmbytje në gjithë vendin, humbin jetën 2 persona

Tmerr ......dhe nuk pritet me diell por vetem shi dhe permbytje
Shyqyr mbyllen shkollat te pakten,

Titulli: Përmbytje në gjithë vendin, humbin jetën 2 persona

Nevertiti po paguajme ate qe i kemi bere mjedisit keto 25 vitet e fundit. E kemi masakruar ambjentin ku jetojme, kemi prere pyjet, shkaterruar argjinaturat dhe shtratet e lumenjve, abuzuar me reren e brigjeve dhe bllokuar kanalet. Eshte rritur ne shifra te frikshme erozionin, demtuar ne menyre te pandreqshme gjithe punen e bere per 45 vjet ne stabilizmin dhe venien nen kontroll te ujrave...

Nuk ka sesi te ndodhe ndryshe. Ne nje vend ku cdo qeveri qe vjen e ka mendjen te vjedh e grabise, ku paligjshmeria, pasurimi ne rruge ilegale, vjedhja e korrupsioni jane te institucionalizuara dhe te pranueshme nga qytetaret, ku vete keta qytetare nuk kane as ndjenjen me elementare te respektimit te ambjentit ku jetojne, eshte mese e pritshme qe te ndodhin katastrofa te kesaj natyre.

Le te merren njerezit kafeneve me Ramen e Meten, Berishen e Bashen. Nderkohe cdo gje ne kete vend po shkaterrohet ne menyre te pariparueshme.

hajduti

Titulli: Përmbytje në gjithë vendin, humbin jetën 2 persona

Ministria e Bujqësisë: 1180 hektarë tokë të përmbytura



Ministria e Bujqësisë, Zhvillimit Rural dhe Administrimit të Ujërave, njofton se pas reshjeve përgjatë datës 07.011.2016 dhe në orët e para të datës 08.11.2016, në disa rrethe të vendit ka pasur probleme, ku si pasojë, disa zona janë përmbytur.

Nga informacionet që Ministria e Bujqësisë ka nga Drejtorinë e Bujqësisë ne rrethe, deri në orën 10:30 të ditës së sotme, situata është si më poshtë:

Qarku Shkodër

Rreth 200 hektarë tokë gjenden nën ujë në Njësinë Administrative Bushat, në zonën e Urës së Dedë Gjon Lulit. Rruga nacionale nuk ka pasur probleme, ndërkohë që uji i është afruar Harkut të Bërdicës. Ndërkohë që lumenjtë Buna dhe Drini janë afër kuotave maksimale.

Përmbytja nuk është shkaktuar si pasojë e reshjeve në atë zonë, por e prurjeve. Deri tani nuk ka shtëpi apo biznese të përmbytura.

Hidrovoret dhe kanalet kulluese janë në funksionim të plotë, mjetet e mundshme janë në gatishmëri, ndërkohë që situata po monitorohet nga strukturat e Ministrisë së Bujqësisë.

Qarku Lezhë

Nga informimet që vijnë nga terreni, situata e reshjeve dhe përmbytjeve në Qarkun Lezhë është si më poshtë:

Në Zadrime kane rënë 64 mm shi, në Lezhë 52 mm shi, Bregun e Matit 60 mm shi dhe në Kurbin rreth 90 mm. Lumi Drin, në territorin e Zadrimës është në kuotë 1.50 nga 2.2 që është pika kritike. Ne Balldre, tek Hidrovori, kuata e kanalit kryesor është -2.15, nga -1.5 që është pika kritike. Në Tale, kuata eshte -1.8, nga -1 që është pika kritike.

Në Shllinza, kuota -1.5 nga -1 që është pika kritike dhe Droje të Kurbinit, kuota -0.7, nga -0.5 që është pika kritike.

Deri në këto momente nuk ka probleme me kanalet e ujërave te larta dhe aktualisht ka rreth 130 ha nën ujë, në Bregun e Matit (Spiten, Markatomaj, Tresh rreth 70 ha dhe Tale rreth 60 ha. Në Barbulloje rreth 50 ha, Balldre-Torovicë rreth 400 ha, Zadrime (Baqel) rreth 50 ha. Probleme ka në Gjorm dhe Zheje të Bashkise Kurbin, ku ka përmbytje edhe të shtëpive, për shkak të shkarkimit të rezervuarit që administrohet nga Bashkia, si dhe te reshjeve të shumta që kanë rënë. Ne zonën Fushe-Kuqe ka rreth 90 ha tokë nën ujë.

Gjatë natës ka pasur ndërprerje të shkurtra të energjisë elektrike, në orën 02 dhe 05 të mëngjesit, përkatësisht 5 minuta dhe 20 minuta.

Të gjithë specialistët e strukturave të Drejtorisë së Bujqësisë ndodhen në terren.

Qarku Gjirokastër

Në Qarkun Gjirokastër, si pasojë e reshjeve të dy ditëve të fundit, janë të përmbytura rreth 130 hektarë tokë. Nga këto, 120 në Njësinë Administrative Gjirokastër. 30 hektarë në Lazarat, 30 hektarë në Antigone dhe fshatin Arshi Lengo, 60 hektarë në Lunxhëri (zona Topullaraj-Valare) dhe 10 hektarë në Libohovë.

Në rrethet Tepelenë dhe Përmet nuk ka pasur probleme, ndërkohë që reshjet e shiut janë ndërprerë.

Të gjitha strukturat ndodhen në gatishmëri, ndërsa nuk ka të përmbytura banesa apo objekte të tjera.

Titulli: Përmbytje në gjithë vendin, humbin jetën 2 persona

Hera pere qe nuk po flet si demokrat

Titulli: Përmbytje në gjithë vendin, humbin jetën 2 persona

Abis said:

Hera pere qe nuk po flet si demokrat

Click to expand...

hahahahha ate po mendoja e une ...o me lot kam qesh

Hej...mgjth ka thene nje te vertete te madhe!

Sepse pasojat realisht po i vuajme ne!

Titulli: Përmbytje në gjithë vendin, humbin jetën 2 persona

Ja mbathni neper male

Vlora Vloraaaa, ata te mbajn ne port kot pale tani me kete motin keshtu. Apapa.

Titulli: Përmbytje në gjithë vendin, humbin jetën 2 persona

Didi said:

Ja mbathni neper male

Vlora Vloraaaa, ata te mbajn ne port kot pale tani me kete motin keshtu. Apapa.

Click to expand...

Malet i kane zhveshur....apo te rreshkasim me gjithe mal

Titulli: Përmbytje në gjithë vendin, humbin jetën 2 persona

Pse nuk investojne ne kanale kulluese por njeri i jepte prioritet rrugeve ky tani palmave dhe shesheve?

Titulli: Përmbytje në gjithë vendin, humbin jetën 2 persona

Përmbytjet, ushtria ngre helikopterin “Cougar”



Forcat Ajrore kanë nisur me urgjencë një helikopter “Cougar” në Burrel për shpëtimin e një familjeje me pesë anëtarë të bllokuar nga përmbytja. Në Lezhë efektivë të Forcave të Armatosura janë duke punuar tek nënstacioni për të penguar rrjedhjen e ujrave në dy drejtime, në mënyrë që të shmanget përmbytja e qytetit.

Aktualisht po punohet edhe tek shkolla 9 vjeçare “Kosova” që ndodhet në qendër të Lezhës si dhe tek Konvikti i Shkollës së mesme Ekonomike.

Në Lezhë 30 trupa të ushtrisë dhe 9 mjete të kalueshmërisë së lartë janë ende në terren në ndihmë të banorëve për shpëtimin dhe evakuimin e tyre. Edhe në rrethin e Matit, në Qarkun e Dibrës janë në operacion efektivë të Forcave të Armatosura dhe 2 mjete të kalueshmërisë së lartë, në shërbim të Shtabit të Emergjencave Civile, në ndihmë të shpëtimit dhe të evakuimit të qytetarëve.

Operacioni i ushtrisë për evakuimin e qytetarëve po vijon me të njejtin intensitet dhe në Fushë-Krujë, në Borizanë dhe Derven, si dhe në zonat në periferi të Tiranës.


Bllokohet autostrada Tiranë-Durrës, disa banesa rrezikojnë përmbytjen

To view this content we will need your consent to set third party cookies.
For more detailed information, see our cookies page.

Accept third party cookies

Reshjet e dendura të shiut gjatë orëve të fundit kanë shkaktuar probleme të shumta, një prej të cilave është edhe bllokimi i disa prej akseve rrugore, siç është edhe autostrada Tiranë-Durrës. Pas situtatës së krijuar për shkak të reshjeve, me urdhër të ministrit Saimir Tahiri pranë çdo Prefekture janë mbledhur Shtabet e Emergjencave.

Për shkak të reshjeve të dendura të shiut në aksin rrrugor Tiranë-Durrës janë përmbytur pjesë të ndryshme të autostradës, ndërkohë disa banesa në kthesën e Kasharit rrezikohen të përmbyten.

Bëhet e ditur se policia rrugore ka ndërhyrë duke evakuuar disa qytetarë të cilët kishin mbetur të bllokuar në makina. Aktualisht qarkullimi i automjeteve në drejtim të Durrësit bëhet vetëm nga rruga e vjetër e Ndroqit.

Zonat më problematike për momentin janë: Autostrada Tiranë-Durrës në segmentin kthesa e Kasharit - Vorë është e bllokuar nga vërshimi i ujërave, ku niveli i ujit tek kthesa e Kasharit ka arritur deri në 50 centimetra.

Situatë problematike ndërkohë paraqitet edhe në aksin Lezhë - Shkodër, te Harku i Bërdicës, ku për shkak të vërshimit të ujërave të lumit Drin qarkullimi kryhet me vështirësi në drejtim të Velipojës.

Drejtoria e Përgjithshme e Emergjencave Civile u kërkon të gjithë qytetarëve të minimizojnë qarkullimin me automjete për shkak të situatës së krijuar, e të qëndrojnë larg lumenjve. Gjithashtu këshillohet që fëmijët të mos lëvizin të pa shoqëruar nga të rriturit.

Meteororlogët ndërkohë parashikojnë se situata do të jetë e ngjashme përgjatë gjithë ditës së sotme ku parashikohen shira të dendur dhe erëra.

/ Top Channel

Titulli: Përmbytje në gjithë vendin, humbin jetën 2 persona

Abis said:

Hera pere qe nuk po flet si demokrat

Click to expand...

Kjo fatkeqesi na perket te gjitheve pa dallim. Keto do te jene dite te veshtira per te gjithe ne. Fatkeqesisht numri i viktimave eshte 4 deri me tani, ku shume gjera dhe pajisje do jene prishur, me qindra bageti do te jene mbytur dhe sikur nuk mjafton keto parashikimet e motit thone qe neser do te kete shira akoma me intensive dhe kuptohet qe prurjet do te jene te medha.

hajduti

Titulli: Përmbytje në gjithë vendin, humbin jetën 2 persona

Edisongen said:

Pse nuk investojne ne kanale kulluese por njeri i jepte prioritet rrugeve ky tani palmave dhe shesheve?

Click to expand...

me gjithe ate shi qe ra...e qe pritet te bie ska kanal kullues qe e thith
tani situata te tilla ndodhin kudo ne bote...

Titulli: Përmbytje në gjithë vendin, humbin jetën 2 persona

Situata e përmbytjeve, Rama mbledh Shtabin e Emergjencave



Kryeministri Edi Rama mblodhi Shtabin e Emergjencave për të bërë një analizë të situatës të shkaktuar si pasojë e reshjeve të dendura të ditëve të fundit.

Përveç përmbytjeve të shkaktuara nga lumi i Vjosës, mësohet se problematike situata paraqitet edhe në zonën e Lezhës, ku sipas ministres së Mbrojtjes, Mimi Kodheli, e cila tha se në terren ndodhen edhe forcat e ushtrisë, në Lezhë janë evakuuar 24 banorë.

Ndërkohë, në zonën e Shkodrës , sipas ministrit Gjiknuri, nuk ka rrezik për përmbytje. Ai tha gjithashtu se edhe furnizimi me energji elektrike po shkon drejt normalizimit.
g.shqip

Titulli: Përmbytje në gjithë vendin, humbin jetën 2 persona

Moti i keq, rrugë të përmbytura dhe rrëshqitje dherash



Reshjet e shiut të rëna gjatë orëve të paradites së sotme dhe gjatë natës kanë shkaktuar një sërë problemesh në akset kryesore të vendit. Ministria e Transportit ka bërë një përmbledhje të situatës për qarqet që janë prekur nga përmbytjet

Qarku Tiranë

Ka reshje të dendura në të gjithë qarkun. Në segmentin rrugor Tiranë –Durrës, në rrugën që shkon për tek nënkalimi i “City Park”, rruga është e bllokuar pasi ka një cedim ( ulje të madhe). Janë marrë masat me plotësim sinjalistike. Po punohet nga firma kontraktore për normalizimin e situatës. Deri tani superstrada Tirane –Durrës nuk ka probleme për qarkullimin. Ne segmentin rrugor Lanabregas – Uzina Traktori, ka prani të ujit në rrugë. Firma po punon për zhbllokimin e tombinos me mjete dhe punëtorë, si dhe po bën mbushjen e pjesës së poshtme të saj me materiale Nuk ka problem për qarkullimin në këtë segment.

Qarku Durrës

Në zonën e Shkëmbit të Kavajës, ka prani të ujit në rrugë. Kontraktori po punon me mjete dhe forca për largimin e ujit me anë të pompave.

Grumbullim aluvionesh ka edhe tek rruga e Spillesë, por po pastrohen nga kontraktori. Në të gjitha akset e tjera qarkullohet normalisht.

Qarku Vlorë

Në aksin Qafa e Dushkut – Kuç, është dëmtuar ura që lidh Lepenicën me Brataj, nga prurjet e lumit. Kalimi është devijuar deri në ndërtimin e një ure të re.

Qarku Kukës

Ka reshje shiu në të gjithë qarkun. Në disa nga akset e këtij Qarku ka prani të materialeve në rrugë. Firmat kontraktore po punojnë me mjete dhe fuqi punëtore për pastrimin e akseve.

Në aksin Kukës – Qafë Shllak, ku ka patur një shëmbje të rrugës, kalimi kryhet vetëm për mjetet e vogla dhe furgonat. Firma kontraktore po punon për mbajtjen nën kontroll të situatës. Situata e pandryshuar prej disa ditësh. Në aksin Krume – Qafë Prush, në Vlanë, ka një shembje në gjatësi rreth 50 ml dhe rruga është 1 kalimshme. Pjesa tjetër e aksit nuk ka probleme për qarkullimin. Situata e pandryshuar prej disa ditësh.

Qarku Dibër

Ka reshje shiu në të gjithë qarkun. Në disa akse të këtij Qarku ka prani të materialeve dhe uji në rrugë, por pa problem për qarkullimin e mjeteve. Firmat kontraktore po punojnë me mjete dhe fuqi punëtore të shtuar për pastrimin e akseve.

Aksin K. Hadroj – Qafe Benë, është hapur me dy kalime në të gjithë gjatësinë e tij. Megjithatë herë pas herë ka rënie gurësh e dherash nga reshjet. Firma kontraktore po bën pastrimin e aksit. Situata tek tuneli i Gjegjanit është normalizuar dhe rruga është e hapur. Po punohet nga kontraktori për pastrimin e saj nga dherat . Në aksin Skuraj–Burrel, ka dëmtime të shpatullave të urës në hyrje të Klosit, nga prurjet e lumit.

Qarku Shkodër

Në disa akse të këtij Qarku ka probleme, siç janë: Shkodër – Qafë Qele, ku ka shembje të trupit të rrugës. Te Harku i Berdicës, situata është normalizuar, qarkullimi kryhet normalisht. Në të gjitha akset po punohet me forca dhe mjete për pastrimin e akseve. Qarkullimi është normal.

Në akset Pukë – Fushë Arrëz, Fushë Arrëz – Qafë Mali – Qafë Shllak, ka patur rënie gurësh e dherash në rrugë. Kontraktorët e akseve po punojnë për pastrimin e akseve. Qarkullimi është normal në këto akse.

Edhe në aksin Qafë Mali – Fierzë, ka patur renie gurësh e dherash, të cilat po pastrohen nga kontraktori. Në këtë aks kontraktori ka bërë pastrimin e kunetave, tombinove dhe kanaleve anësore të rrugës.

Rënie gurësh e dherash ka patur edhe në akset Qafe Laç – Koman dhe Hani i Hotit – Tamare, si pasojë e reshjeve të natës së kaluar. Kontraktorët kanë bërë pastrimin e akseve dhe qarkullimi është normal në këto akse.

Në aksin B. Curri – Valbonë, prurjet e shumta kanë gërryer një pjesë të rrugës. Në vend ka prani të mjeteve dhe fuqi punëtorë të shtuar të kontraktorit, të cilët bëjnë pastrimin e aksit nga rënia e herë pas hershme e gurëve dhe dherave. ثshtë vendosur sinjalistika përkatëse që tregon ngushtimin e seksionit të rrugës. Në këto momente rruga është hapur me një kalim. Në akset e Tropojës ka patur rënie gurësh dhe dherash në rrugë, që po pastrohen nga kontraktorët.
g.shqip