Përkujtohet institucionalisht 9 Korriku i vitit 1997

Përkujtohet institucionalisht 9 Korriku i vitit 1997 dhe dëshmorët e flamurit kombëtar shqiptar
08.07.2010
Nën patronazhin e kryetarit të komunës së Gostivarit prof.dr. Rufi Osmani, janë duke u zhvilluar një sërë aktivitetesh për shënimin e 13 vjetorit të ngjarjeve tragjike të 9 Korrikut 1997, si dhe Kryengritjes së armatosur të vitit 2001.

Nëpër rrugët e qytetit dhe në disa fshatra janë vendosur transparentë: “Dëshmorët e kombit nuk vdesin kurrë” dhe është hera e parë që në këtë datë të rëndësishme, të vendosen flamujt kombëtar në për qytet.

Më 9 korrik do të bëhen homazhe mbi varret e dëshmorëve edhe atë:
- Në orën 10.00 homazhe mbi varrin e dëshmorit Isë Fazliu në fshatin Banjicë e Poshtme
- Në orën 10.30 homazhe mbi varrin e dëshmorit Nazmi Saliu në fshatin Turçan i Vogël
- Në orën 11.00 homazh mbi varrin e dëshmorit dr.Shpend Iseini në fshatin Forinë
- Në orën 12.00 homazh mbi varrin e dëshmorit Milaim Dauti në fshatin Dobërdoll
- Në orën 12.30 homazh mbi varrin e dëshmorit Naser Ademi në fshatin Negotinël
Homazhet do të përcillen edhe me ceremoni fetare.

Akademia përkujtimore do të mbahet në orën 20.00 në Qendrën për kulturë, për ku janë ftuar mysafirë të shumtë, ndërmjet të cilëve edhe ambasadorët e Republikës së Shqipërisë dhe Republikës së Kosovës.

Kryetari komunës së Gostivarit, fton qytetarët që të shprehin respekt ndaj sakrificës kombëtare duke u bërë pjesë përbërëse e këtij organizimi.

Shërbimi për informim – Komuna e Gostivarit