PDSH: Urgjentisht të njihet pavarësia e Kosovës

Partia Demokratike Shqiptare përmes sekretarit të përgjithshëm të saj, Imer Aliu, të shtunën ka kërkuar nga Maqedonia që urgjentisht të njohë pavarësinë e Kosovës.

Aliu, në një komunikim të drejtpërdrejtë me mediat i rikujtoi opinionit publik se PDSH-ja para pak kohësh i dorëzoi parlamentit rezolutën për njohjen e pavarësisë së Kosovës, por që rezoluta fatkeqësisht nuk është marrë në konsideratë nga ana e kryeparlamentarit dhe nuk është vendosur në rend dite.

Prandaj, PDSH-ja ka kërkuar urgjentisht nga kryetari i Parlamentit të Maqedonisë dhe nga shumica parlamentare, që rezoluta për njohjen e pavarësisë së Kosovës të vendoset të rënd dite me çka Maqedonia të pranojë pavarësinë e Kosovës.

“Të gjithë jemi dëshmitarë se Maqedonia po e zvarrit pa asnjë nevojë njohjen e shtetit të Kosovës, njohja e të cilit do të ndikonte ndjeshëm në stabilitetin e rajonit dhe do të ishte konform kërkesës së një pjesë të madhe të popullatës për njohje urgjente të pavarësisë së Republikës së Kosovës. اdo arsyetim dhe çdo vonesë e mëtejme do të ishte në dëm të stabilitetit të Maqedonisë dhe të rajonit”, ka thënë me këtë rast Aliu. /Telegrafi/

Kam pershtypjen qe shqipetaret e maqedonise nuk po bejne aq sa duhet, sidomos partite politike ne kete aspekt. Eshte e logjikshme qe maqedonasit vete te mos e pranonje realitetin ku vetem pak vite me perpara kane qene ne linjen e mosnjohjes se kosoves dhe tani realiteti dhe preionet nga jashte pa fund per njohje.

Ajo qe do ta njohe, do ta njohe, por pse ta vonoje...

Dikush qan e dikush qesh... Tashme Kosova do te qeshi gjithmone. Mendoj se sdo te kete me kthim prapa per Kosoven.

Mendoj qe jo vetem presioni i brendshem psikologjik i partive shqiptare ne maqedoni do te mjaftonte, nuk do te mjaftonte presioni i jashtem i politikes Shqiptare mbi politiken Maqedonese, Shqiperia e cila edhe kjo ne politike nuk po ben me as gje per ceshtjen ne fjale!