Parregullsitë në Kuvendin e Kosovës

Raporti i monitorimit të Kuvendi të Kosovës nga ana e KDI nxjerr në pahë një varg parregullsish nga ana e institucionit me të lartë shtetërore.


Kuvendi i Kosovës, përkundër vërejtjeve të vazhdueshme që po merr nga shoqëria civile për parregullsitë qe po e përcjellin në vazhdimësi punën e tij, ky institucion nuk po ndërmerr asnjë veprim që parregullsi të tilla të evitohen në mënyrë që puna e Kuvendit të Kosovës të jetë më efikase dhe në përputhje të plotë me Rregulloren e Punës së Kuvend.

Parregullsitë sipas KDI kanë të bëjnë me:
• Vonesat e Qeverisë për t’i proceduar P/Ligjet në Kuvend sipas strategjisë së saj legjislative;
• Mosrespektimin e afateve të procedimit te P/Ligjeve nga leximi i parë deri në leximin e dytë (13 P/ligje);
• Deputetët nënshkruhen në listën e pjesëmarrësve pas përfundimit të mbledhjes ( Lutfi Haziri me 25.11.2009 pas mbledhje së Komisonit për Mbikëqyrjen e Agjensionit Kosovar për Inteligjencë si dhe Shkumbin Demëaliaj me 25.11.2009 pas mbledhjes së Komisionit për Punë të Brendshme dhe Siguri);
• Mosrespektimin e orarit të fillimit të seancave plenare dhe mbledhjeve të komisioneve parlamentare,
• Mos votimi në mbledhjet e komisioneve sipas formave të parapara me Rregullore;
• Mospublikimi me kohë i procesverbaleve të mbledhjeve të komisioneve parlamentare.

Gjithashtu gjatë kësaj periudhe raportuese përsëri është anuluar edhe një mbledhje të komisionit parlamentar për shkak të mungesës së kuorumit, ajo e Komisionit për Ekonomi, Tregti, Industri Energjetikë,Transport dhe Telekomunikacion me 03.11.2009.//lajme