eGo0sTyle
System Engineer
Buroja e Kuvendit nën drejtimin e kryetares së Kuvendit, Jozefina Topalli, mori vendim për ngritjen një grupi historianësh dhe juristësh për përcaktimin e fillimit të historikut të parlamentarizmit në shtetin shqiptar. Kjo do të thotë se ky grup do të shqyrtojë legjislaturat shqiptare dhe do të vendose heqjen e atyre të kohës së komunizmit, të cilat kanë qenë thjesht formale dhe kanë miratuar ligje në mënyrë jolegjitime. Konkretisht, Shqipëria sot llogarit se indohet në legjislaturën e 18-të që nga krijimi i shtetit shqiptar, por kjo shifër pritet të ulet. “Grupi i historianëve dhe juristeve në bazë të përcaktimit të fillimit të parlamentarizmit do të bëjë edhe rillogaritjen e numrit të legjislaturave. Grupi i historianëve dhe juristeve do të përbëhet nga anëtarë, të cilët duhet të jenë historianë dhe juristë të shquar dhe me një përvojë të gjatë akademike”, thuhet në vendimin e Byrosë. Më tej, thuhet se historianët do të bashkëpunojnë ngushtë me institucionet e tjera, në veçanti me arkivat. “Grupi i historianëve dhe juristeve do të zhvillojë veprimtarinë e tij pranë Kuvendit të Shqipërisë, do t’i sigurohet bashkëpunim i ngushtë me Drejtorinë e Përgjithshme të Arkivave apo institucione të tjera, si dhe do të asistohet nga stafi i Kuvendit. Ngarkohet sekretari i Përgjithshëm për zbatimin e këtij vendimi”, thotë vendimi. Ky vendim i Byrosë së Kuvendit është marrë vetëm nga përfaqësuesit e maxhorancës, pasi opozita vijon që të jenë në marrëdhënie bojkoti me Kuvendin.
Panorama.