Oxfam: 1% i më të pasurve zotëron gjysmën e pasurisë globale

Organizata humanitare, Oxfam International, me seli në Britani, thotë se popullata më e pasur një përqindëshe, do të jetë pronare e gjysmës së pasurisë botërore deri në vitin 2016. Në një raport të publikuar sot, kjo organizatë thotë se njerëzit më të pasur të botës e kanë shtuar pasurinë e tyre për 48%, vitin e kaluar. Kjo shkallë e pasurisë së tyre në vitin 2009 ishte 44%. Raporti i publikuar koincidon me Forumin Ekonomik Botëror, që mbahet këtë javë në Davos të Zvicrës. Oxfam ka tërhequr vërejtjen se rritja e pabarazisë po e pengon luftën kundër varfërisë globale. Kjo organizatë, që të dhënat i ka marrë nga raportet e bankës, Credit Suisse, thotë se më tepër se gjysma e pasurisë, e cila nuk është pronë e një përqindshit më të pasur, i takon popullatës më të pasur 20 përqindëshe.
noa.al