| Opozita: Nuk kemi atdhe rezervë, kemi vetëm Kosove

Për dallim prej herëve të tjera, takimi mobilizues i opozitës sot ka filluar me një dokumentar ku janë paraqitur premtimet elektorale të kryeministrit Isa Musafa e presidentit të zgjedhur Hashim Thaçi. Në dokumentar janë paraqitur, siç i quan opozita, dështimet e pushtetit gjatë mandateve të kaluara.

Aty janë hedhur poshtë të gjitha premtimet e tyre për 200 mijë vende pune. Po ashtu, ishte publikuar edhe fjalimi i Kadri Veselit, ku ka thënë që sigurimi nuk do të hyjë asnjëherë në Kuvend dhe fjalimin e kryeministrit Isa Mustafa, ku kishte thënë se nuk do të shkojë në Bruksel për të negociuar me Serbinë, por në dokumentar ishte paraqitur vizita e tij në Bruksel si kryeministër i vendit.
Takimi nisi me një pikë artistike të përgatitur nga aktori اun Lajqi, i cili shprehi gatishmërinë për mbrojtjen e tokës së Kosovës. Fjalimet filluan Ramadan Istrefin nga Kroi i Vitakut, i cili shprehi shqetësimet e tij për shqiptarët që janë shpërngulur nga veriu i Mitrovicës, për të vazhduar me Anita Gërdocin, studente në Universitetin e Prishtinës, e cila foli për gjendjen e të rinjve në vend. Më pas, fjalimet vazhduan krerët e partive opozitare, të cilët u bënë thirrje qytetarëve të ma rrin pjesë në protestë.
Kryetari i Aleancës për Ardhmërinë e Kosovës, Ramush Haradinaj tha se tash e disa muaj po përballemi me njerëz që e kanë shkelur Kushtetutën, kufijtë e shtetit dhe e kanë kthyer Kosovën në zonë të pasigurt.
Ai tha se pushteti e ka shndërruar Kosovën në poligon të hajnisë dhe të krimit dhe, sipas tij, nga frika e tyre për të shpëtuar vetën, ata po e harxhojnë Kosovën.
Haradinaj: Kosovën e kanë shndërruar në poligon të hajnisë dhe të krimit
“Hashim Thaçi e Isa Mustafa e kanë bërë Kosovën poligon të hajnisë e të krimit. Por ata janë shumë dinakë, kanë arrit të mashtrojnë njerëzit e Kosovës dhe miqtë. E kanë lanë qytetarin e vendit pa vend pune, pa pagë, pa të ardhura. E kanë lanë pa pensione, pa sigurim shëndetësor e besa edhe të zhytur në borxhe e në kredi. Por, kështu nuk shkon më. Falë kundërshtimit tonë të bashkuar si opozitë me qytetarin sot themi se kush janë, çdo skaj i Kosovës e kanë marrë vesh se kush janë këta, besa edhe miqtë e kanë marrë vesh. Nuk ka kush tashmë që nuk beson se këta dy nga frika e tyre për ta shpëtuar veten, janë kah e harxhojnë Kosovën… Këta dy njerëz po duan me kthye Kosovën në marren e tyre, por Kosova nuk e duron këtë marre. Ky vend ka pasur edhe në të kaluarën situata e njerëz më të këqij se këta por ka ditë me dal në dritë”, tha Haradinaj.
Haradinaj më tej tha se Kosova është më e fortë se frika e tyre dhe se kufijtë e saj janë të paprekur.
Kryetari i NISMث – s për Kosovën, Fatmir Limaj tha se këta njerëz i kanë zhgënjyer edhe qytetarët të cilët i kanë votuar. Ai tha se të gjithë ndihen të tradhtuar nga ky regjim, prandaj duhet bashkuar pa dallime politike e partiake deri në largimin e këtij regjimi, siç e quan ai, antikushtetues.
Limaj më tej tha se opozita është e palëkundur dhe se janë më të bashkuar se kurrë më parë deri në rrëzimin e pushtetit, pasi që opozita nuk ka atdhe rezervë, por e kanë Kosovën.
Limaj: Ne nuk kemi atdhe rezervë, atdheu ynë është Kosova
“Të gjithë pa dallim bindjeve të tyre partiake e politike kemi ardhur në një zë, të gjithë janë të pakënaqur, të zhgënjyer e të tradhtuar nga ky regjim, dhe nëse edhe analizat e tregojnë një gjë të tillë, atëherë mbetet vetëm një rrugë për t’u liruar nga ky regjim antikushtetues. Të bashkohemi të gjithë pa dallime krahine, partiake e bindje politike, përderisa e shohim se Kosova është një Republikë në rrezik, të gjithë duhet bashkuar deri në largimin e këtij regjimi antikushtetues. Ne si opozitë e bashkuar as nuk jemi lëkundur as nuk do të lëkundemi, ne jemi më të bashk uar se kurrë deri në largimin e këtij regjimi antikushtetues… Ata po e testojnë vendosmërinë tonë, sa jemi të vendosur me rrugën tonë, ne u tregojmë që jemi po aq të vendosur sa kemi të drejtë në kauzën tonë, ne nuk kemi atdhe rezervë, atdheu ynë është Kosova”, tha Limaj.
Kreu i Lëvizjes Vetëvendosje, Visar Ymeri tha se Hashim Thaçi, Isa Mustafa e Kadri Veseli janë treshe e krimit dhe korrupsionit, por sipas tij opozita nuk do të pranojë nëpërkëmbjen, ofendimin, gënjeshtrën, hajninë dhe uzurpimin e këtij regjimi.
Ymeri më tej tha se Kosova po vazhdon të rrezikohet nga “Zajednica”, nga demarkacioni, shteti policor e diktatura, që sipas tij, po rrënon demokracinë e barazinë në vend dhe nga kapja e shtetit që po e transformon republikën ne shtet huliganësh.
Ymeri: Republika duhet të jetë e lirë nga ndërhyrjet e Serbisë
“Realisht republi ka jonë është vënë në rrezik nga shumë faktorë, por praktikisht kjo Republike po rrënohet nga tre njerëz, Hashim Thaçi, Isa Mustafa e Kadri Veseli. Këta zaptues që janë vendosur në majën e diktaturës së huliganëve po e kontrollojnë aparatin shtetëror, këtë aparat që e kanë vendosur në shërbim të interesave të tyre e përmes tyre në funksion të interesave të Serbisë. Por, me rëndësi tash e shtatë muaj ne jemi në rezistencë…Do të kundërshtojmë aktivisht e intensivisht deri sa ky regjim e kjo politikë bërje të shporret njëherë e për gjithmonë nga institucionet e republikës, derisa republika e Kosovës te jetë plotësisht e pavarur e sovrane, e lirë nga ndërhyrjet e Serbisë e nga Kapja e Isës, Hashimit e Kadrisë”, tha Ymeri.
Ymeri ka përmendur edhe reagimin e Odës Ekonomike të Kosovës të cilët i janë ankuar institucioneve të BE – së për rrokullisjen e kamionëve me mallra nga Serbia. Ymeri e ka q uajtur Gërxhaliun mik të Thaçit e argat të regjimit. /KosovaPress