LeVoyageur
RDM 33 NSOE
-
- Anëtarësuar më
- Jul 12, 2011
-
- Mesazhe
- 24,655
-
- Reagimet e mara
- 20,740
-
- Vendndodhja
- Me kembe te ngulura mire....mbi re😁
Norvegjia ka miratuar një ligj i cili kërkon që krijuesit e përmbajtjes (content creators) të zbulojnë kur kanë edituar apo shtuar filtra në një foto.
Ky ligj është ndërtuar në përpjekje për të adresuar çështjet e imazhit të trupit në shoqëri.
Në legjislacion deklarohet:
“Çdo foto ku ‘forma, madhësia ose lëkura e trupit është ndryshuar nga re-touch ose manipulime të tjera’, duhet të shënohet si e modifikuar”.
Rregullat e reja u miratuan me shumicë dërrmuese muajin e kaluar në parlamentin norvegjez me një votim 72 me 15, sipas Yahoo News.
“Editimi i fotove luan një rol në pasigurinë sociale, ndërgjegjësimin e keq dhe vetëvlerësimin e ulët dhe kontribuon në presion që u bëhet njerëzve për trupat e tyre”, tha ministria e Fëmijëve dhe Familjes. “Ligji synon t’i kushtojë vëmendje të veçantë mënyrës së si portretizohen gratë në shoqëri dhe si e gjithë kjo kontribuon në pasiguritë e tyre.”
Përveç reklamave, ligji përcakton gjithashtu që personazhet e famshëm dhe “influencers” të rrjeteve sociale duhet të shënojnë nëse paguhen ose përfitojnë në një farë mënyre nga postimi.
Deklarata vazhdonte:
“Shpresojmë që me këto masa të japim një kontribut të dobishëm dhe një mesazh të rëndësishëm në frenimin e ndikimit në negativ, që kanë reklama të tilla, por jo vetëm, veçanërisht tek fëmijët dhe të rinjtë.”
Lajmifundit.al
