Jo vetëm fëmija është tmerruar nga kafshimi i një miu të stërmadh kanalesh por edhe qytetarët kalimtarë të rastësishëm që e panë, u shokuan nga skena.
Ngjarja ka ndodhur në orët e paradites në rrugën “Karl Gega” pranë stacionit të autobusëve të shkollës. Një fëmijë tre vjeç ishte duke lëvizur në rrugë bashkë me nënën, kur befas është kafshuar nga miu.
Fëmija jo vetëm është trembur por edhe ka ndjerë dhimbje dhe është gjakosur. Nëna e të voglit ka kërkuar ndihmë dhe në pak minuta ka mbërritur jo vetëm ambulanca por edhe policia, i thanë agjencisë noa.al, burime nga policia e Tiranës. Fëmija u dërgua në Qendrën Spitalore Universitare Nënë Tereza për t’i dhënë ndihmën mjekësore. fëmijës i është bërë tetanozi për të shmangur infektim të rrezikshëm dhe sipas mjekëve nuk paraqet rrezik.
Në fakt, rrugëve të Tiranës, lëvrijnë në çdo orë të ditës dhe më tepër gjatë natës, minj të shumtë që dalin nga kanalet, pusetat apo vrimat e mureve të rrënojave a godinave të tjera duke trembur shpesh kalimtarët. Rasti i fundit i kafshimit nga miu të fëmijës trevjeçar është ndër të rrallët e ndodhur.
NOA
siduket nga pusetat e shumta qe le hapur Bashkia