Durrës, Vlorë, 29 prill 2012, NOA – Temperaturat e ngrohta dhe moti i kthjellët kanë bërë që qytetarë të shumtë t’i drejtohen detit për të kaluar fundjavën, raporton agjencia e lajmeve NOA.al.
Gjiri i Durrësit, plazhi më i afërt për qytetarët e Tiranës, por jo vetëm, është populluar nga qytetarë të shumtë, të cilët i janë larguar vapës në kryeqytet për të marrë rrezet e para të diellit buzë detit, por edhe për të shijuar ushqime deti në restorantet e shumtë.
Pamjen e bukur të detit e kanë shëmtuar sërish plehrat e shumta të hedhura andej këndej buzë detit, në rërë.
Bregdeti i Durrësit duket sikur nuk i është përshtatur ende thirrjes kombëtare për “Shqipërinë e pastër”, duke përcjellë për vizitorët e parë pamje aspak të këndshme, në vigjilje të sezonit turistik.
Edhe plazhet e bukura të Vlorës kanë mikpritur pushuesit e parë, jo vetëm nga Vlora por edhe nga Tirana e qytete të tjerë.
Për shkak të infrastrukturës jo të mirë në këtë qytet që thith edhe numrin më të madh të pushuesve dhe turistëve gjatë verës, trafiku është rritur ndjeshëm ditët e fundit, sidomos në qytet.
Përtej motit me diell dhe kaltërsisë së Jonit, edhe në plazhet e Vlorës plehrat mbeten “banore të përhershme”.
Plehrat dhe papastërtia mbizotëron në shumë prej plazheve të vendit, ndërkohë që sezoni turistik ende nuk ka nisur.
Gjiri i Durrësit, plazhi më i afërt për qytetarët e Tiranës, por jo vetëm, është populluar nga qytetarë të shumtë, të cilët i janë larguar vapës në kryeqytet për të marrë rrezet e para të diellit buzë detit, por edhe për të shijuar ushqime deti në restorantet e shumtë.
Pamjen e bukur të detit e kanë shëmtuar sërish plehrat e shumta të hedhura andej këndej buzë detit, në rërë.
Bregdeti i Durrësit duket sikur nuk i është përshtatur ende thirrjes kombëtare për “Shqipërinë e pastër”, duke përcjellë për vizitorët e parë pamje aspak të këndshme, në vigjilje të sezonit turistik.
Edhe plazhet e bukura të Vlorës kanë mikpritur pushuesit e parë, jo vetëm nga Vlora por edhe nga Tirana e qytete të tjerë.
Për shkak të infrastrukturës jo të mirë në këtë qytet që thith edhe numrin më të madh të pushuesve dhe turistëve gjatë verës, trafiku është rritur ndjeshëm ditët e fundit, sidomos në qytet.
Përtej motit me diell dhe kaltërsisë së Jonit, edhe në plazhet e Vlorës plehrat mbeten “banore të përhershme”.
Plehrat dhe papastërtia mbizotëron në shumë prej plazheve të vendit, ndërkohë që sezoni turistik ende nuk ka nisur.
NOA