Avokati Spartak Ngjela gjatë një konferencë të organizuar nga Akademia e Shkencave për reformën në drejtësi, për të treguar se në çfarë gjendje është niveli i gjykatësve, solli një shmbulll origjinal.
“Në Vlorë një gjyqtare gjykon 24 mln euro dhe natyrisht ia hedh palës që do ajo, 27 vjeçe, si ka mundësi të ndodhi kjo. S’ka gjyqtar në Angli nën 50 vjeç. Gjykata jonë është rinore, shumica me instikte seksuale të pashuara dhe japin drejtësi. S’është aq e thjeshtë çështja sa mendojmë ne”,- tha ai.
Avokati hodhi tezën e një jurie, në modelin e Shteteve të Bashkuara, në vend të një trupe gjyqtarësh: “Në gjykatën perëndimore gjykon juria. Si mund të hyhet në gjykatë me 5 gjyqtarë të korruptuar?! – tha Ngjela.
Ngjela foli për një marrëveshje të fshehtë mes politikës e gjyqësorit, të cilën sipas tij, shqiptarët duhet të kenë forcë ta zhbëjnë. “Sistemi ynë gjyqësor nuk vlen, ka lindur korrupsionin, një marrëveshje e heshtur mes politikës dhe gjyqësorit. Ne jemi jurist e dimë çdo të thotë marrëveshje e heshtur. Ne nuk ju pengojmë të vidhni thonë gjyqtarët, ne nuk ju pengojmë të mos jepni drejtësi, thonë politikanët”.
b.t.observer
