Na “ndan” futbolli, ai që na bashkoi!
Kur një sukses arrihet pas shumë përpjekjesh e sakrificash, shijen e ka më të ëmbël. Disi të çlodh. Të jep forcë. Të jep motiv për betejën e radhës. Dhe sërish për suksesin tjetër.
Ndërsa lexoj lajme nga më të ndryshmet për ndeshjen historike Finlandë – Kosovë, e vlefshme për eliminatoret e Kampionatit Botëror “Rusi 2018”, më dalin përpara syve pamjet e një pjesë të madhe të futbollistëve nga Kosova; disa nga ata sot janë yje, duke u stërvitur dhe duke luajtur në kushte të jashtëzakonshme gjithandej Kosovës. Në fusha sportive të improvizuara. Të mbushura më shumë me baltë, sesa me bar të njomë. Me porta prej druri. Duke luajtur më shumë pa para, sesa të motivuar nga to. Duke çaluar gjatë lojës, në mungesë qoftë edhe të një mjeku profesionist. E çka nuk më kujtohet, siç mund t’i kujtohet në këto momente secilit nga ne, që ato ditë përcillnim nga afër futbollin në Kosovë.
Krahas sistemit arsimor, futbolli, aty-këtu edhe sporte të tjera, na mbanin gjallë në ato ditë të rënda robërie. Na bënin të hiqnim vëmendjen prej saj, qoftë edhe për çaste të shkurtra.
Ndërkohë, sytë tanë për shumë vite ishin të drejtuar edhe nga Shqipëria, siç janë edhe sot. Siç do të jenë edhe nesër. Nga kombëtarja, së cilës i kemi dhënë shumë. E kemi mbështetur me gjithë forcë. Me gjithë shpirt. Edhe kur ka humbur. Edhe kur ka fituar. E kemi mbështetur “Kuq e Zi”, me plis të bardhë në kokë, edhe në “Euro 2016” në Paris.
Por nga sonte, shqiptarët kudo që ndodhen do të jenë të ndarë, jo shpirtërisht, as për nga gjuha e gjaku, por për 90 minuta në futboll, dikush duke shikuar Shqipërinë e dikush Kosovën. Me siguri se do të ketë të atillë që herë pas here do ta shikojnë Shqipërinë e herë-herë Kosovën.
Dhe më pas prapë do të jemi NJث. Do të na pëlcasë zemra kur humbet Shqipëria. E do të “çmendemi” nga gëzimi për fitoret dhe sukseset e saj. Do të pikëllohemi në shpirt kur të humbasë Kosova, e do ta “kallim” atmosferën me këngë e valle shqiptare kur të fitojë ajo.
Shumë fat djelmoshave të Shqipërisë!
Shumë fat djelmoshave të Kosovës!
/tesheshi
Kur një sukses arrihet pas shumë përpjekjesh e sakrificash, shijen e ka më të ëmbël. Disi të çlodh. Të jep forcë. Të jep motiv për betejën e radhës. Dhe sërish për suksesin tjetër.
Ndërsa lexoj lajme nga më të ndryshmet për ndeshjen historike Finlandë – Kosovë, e vlefshme për eliminatoret e Kampionatit Botëror “Rusi 2018”, më dalin përpara syve pamjet e një pjesë të madhe të futbollistëve nga Kosova; disa nga ata sot janë yje, duke u stërvitur dhe duke luajtur në kushte të jashtëzakonshme gjithandej Kosovës. Në fusha sportive të improvizuara. Të mbushura më shumë me baltë, sesa me bar të njomë. Me porta prej druri. Duke luajtur më shumë pa para, sesa të motivuar nga to. Duke çaluar gjatë lojës, në mungesë qoftë edhe të një mjeku profesionist. E çka nuk më kujtohet, siç mund t’i kujtohet në këto momente secilit nga ne, që ato ditë përcillnim nga afër futbollin në Kosovë.
Krahas sistemit arsimor, futbolli, aty-këtu edhe sporte të tjera, na mbanin gjallë në ato ditë të rënda robërie. Na bënin të hiqnim vëmendjen prej saj, qoftë edhe për çaste të shkurtra.
Ndërkohë, sytë tanë për shumë vite ishin të drejtuar edhe nga Shqipëria, siç janë edhe sot. Siç do të jenë edhe nesër. Nga kombëtarja, së cilës i kemi dhënë shumë. E kemi mbështetur me gjithë forcë. Me gjithë shpirt. Edhe kur ka humbur. Edhe kur ka fituar. E kemi mbështetur “Kuq e Zi”, me plis të bardhë në kokë, edhe në “Euro 2016” në Paris.
Por nga sonte, shqiptarët kudo që ndodhen do të jenë të ndarë, jo shpirtërisht, as për nga gjuha e gjaku, por për 90 minuta në futboll, dikush duke shikuar Shqipërinë e dikush Kosovën. Me siguri se do të ketë të atillë që herë pas here do ta shikojnë Shqipërinë e herë-herë Kosovën.
Dhe më pas prapë do të jemi NJث. Do të na pëlcasë zemra kur humbet Shqipëria. E do të “çmendemi” nga gëzimi për fitoret dhe sukseset e saj. Do të pikëllohemi në shpirt kur të humbasë Kosova, e do ta “kallim” atmosferën me këngë e valle shqiptare kur të fitojë ajo.
Shumë fat djelmoshave të Shqipërisë!
Shumë fat djelmoshave të Kosovës!
/tesheshi
....edhe nje fitore sot per tanet dhe jemi ok me planin e pare )
