Titulli: Nesër protesta “Për Drejtësi”, paralajmërime për mijëra protestues
Shkup: Mijëra protestues marshojnë drejt institucioneve
Mijëra shqiptarë po defilojnë rrugëve të Shkupit në protestën e filluar me marshin e nisur nga pallatet e gjykatave.
Me brohoritje “Liri, barazi dhe drejtësi” ka nisur protesta masive, ku protestuesit me sllogane, flamujt dhe pankarta janë nisur në drejtim të Parlamentit, më pas duke kaluar tek godina e Qeverisë dhe duke u rikthyer në vendin e fillimit të protestave para gjykatave, raporton agjencia e lajmeve INA.
Në protestën me moton “Për drejtësi” po marrin pjesë rreth 40 shoqata joqeveritare shqiptare, të cilët siç theksuan se po shprehin politikën qeveritare diskriminuese antishqiptare.
Në mesin e protestuesve janë edhe deputetët e Demokracisë së Re, Flora Kadriu, Abedin Zymberi dhe Sulejman Rushiti. Turmat e protestuesve po ndiqen nga forca të shumta të policisë, ndërkohë organizatorët kanë angazhuar rreth 200 aktivistë që do të përkujdesen për ruajtjen e rendit dhe qetësisë.
Në letrën që do të lexohet pranë Parlamentit, protestuesit do të kërkojnë ndërperjen urgjente të gjykimit të rasteve të Hagës, si dhe të bëhet lirimi i të burgosurëve të rasteve të Sopotit, Brodecit, por njëkohësisht kërkohet edhe ndërprerja e realizimit të projektit “Shkupi 2014”. (INA)
---------- Post added at 08:51 ---------- Previous post was at 08:42 ----------
Shkup
Me brohoritje të zëshme UاK dhe Shqipëri etnike, Liri për të dënuarit të Sopotit dhe Brodecit, disa mijëra shqiptarë të cilët në dy grupe vinin prej اairit dhe nga Panairi i Shkupit, me flamuj shqiptar dolën sot në protesta kundër çdo lloji të diskriminimi.
Nën parullën „Për drejtësi“ kërkojnë që të ndërpritet procesuimi i rasteve të Hagës, të lirohen të dënuarit në rastet e Sopotit dhe Brodecit, kërkojnë që të përdoret shqipja si gjuhë zyrtare dhe të përdoren simbolet shqiptare.
Marshi protestues simbolikisht filloi para pallatit gjyqësor. Demonstrantët më pas do të shkojnë para Kuvendit, pastaj para Qeverisë.
Sigurimi policor është në nivel të lartë, pallatin gjyqësor e sigurojnë policë të thjeshtë, special, si dhe policia ushtarake.
Grupi parlamentar i Demokracisë së re, Flora Kadriu, Abedin Zumberi dhe Sulejman Rushiti, pa liderin Imer Selmani iu bashkangjitën protestës që të shprehin mbështetjen për demonstrantët.
Këshilli i 40 organizatave të shqiptarëve paralajmëruan se do të kërkojnë ndërprerjen urgjente të procesuimit të lëndëve të Hagës, lirimin e të burgosurve të Brodecit dhe Sopotit, si dhe ndërprerjen e projekteve që shkaktojnë diskriminim etnik dhe fetar. /Makfaks/
---------- Post added at 08:54 ---------- Previous post was at 08:51 ----------
Kryetari Osmani mbështet fuqishëm protestën “Për drejtësi”
10.05.2010
Telegrami i kryetarit të komunës së Gostivarit Dr. Rufi Osmani, drejtuar organizatorëve të protestës “Për drejtësi”
Të nderuar,
Padrejtësitë permanente që u bëhen shqiptarëve, diskriminimi në punësim, proceset e montuara gjyqësore, mos implementimi i Marrëveshjes së Ohrit, janë pjesë e mozaikut antishqiptar në Maqedoni. Mu për këtë arsye, protestën e organizuar nën moton “Për drejtësi” e përkrahim fuqishëm dhe i bashkëngjitemi kërkesave të drejta të protestuesve.
Shtetet multietnike funksionojnë me respektim të ndërsjellë e jo me majorizime dhe diskriminim në baza etnike dhe fetare. ثshtë koha e fundit që t’i jepet fund kësaj politike e cila për fat të keq shkon në dëm të vet shtetit të Maqedonisë dhe të popujve që jetojnë në të. Ne nuk dëshirojmë të jemi forca destruktive që nuk ia do të mirën shtetit tonë të përbashkët.
Në pamundësi që të jem i pranishëm në protestën tuaj, me këtë shkresë ju jap mbështetje të parezervë, me dëshirë që kjo protestë të kalojë në frymën e demokracisë duke e shprehur mendimin e lirë dhe zërin e protestës dhe pa mos lejuar që e njëjta të keqpërdoret nga qëllimkëqijtë.
Me respekt,
Kryetari i komunës së Gostivarit
Dr. Rufi Osmani /gostivari.gov.mk/
---------- Post added at 09:21 ---------- Previous post was at 08:54 ----------
Protesta: KOSH shpalosi kërkesat, stop politikave represive
Marshi i mijëra protestuesve pas defilimit para Parlamentit, më pas është ndaluar para Qeverisë, ku Këshilli i Organizatave Shqiptare (KOSH) ka lexuar edhe letrën publike me kërkesat e saja.
Ibrahim Koça nga KOSH theksoi se protesta e këtill detyroi shqiptarët që të dalin në rrugë në shenjë revolte kundër diskriminimit qeveritar antishqiptar. Organizatorët theksuan se marshi protestues nga Gjykatat, më pas Parlamenti dhe në fund Qeveria, simbolizon trinomin diskriminues institucional kundër shqiptarëve në Maqedoni. “Gjykata që dënon shqiptarët e pafajshëm, Parlamenti i dominuar nga maqedonasit që sjellin ligje antishqiptare si dhe Qeveria që aplikon më pas ligje antishqiptare”, kanë theksuar organizatorët, raporton agjencia e lajmeve INA.
Ndër kërkesat e shpalosur nga protestuesit janë: lirimi urgjent i të burgosurëve të rasteve të Sopotit, Brodecit; ndërprerja e procesve të hapura të Hagës; ndriçimi i fatit të personave të zhdukur nga uniformat zyrtare në vitin 2001 e më tej, ndërprerja e politikave diskriminuese në arsim, ekonomi dhe kulturë; ndërprerja e projektit Shkupi 2014, zgjidhja urgjente e përdorimit të gjuhës shqipe, simboleve kombëtare dhe ndarja e buxhetit në bazë proporcionale etj.
KOSH i bëri thirrje bashkësisë ndërkombëtare që të ndërhyrë në sistemin respresiv të pushtetit gjyqësor në Maqedoni dhe ndaj institucioneve të tjera represive. “Barazia e plotë e dy komuniteteve kryesore është rruga e vetme dhe me sigurt për të arritur në BE dhe NATO. Rruga jonë e vetme është integrimi në BE dhe NATO”, ka theksuar Valon Bela nga KOSH, i cili ka faleminderuar për pjesëmarrje mijëra protestuesit në protestën “Për Drejtësi”.
Protestuesit janë shpërndarë në mënyrë të qetë, nën mbikqyrjen e forcave të mëdha të sigurisë që janë të pozicionuara për të siguruar rendin dhe qetësinë për gjatë vijës së protestuesve në rrugët qendrore të Shkupit. Nga informacionet e para të organizatorëve të protestës, bëhet e ditur se pjesëmarrës kanë qenë rreth 10 mijë protestues. (INA)
